နီပေါ၊ ကုမ္မာရီနှင့် ဒေါ်ဓမ္မ၀တီ
Monday, 05 October 2009 18:26 ဇာနည်မာန်
ခတ္တမန္ဒူ မြို့တော်တွင် မိုးရွာသွန်းမည့် လက္ခဏာများ တွေ့မြင်နေရ သော်လည်း လမ်းပေါ်တွင် လူများဖြင့် ပြည့်ကြပ်နေသည်။ ကုမ္မာရီ မိန်းကလေးက သူ၏ အိမ်တော်မှ ထွက်၍ အဖူးမြော်ခံမည် ဖြစ်သောကြောင့် ဖြစ်သည်။
ကုမ္မာရီ ကလည်း တနှစ်လျှင် ၁၃ ကြိမ်မျှသာ အိမ်တော်ပြင်ပသို့ ထွက်၍ လှည့်လည်တတ်သည်။
နီပေါနိုင်ငံတွင် အပျိုစင်တချို့သည် နတ်ဘုရားများအဖြစ် သတ်မှတ်ခံထားရသည်။ သူတို့ကို ကုမ္မာရီ ဟု ခေါ်ဆိုကြပြီး ဟိန္ဒူရိုးရာ ဓလေ့အရ ရှိခိုးပူဇော်ကြသည်။
၅ နှစ်အရွယ်ဝန်းကျင် ကုမ္မာရီ ကလေးငယ်၏ နဖူးထက်တွင် ဆေးနီများ သုတ်လိမ်းထားသည်။ ယမန်နှစ်ကမှ သူ့ကို ကုမ္မာရီအဖြစ် ရွေးချယ်ခဲ့ခြင်း ဖြစ်သည် (ဓာတ်ပုံ - ဇာနည်မာန်)
ငြိမ်းချမ်းခြင်း သင်္ကေတအဖြစ် သတ်မှတ်ထားပြီး ဘုရင်များ လက်ထက်ကတည်းက ဖူးမြော်လေ့ရှိသည့် ကုမ္မာရီကို ၀န်ကြီးချုပ်နှင့် သမ္မတ ကိုယ်တိုင် လာရောက် ဖူးမြော်တတ်သည်။
နီပေါနိုင်ငံတွင်းရှိ မြို့တိုင်းတွင် ကုမ္မာရီ တပါးစီ ရှိကြသော်လည်း ဘုရင်နန်းစိုက်ခဲ့ရာ ခတ္တမန္ဒူမြို့တော်မှ တော်ဝင် ကုမ္မာရီသည် အထင်ရှားဆုံးဖြစ်ပြီး တန်ခိုးအာဏာအရှိဆုံးဟု ဆိုသည်။
ကုမ္မာရီ နေထိုင်ရာ အဆောင်အတွင်းသို့ သကျ သာကီနွယ်ဝင် ဟိန္ဒူဘာသာဝင်မှ အပ တခြား မျိုးနွယ်နှင့် တခြားဘာသာဝင်များ၊ နိုင်ငံခြားသားများ ၀င်ရောက်ခွင့်မရှိပေ။
ထို့ကြောင့် နံနက်၊ နေ့လယ်နှင့် ညနေခင်းတို့တွင် သူ၏ အဆောင် ပြတင်းပေါက်မှ မိနစ်အနည်းငယ်ခန့် ပေါ်လာတတ်သော ကုမ္မာရီကို သွားရောက် စောင့်စားပြီး ဖူးမြော်၊ ကြည့်ရှုကြသည်။ ကုမ္မာရီကို ဖူးမြော်ခွင့်ရသူ၊ မြင်တွေ့ရသူသည် ကံကောင်းသည်၊ လာဘ်လာဘ စီးပွားဥစ္စာ တိုးပွားသည်ဟု အယူအဆ ရှိကြသည်။
ရုတ်တရက် ရွာချလိုက်သော မိုးစက်များအောက်တွင် ဗုံနှင့် လင်းကွင်းသံများ ထွက်ပေါ်နေသည်။ မကောင်းဆိုးဝါးများဟန် မျက်နှာဖုံး တပ်ထားသူများကို အိန္ဒြာနတ်မင်းက လိုက်လံသတ်ဖြတ်ဟန်ဖြင့် စည်းချက်ညီညီ ကပြသူ ကချေသည်များကို တွေ့ရသည်။ မိုးစက်ကျသံ တဖြောက်ဖြောက်ကြားတွင် ကချေသည်တို့၏ ခြေထောက်မှ ချူသံများကလည်း စည်းချက်ကျကျ ပေါ်ထွက်နေသည်။
ကချေသည်အဖွဲ့များ တဖွဲ့ပြီးတဖွဲ့ ကပြအပြီး အိမ်တော်ရှေ့ မြေကွက်လပ်တွင် လုံခြုံရေးများ၊ ကုမ္မာရီ စောင့်ရှောက်ရေးအဖွဲ့များဖြင့် ပြည့်သွားသည်။ အားလုံး၏ မျက်လုံးများက ကုမ္မာရီ၏ အိမ်တော်တံခါးဆီသို့ ရောက်နေကြသည်။
မကြာလိုက်ပါ .. တံခါးချပ်များ ဖြည်းညင်းစွာ ပွင့်သွားသည်နှင့် တပြိုင်နက် ရုတ်ရုတ်သဲသဲ ဖြစ်သွားသည်။ ကင်မရာမီးများ တဖျပ်ဖျပ် လင်းလက်သွားသည်။ ဘော်ကြယ်များ စီခြယ်ထားသော နီရဲရဲ ကတ္တီပါ ၀တ်စုံ၊ ရတနာများ တပ်ဆင်ထားသည့် ခေါင်းဆောင်းတို့ဖြင့် ချစ်စဖွယ်ကောင်းလှသော ပီဘိကလေးငယ် ကုမ္မာရီလေးကို လူများ၊ ထီးရောင်စုံများ၊ မိုးစက်များ ကြားမှ ဖျတ်ခနဲ မြင်လိုက်ရသည်။ လူကြီးတဦးက ကုမ္မာရီလေးကို လှည့်လည်အပူဇော်ခံမည့် လှည်းယာဉ်ပေါ်သို့ ပွေ့တင်ပေးသည်။
ဆာရီဝတ် အမျိုးသမီးများက လက်အုပ်ချီကြသည်။ လက်မြှောက်၍ ကကြသည်။ လှည်းယာဉ်တွင် အလှဆင်ထားသော သစ်ရွက် သစ်ခက်များကို လူအုပ်ကြီးထဲ ပစ်ချပေးရာ လိုက်ကောက်သူများ တ၀ုန်းဝုန်းနှင့် ဖြစ်နေသည်။
သစ်ခက်တခက် ရလာသူ အမျိုးသမီးကြီးတဦးက “ဒီနှစ်တော့ ကျမ သိပ်ကံကောင်းသွားပြီ။ ကျမနှစ်တိုင်း ပွဲတိုင်းလာတာ ကုမ္မာရီဆီက သစ်ခက် မရခဲ့ဖူးဘူး။ ဒီနှစ်တော့ ကျမ သူ့ကိုလည်း သေသေချာချာ မြင်လိုက်ရတယ်၊ သစ်ခက်လည်း ရခဲ့တယ်” ဟု ၀မ်းသာအားရ ဆိုသည်။
ကုမ္မာရီ ကလေးငယ်၏ မျက်နှာ လန်းရွှင်နေပါက တိုင်းပြည် သာယာဝပြောသည်ဟု မှတ်ယူကြသည်။ ကုမ္မာရီ၏ နေထိုင်လှုပ်ရှားသော အမူအရာ မျက်နှာသွင်ပြင်တို့ကိုကြည့်ကာ နိမိတ်များ၊ ဟောကိန်းများ ထုတ်ကြသည်။
ဟိန္ဒူဓလေ့အရ ရွေးချယ်လေ့ရှိသည့် ကုမ္မာရီမှာ လမ်းလျှောက်တတ်စ ၂ နှစ်ခန့် အရွယ်မှ ၁၄ နှစ် ၁၅ နှစ်အထိ ဖြစ်ကြသည်။
သကျသာကီနွယ်ဝင် ဟိန္ဒူဘာသာ ကိုးကွယ်သည့် မိသားစုမှ သတ္တိ၊ သတိရှိသော မိန်းကလေးငယ်များကိုသာ ရွေးချယ်ခြင်း ဖြစ်သည်။ ဘာသာရေးခေါင်းဆောင်များ ပါဝင်သည့် ရွေးချယ်ရေးအဖွဲ့က ဇာတာ၊ မျိုးရိုးဗီဇ ကောင်းမွန်သော၊ ကြောက်ရွံ့ထိတ်လန့်ခြင်း ကင်းသော၊ အပြစ်အနာအဆာ (ဒဏ်ရာ၊ သွားပိုးစားခြင်း၊ ကျိုးခြင်း၊ သွေးထွက်ခြင်း စသဖြင့်) ကင်းစင်သော မိန်းကလေးငယ်ကို ရွေးချယ်ပြီး သတ်မှတ်ထားသည့် ရက်တွင် ကုမ္မာရီအဖြစ် တင်မြှောက်လေ့ ရှိသည်။
ငိုယိုခြင်း၊ ချော်လဲခြင်း၊ ထိခိုက်ဒဏ်ရာရခြင်း၊ သွေးထွက်ခြင်း စသည့် ကုမ္မာရီဖြစ်ရန် အကြောင်း မညီညွတ်သည့် ကိစ္စများ ပေါ်ပေါက်လာပါက ကုမ္မာရီ အသစ်တဦးကို ရွေးချယ် လဲလှယ်ရပြန်သည်။
ကုမ္မာရီအဖြစ်မှ ပယ်ဖျက်ခံရသူများမှာ သာမန် မိန်းကလေးငယ်များအဖြစ် ပြန်လည်နေထိုင်ကြရသည်။
ယနေ့ကာလ ကုမ္မာရီများသည် အိမ်တော်တွင် မိဘများနှင့် နေထိုင်ခွင့်ရသည်။ ဘာသာရေး အထိန်းအချုပ် ရှိသော်လည်း ကလေးသဘာဝ လွတ်လပ်စွာ နေထိုင်ခွင့်ရသည်။ အရေးအကြီးဆုံးတခုမှာ စာပေ သင်ယူခွင့် ရခြင်း ဖြစ်သည်။ ရှေးခေတ် ကုမ္မာရီများမှာမူ ထိုအခွင့်အရေးများ မရရှိကြပေ။ စာပေလေ့လာခွင့် ဆုံးရှုံးခဲ့ပြီး စာပေ၊ ဗဟုသုတ ကင်းမဲ့ခဲ့ကြသည်။
၁၉၃၀ ပြည့်နှစ် ကာလများအတွင်း စာပေလေ့လာခွင့် မရရှိခဲ့သည့် နီပေါ မိန်းကလေးငယ် တဦးသည် စာပေလေ့လာလိုစိတ် ပြင်းထန်လွန်း၍ အိမ်မှ တိတ်တခိုး ထွက်ပြီး မြန်မာနိုင်ငံသို့ သွားရောက်ပညာသင်ခဲ့သည်။
ထိုမိန်းကလေးသည် ယခုအခါ သီလရှင်ကြီးတပါး ဖြစ်နေပေပြီ။ အဆိုပါ ထေရ၀ါဒ ဗုဒ္ဓဘာသာ သီလရှင်ကြီး၏ ကျောင်းတိုက်မှာ ခတ္တမန္ဒူမှ ကုမ္မာရီ အိမ်တော်နှင့် မဝေးလှသော ဆိတ်ငြိမ်ရာ လမ်းကြားလေးတခုတွင် ရှိနေသည်။
ဓမ္မကိတ္တိ သီလရှင် ကျောင်းတိုက်ပေါ် တက်သွားချိန်တွင် ပရိတ်ရွတ်သံများ၊ သာဓုခေါ်သံ မေတ္တာပို့ အမျှဝေသံများကြားမှ တည်ငြိမ်အေးဆေး မေတ္တာဓာတ် ပြည့်ဝသော မျက်နှာနှင့် အသက် ၈၀ ၀န်းကျင် သီလရှင်ဆရာကြီးကို တွေ့မြင်လိုက်ရသည်။
နှစ်လိုဖွယ်အပြုံးနှင့် ဖိတ်မန္တကပြုလာသော ဆရာကြီး ဒေါ်ဓမ္မ၀တီ၏ မျက်နှာတွင် တပည့် သီလရှင်များကို ဓမ္မပညာများ ဖြန့်ဝေပေးခွင့် ရသည့် ပီတိအပြုံးက ထူးခြား ပေါ်လွင်လှသည်။
သူ၏ စိတ်ထက်သန်ပုံနှင့် သာသနာရေးအတွက် ကြိုးပမ်းပုံများကို စာရေးဆရာ ရဝေထွန်းက သမီးချစ် ဆိုသည့်အမည်ဖြင့် ဂုဏ်ပြု ရေးသား ထုတ်ဝေခဲ့ဖူးသည်။
ဒေါ်ဓမ္မ၀တီသည် ထေရ၀ါဒ သာသနာထွန်းကားသော မြန်မာပြည်တွင် ဗုဒ္ဓစာပေများ သင်ကြားနိုင်သည်ဟု မြန်မာပြည်မှ ပြန်ကြွလာသူ သံဃာတပါးထံမှ သိရသည်။ သို့သော်လည်း မြန်မာပြည်သို့ သွားရောက်ပြီး ပညာသင်မည့် အစီအစဉ်ကို ဖခင်နှင့် အစ်ကိုဖြစ်သူတို့က သဘောမတူပေ။
မိခင်ဖြစ်သူ၏ ခွင့်ပြုချက်ဖြင့် အိမ်မှခိုးထွက်ကာ မြန်မာပြည်ခရီးကို စတင်ခဲ့သည်။ ထိုစဉ်က ၁၉၄၇ ခုနှစ်ဖြစ်ပြီး သူ့အသက်က ၁၄နှစ် ဖြစ်သည်။
“သူငယ်ချင်းတယောက် ပါသေးတယ်။ သူက အိမ်က လိုက်ခေါ်တော့ ပြန်ပါသွားတယ်။ ကျမကတော့ စာသင်ချင်လို့သွားတာ မပြန်ဘူး ဆိုပြီး ဆက်ထွက်လာတာ” ဟု ဒေါ်ဓမ္မ၀တီက မိန့်သည်။
အိန္ဒိယနိုင်ငံ၊ ဥတ္တရာ ပရာဒေ့ရှ် ပြည်နယ်၊ ကုသိနာရုံမြို့သို့ အရောက်တွင် သီလရှင်ဝတ်ခဲ့သည်။ ထိုအချိန်က ကားလမ်း၊ ရထားလမ်းမရှိခြင်း၊ နိုင်ငံကူးလက်မှတ် နှင့် ပြည်ဝင်ခွင့် ဗီဇာများ ရရန် မလွယ်ကူခြင်းတို့ကြောင့် အိန္ဒိယနိုင်ငံ၊ အာသံပြည်နယ်ကို ဖြတ်ပြီး မြန်မာပြည်တွင်းသို့ ခြေလျင်ခရီးဖြင့် ၀င်ရောက်ခဲ့သည်။
ကြမ်းတမ်းသည့် လမ်းခရီး အခက်အခဲ အမျိုးမျိုးကို ကျော်ဖြတ်ပြီး ကချင်ပြည်နယ် မြစ်ကြီးနားအရောက်တွင်မူ နိုင်ငံတွင်း တရားမ၀င် ၀င်ရောက်မှုကြောင့် ဖမ်းဆီးခံရတော့သည်။
“ကျမက ပြောတယ်။ ဘုရားစာသင်ချင်လို့ လာတယ် လို့။ သူတို့က စာရင်းစစ် မင်းကြီးကို သွားပြောတော့ ဘုရားစာ သင်ချင်လို့ လာတဲ့သူ သင်ပါစေ ဆိုပြီး ခွင့်ပြုလိုက်တယ်” ဟု ဒေါ်ဓမ္မ၀တီက ပြန်လည် ရှင်းပြသည်။
စာရင်းစစ်မင်းကြီး ဦးသာလွင်၏ ရန်ကုန်ရှိနေအိမ်တွင် ၆ လခန့်နေ၍ မြန်မာစာ သင်ယူခဲ့သည်။ ထို့နောက် မော်လမြိုင်မြို့ရှိ ဒေါ်ပညာစာရီ၏ ခေမာရာမ သီလရှင်ကျောင်းတိုက်တွင် ပညာသင်ယူခဲ့ရာ အဘိဓမ္မာ ကျမ်း ၇ ကျမ်းကို ကျွမ်းကျင်စွာ တတ်မြောက်ခဲ့ပြီး စာချတန်း အောင်မြင်ခဲ့သည်။
“ပထမတော့ စာသင်ရတာ တအား ခက်တယ်။ ငွေကြေး အခက်အခဲတွေ ရှိတယ်။ ဗမာစာက အကုန်လုံး လုံးလုံး ၀ိုင်းဝိုင်းကြီးတွေ၊ ဘယ်လိုရေးလို့ ဘယ်လိုဖတ်ရမှန်းကို မသိဘူး။ နားမလည်တာ မေးတော့လည်း ဘုရားစာ သင်ချင်လို့ နီပေါကနေတောင် လာတာ ဘာလို့မသိလဲ ဆိုတာနဲ့ မခံချင်စိတ်နဲ့ ကြိုးစားခဲ့တာ။ နောက် ဆုတွေ အများကြီးရတယ်။ ပညာသင်စရိတ်ရတယ်။ အဲဒီရတဲ့ဆုတွေနဲ့ အဲဒီတုန်းက ဗမာပြည်မှာက သုံးလို့ကို မကုန်ဘူး” ဟု ဆိုသည်။
နီပေါသို့ ပြန်ရောက်ပြီး အစောပိုင်း ကာလများတွင် နေရာထိုင်ခင်း ရရန် နှင့် ဆွမ်းစားရန်ပင် အခက်အခဲများစွာနှင့် ကြုံရသည်၊ ထို့နောက် ကလေးများကို ဘာသာရေးစာပေများ သင်ကြားပေးရာမှ ကလေးမိဘများက တရားဟောရန်၊ ဆွမ်းစားရန် ပင့်ဖိတ်ကြသည်။ ယခုအခါ ကျောင်းခွဲ ၇ ကျောင်း တည်ထောင်နိုင်သည့် အခြေအနေသို့ ရောက်ရှိလာသည်။
“ဒီမှာ တပည့် သီလရှင် လောလောဆယ် အပါး ၄၀ ရှိတယ်။ နောက်ပြီး တချို့က ဗမာပြည်မှာ၊ ထိုင်ဝမ်မှာ၊ သီရိလင်္ကာမှာ ဘုရားစာ သွားသင်ခိုင်းထားတယ်” ဟု သူက ဆိုသည်။
ဒေါ်ဓမ္မ၀တီက ဘာသာရေးနယ်ပယ်မှ ဖြစ်သော်လည်း အမျိုးသမီးအခွင့်အရေးနှင့် ပတ်သက်ပြီး ပြောကြားရန် တွန့်ဆုတ်ခြင်း မရှိပေ။
“ဥရောပမှာဆိုရင် အမျိုးသမီးတွေဆိုတာ အမျိုးသားတွေနဲ့ တန်းတူအခွင့်အရေး ရတယ်။ ဒီ အရှေ့ကတော့ တော်တော် နှိမ်ကြတယ်။ ဗမာပြည်မှာလည်း ဒီလိုပဲ၊ ယိုးဒယားမှာလည်း ဒီလိုပဲ။ အမျိုးသမီး အခွင့်အရေး ဆိုတာကို အခုအချိန်မှာက ပြောနေတုန်းပဲ ရှိသေးတယ်။ အပြည့်အ၀ မရသေးဘူး။ ဘုရားဟောတဲ့ထဲမှာက အမျိုးသား၊ အမျိုးသမီး ခွဲပြီး ဘုရားစာသင်တယ်၊ အခွင့်အရေးရတယ် ဆိုတာ မပါဘူး။ မကောင်းတဲ့သူကို မပေါင်းနဲ့၊ မကောင်းတာ မလုပ်နဲ့ ဆိုတာပဲ ဟောထားတာ” ဟု သူက ဆိုသည်။
မြန်မာနိုင်ငံတွင် ဗုဒ္ဓသာသနာ ထွန်းကားပုံနှင့် ဘာသာရေး ကိုင်းရှိုင်းကြပုံများသည် တခြားနိုင်ငံများနှင့်မတူ အားရကျေနပ်ဖွယ်ကောင်းလှသည်ဟု သူက ဆိုသည်။
“အဘိဓမ္မာ လေ့လာရေးမှာတော့ ဗမာပြည်က အကောင်းဆုံးပဲ။ နောက် ဗမာပြည်မှာ သာသနာ ထွန်းကားတာ၊ ယဉ်ကျေးတာ၊ ဘာသာရေး ကိုင်းရှိုင်းတာ၊ ရဟန်းတွေ၊ သီလရှင်တွေကို ရိုသေတာတွေက အားရစရာပဲ။ ဒီ နီပေါမှာ ဒါတွေကိုပြပြီး တရားဟောရတာ” ဟု သူက ရှင်းပြသည်။
သို့သော်လည်း ၂၀၀၇ ခုနှစ်တွင် မေတ္တာပို့ကြွချီသော သံဃာတော်များကို အကြမ်းဖက် နှိမ်နင်းခြင်းကြောင့် မြန်မာပြည်၏ သာသနာရေးကို ပုံပမာပြ၍ တရားဟောပြရန်မှာ ခက်ခဲသွားသည်ဟု သူကဆိုသည်။
“ဘုန်းကြီးတွေကို သူတို့ အဲဒီလို လုပ်တယ် ဘာညာ ကြားတော့ ကျမ သံအမတ်ကြီးကို သွားပြောတယ်။ ကျမတို့က ဗမာပြည်ကို အားကိုးပြီး ဒီမှာ သာသနာပြုနေရတာ။ ဗမာပြည်ရဲ့ ကြည်ညိုကြတာကို ပြောပြပြီး သာသနာ ပြုနေတာ။ အခုလို ကြားတော့ စိတ်မကောင်းဘူး ဆိုတော့ သူက (ဆန္ဒပြသံဃာတွေက) ဘုန်းကြီး အတုတွေ လို့ ပြောတယ်” ဟု ဒေါ်ဓမ္မ၀တီက ပြန်ပြောပြသည်။
သူကဆက်၍ မြန်မာပြည်သည် ဗုဒ္ဓသာသနာ ထွန်းကားသည့် တိုင်းပြည် ဖြစ်သည့်အလျောက် အရာရာကို မေတ္တာရှေ့ထား၍ ဖြေရှင်းမှသာ ဗုဒ္ဓချမှတ်ထားသည့် လမ်းစဉ်များနှင့် ကိုက်ညီမည် ဟု ဆိုသည်။
ဒေါ်ဓမ္မ၀တီ၏ ကျောင်းတိုက်မှ ပြန်ထွက်လာချိန်တွင် မိုးစဲသွားပြီ ဖြစ်သည်။ ဆည်းလည်းသံ တလွင်လွင် နှင့် ညနေခင်း ဘုရားဝတ်တက်သံတို့က လူများ ပျားပန်းခပ် လှုပ်ရှားနေသည့် လမ်းထက်ဆီသို့ ပျံ့လွင့်နေလေသည်။
ပြန်ခေါက်ခဲ့ပါ...
အာရ်အက်ဖ်အေ တနင်္ဂနွေဆွေးနွေးပွဲ (၂၂-၃-၀၉)
အာရ်အက်ဖ်အေ ။ ။ ကျနော်တို့ အာရ်အက်ဖ်အေ လွတ်လပ်တဲ့အာရှအသံ မြန်မာပိုင်းအစီအစဉ်ရဲ့ တနင်္ဂနွေ စကားဝိုင်း ဒီအပတ်အတွက် ဖိတ်ကြားထားတဲ့ ပုဂ္ဂိုလ်များကတော့ ပထမတဦးကတော့ ဒေါ်နော်အုန်းလှပါ။ သူ က မှော်ဘီမြို့နယ် အန်အယ်လ်ဒီအဖွဲ့ဝင် ဖြစ်ပါတယ်။ နောက်တဦးကတော့ မိတ္ထီလာမြို့နယ်ရဲ့ အမျိုးသားဒီမို ကရေစီအဖွဲ့ချုပ်အတွင်းရေးမှူး ဒေါ်မြင့်မြင့်အေးပါ။ နောက်ဆုံးတဦးကတော့ ပဲခူးမြို့နယ် အန်အယ်လ်ဒီအဖွဲ့ ၀င် ဒေါ်ခင်ညွန့်မူပါ။
ကျနော်တို့ ဒီနေ့ အဓိကထားပြီး ဆွေးနွေးတင်ပြလိုတဲ့ အကြောင်းအရာကတော့ လက်ရှိ အန်အယ်လ်ဒီအဖွဲ့ဝင် တွေဖြစ်ကြတဲ့ အမျိုးသမီး ၃ ဦးရဲ့ သူတို့ရောက်ရှိနေတဲ့ နေရာဒေသတ၀ိုက်က အန်အယ်လ်ဒီရဲ့ လှုပ်ရှားမှုတွေ နောက်ပြီး လာမယ့်ရွေးကောက်ပွဲနဲ့ ပတ်သက်လို့ သူတို့က ဘယ်လိုမြင်ကြသလဲ။ ဒါတွေပါပဲခင်ဗျာ။ ကဲ .. ဘယ်သူက စပြောမလဲ။ ဒေါ်မြင့်မြင့်အေး စပြောပါဦးဗျာ။ ခင်ဗျားတို့ မိတ္ထီလာမြို့နယ်မှာ အခြေအနေဘယ်လိုရှိ လဲခင်ဗျ။
ဒေါ်မြင့်မြင့်အေး ။ ။ ဟုတ်ကဲ့ရှင့်။ ကျမတို့ မိတ္ထီလာမြို့နယ်အနေနဲ့ကတော့ ၂၅ ရက်နေ့တိုင်းမှာ မြို့နယ်အ စည်းအဝေး၊ ၁ ရက်နေ့တိုင်းမှာ ခရိုင်အစည်းအဝေး ဆိုပြီးတော့ ပုံမှန်လှုပ်ရှားမှုရှိတယ်။ ဒါပေမယ့် အန်အယ်လ် ဒီရယ်လို့ စစ်စစ်မှန်မှန် အဖွဲ့ဝင်အနေနဲ့ တင်းတင်းရင်းရင်း ရပ်တည်တဲ့ အင်အားတွေကတော့ လျော့နည်းလာ တာအမှန်ပဲ။ အစည်းအဝေးမှာ လူတွေနည်းလာတာလည်း အမှန်ပဲ။ အင်အားတွေလျော့နည်းနေပေမယ့်လည်း ရှိတဲ့အန်အယ်လ်ဒီဆဲလ်တွေကတော့ တကယ့်အမာခံအင်အားတရပ်လို့ ပြောလို့ရပါတယ်။ ဘာလို့ပြောလို့ရလဲ ဆိုတော့ ထောင်ဝင်စာလာတွေ့တဲ့သူတွေဆိုရင် တအိမ်ထဲ နှစ်ယောက် သုံးယောက် လေးယောက် ငါးယောက် အထိအောင် ထောင်ကျတာတွေရှိတယ်။ အကုန်လုံး ပတ်ရှာပတ်ကုန်း ထောင်ဝင်စာတွေ တွေ့ရတဲ့အခါမှာ နေ ရာဒေသတိုင်းမှာ အန်အယ်လ်ဒီတွေကပဲ ကူညီတယ်၊ အန်အယ်လ်ဒီတွေကပဲ ကူညီတယ်ဆိုတဲ့အတွက်ကြောင့် တမြို့နယ်မှာ အန်အယ်လ်ဒီလူလေး တယောက်နှစ်ယောက်ရှိရင်ကို ကျမတို့အတွက် အင်အားတရပ်ပဲ။ အဲဒါ ကြောင့် ကျမတို့ရဲ့ အင်အားတွေက လျော့နည်းနေပေမယ့်လည်း ကျမတို့ ခိုင်ခိုင်မာမာ ရပ်တည်နေတယ်ဆို တာကို ပထမဦးဆုံး ပြောလိုပါတယ်။
“၉၀ ခုနှစ်မှာ … အဲဒီအချိန်တုန်းက အောင်နိုင်ရေးသွားတဲ့အခါကျရင် ဒီမိုကရေစီရအောင် လုပ်ပေးမယ်လို့ ဒါ … ကျမတို့ အနိမ့်ဆုံးပြောခဲ့တဲ့စကား၊ အနိမ့်ဆုံးနော်၊ လွှတ်တော်ကိုယ်စားလှယ်တွေ ဒီ့ထက်မက ပြောခဲ့တယ်။ အဖွဲ့ချုပ်မှာဆိုရင် ညွှန်ကြားလွှာတွေ အများကြီးထုတ်ခဲ့တယ် အဲဒီတုန်းက …။ လုပ်ပေးမယ် အဖွဲ့ချုပ်က ညွှန်ကြားချက်တွေနဲ့ လယ်သမားအတွက်က ဘာလုပ်ပေးမယ်၊ အလုပ်သမားအတွက်က ဘာ အများကြီးပါပြီးသားပါ။ ဒါပေမယ့်လို့ အခုအချိန်အထိ ဘာမှ အကောင်အထည်မဖော်နိုင်သေးဘူး။ မဖော်နိုင်သေးဘူးဆိုတာက ဖော်မကြည့်တဲ့အတွက် မရလာတာပေါ့နော်။ ဖော်ကြည့်တဲ့အခါကျရင် ဖြစ်လာမှာပဲ။ လုပ်သင့်တဲ့ အလုပ်ကို လုပ်ဖို့လိုတယ်။” (ဒေါ်နော်အုန်းလှ)
အာရ်အက်ဖ်အေ ။ ။ ဟုတ်ကဲ့ ဒေါ်နော်အုန်းလှကော ဘယ်လိုရှိလဲခင်ဗျ မှော်ဘီမြို့နယ်ဘက်မှာ …။
ဒေါ်နော်အုန်းလှ ။ ။ မှော်ဘီမြို့နယ်မှာကတော့ မြို့နယ်အစည်းအဝေးတွေ မလုပ်ဖြစ်တာတော့ အတော်ကြာ ပြီ။ ဒါပေမယ့်လို့ မြို့နယ်လက်ရှိအနေအထားအရတော့ အစည်းအဝေးတွေ မလုပ်ပေမယ့်လို့ မြို့နယ်မှာ လုပ် သင့်လုပ်ထိုက်တာတွေ နောက်ပြီး အချင်းချင်း တွေ့ဆုံတာတွေကတော့ ရှိကြပါတယ်။ လွှတ်တော်ကိုယ်စား လှယ် နဲ့လည်းကောင်း၊ မြို့နယ်စည်းနဲ့လည်းကောင်းပေါ့နော် အစည်းအဝေးသီးသန့်ကတော့ သူတို့မလုပ်ဖြစ် ဘူး။ ဘာဖြစ်လို့လဲဆိုတော့ အကြောင်းက မြို့နယ်အစည်းအဝေးကို အရင်လုပ်ခဲ့တယ်။ ဒါပေမယ့် အကြောင်း ကြောင်းဆိုတာ အပေါ်နဲ့ အောက်နဲ့က နည်းနည်း တခါတလေကျရင်လည်း သဟဇာတ မဖြစ်တဲ့အခါကျတော့ နောက်ပိုင်းကျတော့ ဒါတွေ သူတို့မလုပ်ဖြစ်တော့ဘူး။ နောက်ပိုင်း အခုက စီးပွားရေးအခြေအနေအရ စီးပွား ရေးကလည်း အကျပ်အတည်းဖြစ်တဲ့ အချိန်ဖြစ်တဲ့အတွက် စီးပွားရေးလုပ်ရတဲ့အခါကျတော့ နိုင်ငံရေးကို သူ တို့စိတ်ထဲမှာ ရှိပေမယ်လို့ လောလောဆယ်မှာ စီးပွားရေးကို လုံးပန်းနေရတဲ့အခါကျတော့ လောလောဆယ် အနေအထားကတော့ မြို့နယ်မှာ အစည်းအဝေး မလုပ်ဖြစ်ဘူး။ ဒါပေမယ့် ဆုံမှုတွေကတော့ ရှိကြပါတယ်။ လက်ရှိအနေအထားမှာတော့ ဘာပဲပြောပြောပေါ့နော် လက်ရှိလုပ်နေတဲ့လူတွေက ကိုယ့်ရဲ့ရပ်တည်ချက်ကို တော့ ကိုယ်မမေ့ကြဘူးဆိုတာ ကျမမြင်ရပါတယ်ရှင့်။
အာရ်အက်ဖ်အေ ။ ။ ဟုတ်ကဲ့၊ ကဲ … အဲတော့ ပဲခူးမြို့နယ်ဘက်ကကော ဘယ်လိုရှိလဲ ဒေါ်ခင်ညွန့်မူရေ။
ဒေါ်ခင်ညွန့်မူ ။ ။ ဟုတ်ကဲ့ ပဲခူးမြို့နယ် မြို့နယ်စည်းတွေကတော့ သူတို့တွေ့ဆုံကောင်း တွေ့ဆုံမယ်ပေါ့နော်။ ဒါပေမယ့် ကျမတို့ မသိရဘူး။ ကျမအနေနဲ့ အမြင်ကတော့ မိတ္ထီလာက ဒေါ်မြင့်မြင့်အေးတို့ လုပ်သလိုမျိုးပေါ့ နော် ပါတီဝင်တွေဟာ ဒီလိုပဲ ကိုယ့်အခွင့်အရေးကိုကိုယ် တိုက်ယူကြရမှာပဲ။ တရားဝင် ပါတီတရပ်အနေနဲ့ အမြဲ တမ်းအစည်းအဝေးဆိုတာ မိတ္ထီလာလိုပဲ လုပ်သင့်ပါတယ်။ မိတ္ထီလာလုပ်သလို ဇီးကုန်း ဒေါ်ခင်ဝိုင်းတို့ကလည်း ဟိုတလောကလုပ်တာ ကြားလိုက်ပါတယ်။ အမှန်တော့ ဒီလိုမျိုးတွေ လုပ်တယ်ဆိုလို့ရှိရင် မိတ္ထီလာလုပ်တယ် ဆိုရင် မိတ္ထီလာရဲ့ အသံတွေကိုပဲ ကြားရမယ်။ ဇီးကုန်းက လုပ်တယ်ဆိုရင် ဇီးကုန်းက အသံတွေကိုပဲ ကြားရ မယ်။ ကျမဖြစ်စေချင်တာက တနိုင်ငံလုံးက မြို့နယ်တွေက ကိုယ့်ပါတီရဲ့ အခွင့်အရေးကို ကိုယ့်ဘာသာကိုယ် လုပ်ဆောင်သွားရမယ်။ ဒါမှ တနိုင်ငံလုံးမှာရှိတဲ့ ပြည်သူတွေရဲ့သဘောထားတွေကို အထက်နဲ့အောက် ပြေပြေ လည်လည် နားလည်ကြမှာဖြစ်တယ်။ ဒါကြောင့်မို့ ကျမမြင်တာကတော့ ကိုယ့်ပါတီရဲ့ အခွင့်အရေးကို ကိုယ် ကိုယ်တိုင် တိုက်ယူကြရမှာပါပဲ။ ကျမတို့ခေါင်းဆောင်လည်း ပြောထားပါတယ်။ အားလုံးဟာ ကိုယ့်ပါတီဝင်မှ မ ဟုတ်ပါဘူး၊ ပြည်သူအားလုံးဟာလည်း ကိုယ့်အခွင့်အရေးကိုကိုယ် တိုက်ယူကြရမယ်လို့ ပြောခဲ့တာပဲ။ ဒါ အ မှန်ပါပဲ။
အာရ်အက်ဖ်အေ ။ ။ ဟုတ်ကဲ့ ... ဒေါ်ခင်ညွန့်မူ အခုပြောသွားတဲ့အထဲမှာ ကျမတို့ခေါင်းဆောင်ဆိုတာ ဒေါ် အောင်ဆန်းစုကြည်ကို ရည်ညွှန်းတာလို့ ကျနော်သဘောပေါက်ပါတယ်။ ဟုတ်ကဲ့ … အဲတော့ ဒေါ်အောင်ဆန်း စုကြည်ကတော့ အခု ပါတီလုပ်ငန်းစဉ်တွေကို လုပ်ခွင့်မရဘူးပေါလေ။ ဒေါ်ခင်ညွန့်မူတို့အနေနဲ့ လက်ရှိ အန် အယ်လ်ဒီပါတီ(ဗဟို)နဲ့ ဆက်သွယ်လှုပ်ရှားမှုတွေမှာကော ဘယ်လိုများ အခြေအနေတွေရှိလဲခင်ဗျ။
ဒေါ်ခင်ညွန့်မူ ။ ။ ခုနပြောသလိုပေါ့နော်။ ကျမတို့ ဆက်သွယ်ဖို့ဆိုတာ မြို့နယ်စည်းတွေက ဆက်သွယ်ပေးမှ၊ ကျမတို့က ကျော်ပြီးတော့ ဗဟိုကိုသွားပြီးတော့ ကျမတို့ ပြောလို့ရပါတယ်။ ဒါပေမယ့် ကျမတို့က မကျော်လွန် ချင်ဘူး။ ဒါကြောင့်မို့ ဗဟိုကို ဆက်သွယ်ဖို့ဆိုတာလည်း မြို့နယ်စည်းတွေကတဆင့် ကျမတို့ရဲ့ ခံစားချက်တွေ သဘောထားတွေကို ပြောချင်တယ်ပေါ့နော်။ ဒါကြောင့်မို့ အစည်းအဝေးဆိုတာ လုပ်သင့်တယ်။ အထက်နဲ့ အောက်ဆိုတာ ညှိနှိုင်းဖို့ပဲလိုပါတယ်။ လူငယ်တွေအနေနဲ့လည်း ပါတီထဲမှာ ဖြစ်ပျက်နေတာ ကြားမှာပေါ့။ လူ ငယ်တွေအနေနဲ့လည်း စိတ်လိုက်မာန်ပါ မပြုသင့်သလို လူကြီးတွေအနေနဲ့လည်း လူငယ်တွေရဲ့ သဘောထား တွေကို ညှိနှိုင်းဆောင်ရွက်ဖို့လိုတယ်လို့ ကျမအနေနဲ့ မြင်ပါတယ်။
အာရ်အက်ဖ်အေ ။ ။ ဒေါ်နော်အုန်းလှရေ အဲတော့ အခု ဒေါ်ခင်ညွန့်မူပြောသွားတဲ့ ပါတီတွင်း လူကြီးလူငယ် ဆက်ဆံရေးအခြေအနေ စတာတွေနဲ့ ပတ်သက်လို့ ပါတီတွင်းစည်းရုံးရေးအခြေအနေနဲ့ ပတ်သက်လို့ ဒေါ်နော် အုန်းလှ ဘယ်လိုမြင်လဲခင်ဗျာ။
ဒေါ်နော်အုန်းလှ ။ ။ ခုနက အန်အယ်လ်ဒီအနေအထား ပြောရမယ်ဆိုရင် ကျမတို့က တကယ်တမ်းကျရင် အ ဖွဲ့ချုပ်ကို စဖွဲ့ကတည်းကဆိုလို့ရှိရင်တော့ ကျမတို့မှာ အဖွဲ့ချုပ်မှာ မူတွေ စည်းကမ်းတွေပေါ့နော် ပါပြီးသားပဲ တ ကယ်တမ်းကျရင် .. ။ ဒါပေမယ့် အခုအချိန်မှာ လုပ်နေရတဲ့ အနေအထားတွေက ဒါ ကျမအမြင်ပေါ့နော် ပြောရ ရင်တော့ အောက်ခြေမှာ ကိုယ့်တာဝန်ကိုယ်သိလို့ လုပ်တဲ့သူတွေဖြစ်နေတာပေါ့နော်။ ဖြစ်သင့်တာကတော့ ပေါ်လစီကိုင်တဲ့လူတွေ ဗဟိုမှာရှိတဲ့ စီအီးစီပေါ့နော် တကယ်တမ်းပြောရရင်တော့။ ဒီစီအီးစီတွေက အဖွဲ့ချုပ်မှာ မူတွေရှိတယ်၊ စည်းကမ်းတွေရှိတယ်။ ဒီဟာကို ကိုင်ပြီးတော့ လုပ်ရမယ့်အနေအထားမှာရှိတယ်။ ကျမတို့က လူကြီး ကဲ ... ဥပမာပေါ့ ဒေါ်အောင်ဆန်းစုကြည်မရှိလို့ ကျန်တဲ့လူတွေက ဒေါ်အောင်ဆန်းစုကြည်မရှိလို့ မ လုပ်ဘူးဆိုတာ မဖြစ်သင့်ဘူးပေါ့နော်။ မူကရှိပြီးသား ကျမတို့မှာ မဟာဗျူဟာ နည်းဗျူဟာတွေလည်း သုံးလို့ရ တာ အများကြီးရှိတယ်ပေါ့နော်။ ဒီလုပ်ရမယ့်အလုပ်က အများကြီးရှိတယ် တကယ်တမ်းကျရင်။ မလုပ်ဘဲနဲ့ ဒီ လိုမျိုး အောက်ခြေက ကိုယ့်ဟာနဲ့ကိုယ်လုပ်တဲ့အခါကျတော့ အကွဲအပြဲတွေ ဖြစ်ကုန်ကြရော။ ဖြစ်သင့်တာက ဒီမူတွေကို ချရမှာက စီအီးစီဖြစ်တယ်။ စီအီးစီသည် အဖွဲ့ချုပ်ရဲ့ ဗဟိုဖြစ်တဲ့အတွက် ဗဟိုသည် တာဝန်အရှိဆုံး ဖြစ်တဲ့အတွက် ဒါလုပ်မယ် ဒါလုပ်မယ် အဖွဲ့ချုပ်ဗဟိုကိုယ်တိုင်က ညွှန်ကြားပဲ၊ ညွှန်ကြားမှသာလျှင် တညီ တည်းဖြစ်မယ်။ ညီဖို့ဆိုတာက အပေါ်မညီဘဲ အောက်က မညီဘူး ကျမနားလည်သလောက်က။
အာရ်အက်ဖ်အေ ။ ။ ဟုတ်ကဲ့ ဒေါ်နော်အုန်းလှ။ ဒီနေရာမှာ ကျနော် တခုဖြတ်ပြီး မေးပါရစေ။ ပြီးခဲ့တဲ့ ၂၀၀၇ ခုနှစ် ရွှေဝါရောင်သံဃာတွေ ဦးဆောင်တဲ့ ရွှေဝါရောင်တော်လှန်ရေးကာလအတွင်းမှာ တချို့က အန်အယ်လ် ဒီအဖွဲ့ဝင်တွေ လမ်းပေါ်ထွက်ပြီး လမ်းလျှောက်ကြတာပေါ့ဗျာ အလွယ်တကူ ပြောရရင် …။ လှုပ်ရှားမှုမှာပါဝင် တာ အင်မတန် နောက်ကျတယ်။ ဦးဆောင်ရမယ့်အစား နောက်လိုက်ဖြစ်နေတယ်လို့ ပြောဆိုဝေဖန်ကြတယ်။ ဒေါ်နော်အုန်းလှ အဲဒါဘယ်လိုမြင်လဲခင်ဗျ။
ဒေါ်နော်အုန်းလှ ။ ။ ကျမလဲ ဒီလိုပဲမြင်ပါတယ်ရှင့်။ ကျမတို့တွေကဆိုလို့ရှိရင် သံဃာတွေဦးဆောင်တဲ့ ၁၈ ရက်ကစလို့ရှိရင် ကျမဆိုရင် တောက်လျှောက်ပေ့ါ ၁၈၊ ၁၉၊ ၂၀၊ ၂၁ အထိပေါ့နော် ၂၄ မှာသာလျှင် ဘာပဲပြော ပြောပေါ့နော် ပြည်သူ့လွှတ်တော်ကိုယ်စားလှယ်တွေ ပါလာတယ်။ ပြည်သူ့လွှတ်တော်ကိုယ်စားလှယ်တွေ ပါ လာတဲ့အတွက် ပြည်သူများလည်း အားရ၀မ်းသာဖြစ်တယ်။ တကယ်တမ်း ဦးဆောင်ရမှာ အဖွဲ့ချုပ်။ အဖွဲ့ချုပ်က ကျမပြောသလိုပေါ့၊ တာဝန်တွေက ပြည်သူတွေက အခုဆိုလို့ရှိရင် ၂၀၁၀ ရွေးကောက်ပွဲလာမယ်။ ဘယ်ရွေး ကောက်ပွဲပဲလာလာ ရွေးကောက်ပွဲတခုသည် လုပ်ခဲ့တဲ့အခါကျရင် ရလဒ်က အကောင်အထည်မဖော်နိုင်သေး သရွေ့ ကျမတို့မှာ ဒီရွေးကောက်ပွဲမှာ တာဝန်ရှိတဲ့ လုပ်ပေးတဲ့ လူတွေရော ဒီမှာ ၀င်အရွေးခံတဲ့ လူတွေရော နိုင်ငံရေးပါတီမှာရော တာဝန်အများကြီးရှိပါတယ်။ အခုဆိုရင် ၂၀၁၀ ရွေးကောက်ပွဲလို့ ပြောလိုက်တယ်ဆိုရင် ၉၀ ရွေးကောက်ပွဲက ပါလာမှာပဲ။ အခုလက်ရှိမှာလည်း ကျမတို့ ၉၀ ရွေးကောက်ပွဲသည် အကောင်အထည်ရှိ တယ်ပေါ့နော်။ အခုအချိန်လည်း လုပ်လို့ရသေးတယ်။ လုပ်လို့ရတဲ့ အနေအထားမှာ ဘာမှမလုပ်ခဲ့လို့ ကျမတို့ က တချိန်ကျရင်နော် ဘာပဲပြောပြောပေါ့နော် အခုအချိန်မှာ လုပ်လို့ရရဲ့သားနဲ့ မလုပ်ဘဲနဲ့ နောင်တချိန်ကျမှ မ လုပ်ခဲ့ရကောင်းလားဆိုတဲ့ အနေအထားတွေ အများကြီးဖြစ်လာမယ်။ အဲဒီအချိန်ကျရင်တော့ ကျမတို့တွေကို အပြစ်တင်ဝေဖန်ကြမယ်။ ဒါပေမယ့် ကျမတို့ကတော့ အဖွဲ့ဝင်ဖြစ်တဲ့အတွက် အများကြီး တာဝန်သိသလောက် တော့ လုပ်ခဲ့တယ်။ ဒီအပေါ်မှာ တာဝန်ရှိတဲ့ ပေါ်လစီကိုင်တဲ့ မူကိုင်တဲ့လူတွေက မလုပ်ဘဲနဲ့ ကျမတို့က လုပ်တဲ့ အတွက် မညီမမညာဘူး။ ညီညာအောင်လုပ်ရမယ့်တာဝန်က ဗဟိုဖြစ်တဲ့အတွက် နောင်ရွေးကောက်ပွဲလာရင် လည်း ဒီလိုထပ်ဖြစ်မှာပဲ။ ဘယ်အချိန်မှ ဘာမှ ဘယ်သူမှန်းမသိပေါ့နော် အဲလိုမျိုးတွေ ဖြစ်လာနိုင်တယ်လို့ ကျ မမြင်တယ်။
အာရ်အက်ဖ်အေ ။ ။ ဒေါ်နော်အုန်းလှ ကျနော်တခုတော့ ဖြတ်မေးပါရစေ။ ဒေါ်နော်အုန်းလှပြောတဲ့အတိုင်း ဆိုလို့ရှိရင် လူကြီးတွေက လုပ်သင့်လုပ်ထိုက်တာ မလုပ်ဘူးဆိုတော့ ကျနော်ထင်တယ်။ ဒါက ဒေါ်နော်အုန်းလှ အနေနဲ့ တဘက်စွန်းသိပ်ရောက်တယ်လို့ မပြောနိုင်ဘူးလား။ ကျနော် အန်အယ်လ်ဒီ ဗဟိုအလုပ်အမှုဆောင် အဖွဲ့ထဲမှာ ကျနော်တို့ ဒီ ညွှန်ကြားချက်တွေ ထုတ်နေတာတွေ တွေ့တယ်။ အခုဆိုရင် ဆရာဦးဝင်းတင်တို့ ဆိုပါ တော့ ဒါကတော့ ကျနော် နာမည်နဲ့ အလွယ်တကူ ပေါ်လာတာကို ကျနော်ပြောတာပါ။ ဆရာဦးဝင်းတင်ဆို အ ခုဖမ်းဆီးခံနေရတဲ့ နိုင်ငံရေးအကျဉ်းသားတွေကို အန်အယ်လ်ဒီအဖွဲ့ဝင်ရယ်လို့မရွေး လိုက်လံတွေ့ဆုံနေတာ တွေရှိတယ်။ အဖွဲ့အတွင်းမှာလည်း နောက်ပြီးဆရာနီလုံဦးတို့ ဘာတို့စသဖြင့်ပေါ့လေ အခါအားလျော်စွာ ဟော ပြောပွဲတွေ ဘာတွေ ကျင်းပနေတယ်။ ဒီ activity တွေ အခါအားလျော်စွာ အခမ်းအနားတွေလည်း ကျင်းပနေ တယ်။ ဒါတွေကတော့ ကောင်းတယ်လို့ မပြောနိုင်ဘူးလားခင်ဗျ။
ဒေါ်နော်အုန်းလှ ။ ။ ကောင်းပါတယ်ရှင့်။ အဲ … ကျမတို့က ဒီအချိန်မှာပေါ့နော် လုပ်သင့်လုပ်ထိုက်တာဆို တာက ကျမတို့လက်ထဲမှာဆိုလို့ရှိရင် ၉၀ ရွေးကောက်ပွဲရလဒ်က အခုအချိန်အထိ ရှိနေသေးတဲ့အတွက် ဒါကို ၂၀၁၀ ဆိုတာက ဒါကလက်ရှိအစိုးရက သူလုပ်မယ့်ကိစ္စ။ ကျမတို့က အစိုးရက သူ့ဘာသူ ဒီလက်ရှိစစ်အာဏာ ရှင်တွေကတော့ သူ့ဘာသူ လုပ်သွားတာပဲ။ တခုပြီးတခုပေါ့နော်။ သူလုပ်ချင်တာ ဖြစ်အောင်လုပ်သွားတယ်။ ကျမတို့က ကိုယ့်လက်ထဲမှာရှိတာ ကိုယ်မလုပ်နိုင်ဘူးဆိုရင်တော့ ကျမတို့ ဒါ မဖြစ်သင့်တဲ့အရာပေါ့နော်။ ဥပ မာပေါ့ လုပ်ကြည့်လို့မှ ဖြစ်လာတဲ့ရလဒ်က အကောင်အထည်ပေါ်လာမှာပဲလေ။ မလုပ်ရဘဲနဲ့ မဖြစ်ဘူးဆိုတာ ကတော့ ကျမက မဖြစ်စေချင်ဘူးပေါ့။ ဥပမာပေါ့နော် ကျမတို့တွေက ဒါအဖွဲ့ဝင်အနေအထားအရ ကျမပြောပြ တာပါ။ ကျမတို့က ပါတီဝင် အောင်နိုင်ရေးအဖွဲ့ဝင်တယောက် ဖြစ်ခဲ့တယ်။ ၉၀ ခုနှစ်မှာ။ အဲဒီအချိန်တုန်းက အောင်နိုင်ရေးသွားတဲ့အခါကျရင် ဒီမိုကရေစီရအောင် လုပ်ပေးမယ်လို့ ဒါ ကျမတို့ အနိမ့်ဆုံးပြောခဲ့တဲ့စကား၊ အနိမ့်ဆုံးနော်၊ လွှတ်တော်ကိုယ်စားလှယ်တွေ ဒီ့ထက်မက ပြောခဲ့တယ်။ အဖွဲ့ချုပ်မှာဆိုရင် ညွှန်ကြားလွှာတွေ အများကြီးထုတ်ခဲ့တယ် အဲဒီတုန်းက …။ လုပ်ပေးမယ် အဖွဲ့ချုပ်က ညွှန်ကြားချက်တွေနဲ့ လယ်သမားအတွက် က ဘာလုပ်ပေးမယ်၊ အလုပ်သမားအတွက်က ဘာ အများကြီးပါပြီးသားပါ။ ဒါပေမယ့်လို့ အခုအချိန်အထိ ဘာ မှအကောင်အထည်မဖော်နိုင်သေးဘူး။ မဖော်နိုင်သေးဘူးဆိုတာက ဖော်မကြည့်တဲ့အတွက် မရလာတာပေါ့ နော်။ဖော်ကြည့်တဲ့အခါကျရင် ဖြစ်လာမှာပဲ။ လုပ်သင့်တဲ့ အလုပ်ကို လုပ်ဖို့လိုတယ်။ မလုပ်နိုင်ဘူး မဖြစ်နိုင်ဘူး လို့ပဲယူဆလို့ မလုပ်တာလို့ ကျမမြင်တယ်။ အလုပ်က တောက်လျှောက်လုပ်နေရမှာပဲ။ ကျမတို့လည်း အခု ဒေါ် အောင်ဆန်းစုကြည် မတရားဖမ်းဆီးခံရကတည်းက တောက်လျှောက်လုပ်ခဲ့တာပဲ။ ဒါပေမယ့် လုပ်ရင်းနဲ့လည်း ပြဿနာမျိုးစုံ ကြုံလာခဲ့ရတာပဲ။ ဒါပေမယ့် အခုအချိန်အထိ ကျမတို့ တောက်လျှောက်သွားနိုင်ခဲ့သေးတာပဲ။ ဥပမာပြောရတာပေါ့နော်။ အခက်အခဲဆိုတာကတော့ ရှိမှာပဲ။ တာဝန်ယူတာက အဖွဲ့အစည်းတခုမှာ တာဝန် ယူတဲ့လူက တာဝန်အရှိဆုံးပဲ။ တာဝန်အရှိဆုံးက တာဝန်ယူတဲ့အတွက် ဒီတာဝန်ကို ကျေအောင်လုပ်ဖို့မှာ လည်း တာဝန်ရှိတယ်။ ကျမ ဒီလိုပဲ နားလည်တယ်ပေါ့နော်။
(ဆက်လက်ဖတ်ရှူပါရန်)
ပြန်ခေါက်ခဲ့ပါ...
အာရ်အက်ဖ်အေ တနင်္ဂနွေဆွေးနွေးပွဲ (၂၂-၃-၀၉)
အာရ်အက်ဖ်အေ ။ ။ ဟုတ်ပါပြီ။ ဒေါ်ခင်ညွန့်မူလည်း စောစောက ဖြတ်ပြောလိုက်တယ်ထင်တယ်။ (ကျမ ကျမ ကျမ …) အော် ဒေါ်မြင့်မြင့်အေးလား ပြောပါဦးခင်ဗျ။
ဒေါ်မြင့်မြင့်အေး ။ ။ ဟုတ်ကဲ့ ကျမ ဗဟိုနဲ့ပတ်သက်ပြီးတော့ ပြောချင်တာတွေ အများကြီးရှိပါတယ်။ ပထမ က အဲလိုပေါ့နော် တရားဝင်ဗဟိုအလုပ်အမှုဆောင်အဖွဲ့မှာပေါ့၊ ဆရာကြီးဦးဝင်းတင်နဲ့ အာရ်အက်ဖ်အေနဲ့ နိုဝင် ဘာလ၀က်လောက်က ပြောသွားတဲ့ သတင်းတခုမှာ အဲကျမ ကျမလည်း ပိုပြီးသိသွားတယ်။ တရားဝင် ဗဟိုအ လုပ်အမှုဆောင်အဖွဲ့မှာ ဦးဝင်းတင်မပြောနဲ့၊ ဒေါ်စုနဲ့ ဦးတင်ဦးတောင်မှ ဗဟိုကော်မရှင်ရဲ့ တရားဝင်မှတ်ပုံတင် ပြီး အသိအမှတ်ပြုထားတာ မဟုတ်ဘူးဆိုတဲ့စကားကို ကျမက တော်တော်ကို ဘ၀င်မကျဖြစ်သွားတယ်။ ကိုယ့် ပါတီတွင်းရဲ့ ကိစ္စကို ကိုယ့်ပါတီတွင်းဖွဲ့စည်းမှုကို ကိုယ်ဘာလို့ မလုပ်နိုင်တာလဲ။ ကျမတို့ဟာ အစိုးရရဲ့ဝန်ထမ်း တွေမဟုတ်ဘူး။ အစိုးရရဲ့ လခစားတွေ မဟုတ်ဘူး။ အစိုးရရဲ့ ညွှန်ကြားချက်အတိုင်း ကျမတို့က လုပ်ရမယ့် အ ဖွဲ့အစည်းမဟုတ်ဘူး။ တရားဝင် ဦးဆောင်ပါတီကြီး တခုအနေနဲ့ မိမိလုပ်သင့်တာကို လုပ်စရာတွေ အများကြီး ရှိတယ်။
“ဗဟိုရဲ့ ဆုံးဖြတ်ချက်တွေ၊ ဗဟိုရဲ့ ညွှန်ကြားချက်တွေ မရှိခဲ့လို့ ကျမတို့ တလျှောက်လုံးမှာ အနှစ် ၂၀ လုံးလုံး ကျမတို့ ဒီလိုထိုင်နေသလို ဖြစ်လာခဲ့တယ်လို့ ကျမဒီလိုပဲပြောချင်တယ်။ တချိန်မှာ နိုင်ငံရေးတရားခံထဲမှာတောင်မှ အန်အယ်လ်ဒီ ပါသွားနိုင်တယ်လို့ ကျမပြောလိုတယ်။ ဘာမှ ညွှန်ကြားချက်လည်းမရှိဘူး၊ အလုပ်အကိုင်လည်း မရှိတဲ့အခါမှာ ဒီလိုပဲ အင်အားတွေက ယုတ်လျော့လာတယ်။ အဲတော့ ကိုယ့်ပါတီတွင်းကိစ္စကို ကိုယ်ပေါ့နော် မြို့နယ်အဆင့်မှာ ဘယ်လိုရှိရမယ်၊ ပြန်လည်ဖွဲ့စည်းမှုတွေ ဘယ်လိုရှိရမယ်၊ ဗဟိုမှာဆိုလို့ရှိရင်လည်း စီအီးစီက ဘယ်လိုရှိရမယ် လိုအပ်လာရင် လူငယ်တွေ လူလတ်တွေကို တိုးချဲ့ရမယ်ပေါ့နော်။ အဲလိုမျိုး တိတိကျကျ တာဝန်ပေးရမယ်။ မိမိပါတီဖွဲ့စည်းမှုကို မိမိဘာသာ လွတ်လပ်တဲ့ဆန္ဒနဲ့ လုပ်ရဲရမယ်။ ဒါတွေကို ကျမပြောနေတာပါ။” (ဒေါ်မြင့်မြင့်အေး)
အနှစ် ၂၀ ကာလတလျှောက်လုံးမှာ ကိုယ့်ပါတီဖွဲ့စည်းမှုတွေကို ကျမတို့က ပါတီတွင်းလုပ်ငန်းတွေနော်။ ဒါ လူ ထုနဲ့ပေါင်းပြီး အတိုက်အခံလုပ်တာတွေ မပါသေးဘူး။ အဲလိုမျိုးတွေ ကျမတို့က မလုပ်နိုင်ခဲ့ဘူး။ အခုနောက်ဆုံး ဆိုလို့ရှိရင် စီစီတိုးချဲ့ဖွဲ့တယ်ပေါ့လေ။ ကျမတို့က စီစီတိုးချဲ့ဖွဲ့ပါ၊ လွှတ်တော်ကိုယ်စားလှယ်တွေ အစည်းအဝေး ခေါ်ပေးပါ၊ ကျမတို့ ခဏခဏ အကြိမ်ကြိမ် တောင်းဆိုခဲ့တယ်။ အခုနောက်ဆုံး ဦးဉာဏ်ဝင်း အစရှိသဖြင့်ပေါ့၊ သူတို့ ၆ ယောက်လား၊ ၇ ယောက်လား တိုးချဲ့ဖွဲ့တယ်။ အဲဒါ ကျမမေးကြည့်လိုက်တော့ အဲဒါ စီစီမဟုတ်ဘူး။ စီ ဒဗလျူစီခေါ်တာပေါ့လေ။ လုပ်ငန်းကော်မတီလေးတွေ တိုးချဲ့ဖွဲ့တာ။ အဲတော့ စီစီတိုးချဲ့ဖွဲ့တာ မဟုတ်သေးတဲ့ အတွက်ကြောင့် အမှန်ကတော့ ဒီလူတွေပဲ ဒီအလုပ်တွေပဲ လုပ်နေကြတဲ့နေရာမှာ စီစီတိုးချဲ့ဖွဲတယ်ပေါ့နော်။
အာရ်အက်ဖ်အေ ။ ။ ဒေါ်မြင့်မြင့်အေး ကျနော် တချက်ဖြတ်လိုက်မယ်။ ကျနော် သဘောပေါက်သလောက် တော့ စီဒဗလျူစီဆိုတာ (Central Working Committee) ဗဟိုအလုပ်အမှုဆောင်ကော်မတီ၊ (ဒေါ်မြင့်မြင့် အေး ပြော - လုပ်ငန်းကော်မတီလေးတွေ) အဲ ဟုတ်ကဲ့ ဗဟိုလုပ်ငန်းကော်မတီ၊ နောက်တခါ ဒေါ်မြင့်မြင့်အေး အခုပြောတဲ့ စီစီဆိုတာ (Central Committee) ဗဟိုကော်မတီပေါ့နော် (ဒေါ်မြင့်မြင့်အေး ပြော - ဟုတ်ကဲ့)။ ဒေါ်မြင့်မြင့်အေးတို့က ဗဟိုကော်မတီ တိုးချဲ့ဖို့ တင်ပြနေတာလား။
ဒေါ်မြင့်မြင့်အေး ။ ။ စီစီတိုးချဲ့ဖွဲ့ဖို့ဆိုတာကလည်း ကျမမှတ်မိ … ကျမသိသလောက် ဦးဉာဏ်ဝင်း၊ ဦးအုန်း ကြိုင်၊ ဒေါက်တာဝင်းနိုင်၊ ဦးစိန်လှဦး၊ ဦးသိန်းညွန့်၊ ဦးဝင်းမြင့်၊ နောက်တယောက်က ဘယ်သူလဲ အားလုံး အဲ ၇ ယောက်ကို ဖြစ်စေချင်တာက စီစီဆို စီစီလို့ တင်းတင်းရင်းရင်း ပြောစေချင်တာ။ အဲတော့ ကျမကလည်း အ မြဲတမ်း ဦးဉာဏ်ဝင်းနဲ့ အဆက်အသွယ်ရှိတယ်။ ပြောတော့ … ဥက္ကဋ္ဌက သိပ်ပြီးတော့ သတိထားလွန်းအားကြီး တယ်တဲ့။ စီစီဆိုတာ ၀ိတ်ပိုပါတယ်လေ။ စီစီတိုးချဲ့တယ်ဆိုတာ စီစီဆိုတာ စီအီးစီရဲ့ ဘေးက စီစီပေါ့။ စီစီအ နေနဲ့ဆိုလို့ရှိရင် စီအီးစီလုပ်ရမယ့် အလုပ်တွေကို ဒီ စီစီက လုပ်နေတာ။ အခုလည်း တကယ်လည်းလုပ်နေတာ။ လုပ်နေပေမယ့် စီစီလို့မပြောဘဲ စီဒဗလျူစီပေါ့။ လုပ်ငန်းကော်မတီလေးတွေ အနေနဲ့ပဲ တိုးချဲ့ဖွဲ့တယ်။ အဲဒီအ ခါမှာ စီစီဖြစ်မှသာလျှင် ၀ိတ်ပါမယ်။ ပိုပြီးတော့ပေါနော့်။ ဆုံးဖြတ်ချက်ချသင့်တယ်။ စီစီလို့ပဲ ဆုံးဖြတ်ချက်ချ သင့်တယ်။ စီစီလို့ပဲ တရားဝင် ကြေညာသင့်တယ်။ အဲဒီလိုမျိုး ခေါင်းစဉ်တပ်ခြင်းအားဖြင့် စီစီက ၀ိတ်ပါတယ်။ စီဒဗလျူစီအနေနဲ့ လုပ်ငန်းကော်မတီလေးတွေဆိုတော့ ၀ိတ်မပါဘူး။ လုပ်ရတာ ဒီအလုပ် ဒီအလုပ်ပဲ။ အဲလိုကို လည်း တင်းတင်းရင်းရင်း ဗဟိုအလုပ်အမှုဆောင်အဖွဲ့အနေနဲ့ မလုပ်ခဲ့နိုင်ဘူး။
နောက်တချက်က ကြေညာချက် ၁၈ ထုတ်တယ်ပေါ့။ ကြေညာချက် ၁၈ ရဲ့ အနှစ်ချုပ်က လွှတ်တော်ခေါ်ပေးပါ၊ လွှတ်တော်ကိုယ်စားလှယ်တွေကနေ အခြေခံဥပဒေကို ပြန်ပြီးပြင်ဆင်တဲ့ ကော်မတီလေးဖွဲ့မယ်။ ဒီကော်မတီ ကနေ ၆ လအတွင်း ဒါကို ပြင်ဆင်မယ်လို့ ပြောတယ်။ အဲတော့ အစကတည်းက ကော်မတီဖွဲ့မပေးတာ။ ကြေ ညာချက် ၁၈ မှာ ကော်မတီဖွဲ့မပေးတာ။ ကော်မတီဖွဲ့မပေးလို့ရှိရင် ဘာလုပ်မယ်ဆိုတဲ့ ဆက်ပြီးတော့ လုပ်ငန်း စဉ် ဘယ်တော့မှ အဖွဲ့ချုပ်ဗဟိုရဲ့ ကြေညာချက်မှာ မပါပါဘူး။ နောက်တခုက ကြေညာချက်လေးတွေ ထုတ်နေ ရုံပဲဆိုတာကို လူတွေက ပြောကြတယ်။ တကယ့်တကယ်ကျတော့ လူတွေရဲ့ နစ်နာနေတဲ့ဟာကို အဖွဲ့ချုပ်အနေ နဲ့ ပြောစေချင်တယ်။ ကျမတို့ အမျိုးသားဒီမိုကရေစီအဖွဲ့ချုပ်ဟာ အဓိကပေါ့နော် ဦးဆောင်နေတဲ့ အကြီးမားဆုံး အင်အားအကြီးဆုံး ဦးဆောင်ပါတီကြီးတခုဖြစ်တယ်။ ဦးဆောင်ပါတီကြီးတခုအနေနဲ့ လူထုရှေ့ကနေ မားမား မတ်မတ် ဦးဆောင်မှုမပေးနိုင်သေးဘူးလို့လည်း ကျမပြောချင်တယ်။ ဦးဆောင်ပေးဖို့ လိုအပ်နေပြီလို့လည်း ကျ မပြောချင်တယ်။
အာရ်အက်ဖ်အေ ။ ။ ဟုတ်ပြီ ဒေါ်ခင်ညွန့်မူလည်း ပြောပါဦး။
ဒေါ်ခင်ညွန့်မူ ။ ။ ဟုတ်ကဲ့ အခုလိုပေ့ါနော် အထက်နဲ့အောက် ကျမတို့အဖွဲ့ဝင်တွေရဲ့ သဘောထားတွေပေါ့ နော်၊ ဒီလိုမျိုးမဖြစ်သင့်ဘူး။ အပြင်ကို မထွက်သင့်ဘူး။ ကျမတို့ရဲ့ ပါတီတွင်းကိစ္စတွေ ပါတီတွင်းမှာပဲ ကျမတို့ က ဖြေရှင်းသင့်တယ်။ ဒါကလည်း တာဝန်အရှိဆုံးကတော့ သက်ဆိုင်ရာ လူကြီးတွေပဲ ဖြစ်ပါတယ်။ အခုအချိန် မှာ ပြည်တွင်းပြည်ပအားလုံးက လုပ်သင့်လုပ်ထိုက်တာတွေကို ညီညီညွတ်ညွတ်လုပ်ဆောင်ဖို့ ကျမတို့က လို တယ်။ ကျမတို့က တဘက်က မကမ်းချင်တဲ့ လက်ကို ကမ်းချင်လာအောင် ဆောင်ရွက်ရမှာမို့ အင်မတန်မှ ခက် ခဲပါတယ်။ တော်ရုံအင်အား၊ တော်ရုံညီညွတ်မှုတွေနဲ့ တော်ရုံဝိရိယစိုက်မှုတွေနဲ့ မရနိုင်ပါဘူး။ အားလုံးက အင် တိုက်အားတိုက် စပြီးတော့ ညီညီညွတ်ညွတ် လုပ်ဆောင်ဖို့လိုတယ်လို့ ကျမအနေနဲ့ မြင်ပါတယ်။
အာရ်အက်ဖ်အေ ။ ။ ဟုတ်ကဲ့ ဒေါ်ခင်ညွန့်မူ အဲတော့ ကျနော်တခုပေးပါရစေ။ ပါတီတွင်းကိစ္စတွေ ဆိုတာ တော့ ဟုတ်ပါတယ်ခင်ဗျ။ အဲတော့ ပါတီတွင်းကိစ္စဆိုလို့ ပါတီအတွင်းမှာ အမျိုးသားဒီမိုကရေစီအဖွဲ့ချုပ် လူကြီး ပိုင်းနဲ့ ရန်ကုန်မှာရှိတဲ့ အန်အယ်လ်ဒီအဖွဲ့ဝင် လူငယ်တွေကြားမှာ ပြဿနာလေးတွေ ဖြစ်ကြတယ်ဆိုပြီးတော့ ဒီ သတင်းကတော့ ဘယ်ရေဒီယိုက ပြောပြော မပြောပြော ကျနော်ထင်တယ် မြန်မာဒီမိုကရေစီအင်အားစုအား လုံး ပြည်တွင်းပြည်ပကတော့ အကုန်သိနေကြတဲ့ သတင်းပဲ။
ဒေါ်ခင်ညွန့်မူ ။ ။ ဒီကိစ္စနဲ့ ပတ်သက်လို့လည်း ကျမတို့အဖွဲ့ထဲမှာ အားလုံးက စိတ်မကောင်းဖြစ်နေကြပါ တယ်။ ဒါကြောင့်မို့လို့ လူကြီးတွေအနေနဲ့ပေါ့နော် လူငယ်တွေရဲ့ သဘောထားတွေကလည်း ညှိနှိုင်းဆောင် ရွက်ဖို့ လိုတယ်လို့ ကျမပြောနေတာပါ။
အာရ်အက်ဖ်အေ ။ ။ ဟုတ်ပြီ အဲတော့ ဒေါ်ခင်ညွန့်မူအနေနဲ့ဆိုရင်ကော လူကြီးလူငယ်နှစ်ဘက်စလုံးက ဘယ် လိုခံယူချက်မျိုး ရှိသင့်သလဲ။
ဒေါ်ခင်ညွန့်မူ ။ ။ လူကြီးလူငယ်နှစ်ဦးက အခုအချိန်မှာ ခုနကျမပြောသလို အရမ်းအရေးကြီးနေတဲ့ အချိန်ဖြစ် တယ်။ ဒါတွေကို စကားပြောနေဖို့မလိုဘူး။ လူငယ်တွေဘက်ကလည်း စိတ်လိုက်မာန်ပါမလုပ်သင့်သလို လူကြီး တွေအနေနဲ့ကလည်း လူငယ်တွေရဲ့ သဘောထားတွေကို ညှိနှိုင်းဆောင်ရွက်ကြမယ်ဆိုရင် ဒီလိုပြဿနာတွေ ထွက်လာစရာ မရှိပါဘူး။
အာရ်အက်ဖ်အေ ။ ။ ဟုတ်ပြီ အဲတော့ ကျနော်တို့ နောက်တဆင့် ဆက်ရအောင်။ အခုလာမယ့် ဒီရွေးကောက် ပွဲနဲ့ ပတ်သက်လို့ ဒေါ်မြင့်မြင့်အေးတို့ မြို့နယ်တွေဘက်မှာကော ဘယ်လိုပြင်ဆင်မှုတွေရှိလဲ။ ဒေါ်မြင့်မြင့်အေး တို့ကော ဘယ်လိုမြင်ထားကြလဲခင်ဗျ။
ဒေါ်မြင့်မြင့်အေး ။ ။ ဟုတ်ကဲ့ရှင့်။ မြို့နယ်ပေါ်မှာ ပြင်ဆင်မှုတွေကတော့ ကျမ သေချာမသိဘူး။ နောက်ပြီး တော့လည်း ရွေးကောက်ပွဲနဲ့ ပတ်သက်တဲ့ ဥပဒေလည်း မထွက်သေးဘူး။ ပါတီတွေ ဖွဲ့ခွင့်လည်း မရသေးဘူး။ ဒါတွေ သူတို့လုပ်တယ်ဆိုလို့ရှိရင်လည်း ကျမတို့ သတင်းဋ္ဌာနတွေက ကြားတာလောက်ပဲရှိတယ်။ သူတို့လူကြီး တွေ ဘယ်မှာစည်းရုံးတယ် ဘာညာဆိုတာလောက်ပဲရှိတယ်။ ကျမတို့ မြို့နယ်အနေနဲ့ကတော့ ဒီကိစ္စကိုက စ ပေါ်လာကတည်းကိုက ခရိုင်အစည်းဝေးတိုင်း အစည်းဝေးတိုင်းမှာ ခရိုင်အနေနဲ့တက်ရောက်လာသမျှ အဖွဲ့ချုပ် အဖွဲ့ဝင်တွေအားလုံးဟာ ရွေးကောက်ပွဲကို လက်မခံတဲ့ လမ်းကြောင်းတွေပဲ တလျှောက်လုံး တိုက်ခိုက်ပြောဆို လာတယ်။ လုံးဝလက်မခံနိုင်ဘူး။ ဒါပေမယ့် လက်မခံနိုင်ပေမယ့် ကျမတို့ မြို့နယ်အစည်းအဝေးတွေမှာတော့ ကျမတို့ မြို့နယ်အဆင့် ခရိုင်အဆင့်လောက်နဲ့ ဆုံးဖြတ်ချက်လည်း မချသင့်တဲ့အတွက်ကြောင့်လည်း မချဘဲနဲ့ ဗဟိုရဲ့ ရပ်တည်ချက် ဗဟိုရဲ့လမ်းကြောင်းကို ကျမတို့က စောင့်နေတာဖြစ်တယ်။
ဒီနေရာမှာ ကျမပြောချင်တာက စစ်အစိုးရအနေနဲ့ကလည်း ရွေးချယ်စရာ လမ်းနှစ်ခု၊ တခုက အန်အယ်လ်ဒီကို ရွေးကောက်ပွဲ ၀င်ခွင့်ပြုမှာလား၊ မပြုဘူးလား။ အဲဒီ ရွေးချယ်စရာ လမ်းနှစ်ခုရှိတယ်။ ဒီနေရာမှာ ၀င်ခွင့်မပြုဘူး ဆိုလို့ရှိရင် အန်အယ်လ်ဒီမပါတဲ့ ရွေးကောက်ပွဲကို ကမ္ဘာကလည်း အသိအမှတ်ပြုမှာ မဟုတ်ဘူး။ ဘယ်သူမှ လည်း အသိအမှတ်မပြုဘူး။ ဘယ်သူမှ အသိအမှတ်ပြုမှာ မဟုတ်တဲ့အတွက်ကြောင့် နအဖစစ်အစိုးရရဲ့ လုပ် ရပ်ဟာ အောင်မြင်မှုလည်း မရှိဘူး။ အောင်မြင်မှုမရှိဘူးဆိုတာက တိုင်းပြည်မတိုးတက်ဘူး၊ မငြိမ်းချမ်းဘူး၊ မ တည်ငြိမ်ဘူး၊ ဗုံးကွဲမှုတွေ လူထုဆန္ဒပြမှုတွေ မကျေနပ်တဲ့ ပြည်သူလူထုတွေရဲ့ ဆူပူအုံကြွမှုတွေနဲ့ပဲ ရင်ဆိုင်နေ ရမယ်။ ဒီနေရာမှာ အန်အယ်လ်ဒီဘက်က ပြောရမယ်ဆိုလို့ရှိရင် အန်အယ်လ်ဒီကလည်းပဲ ရွေးကောက်ပွဲဝင် မယ် မ၀င်ဘူးဆိုတဲ့ ရွေးချယ်စရာ လမ်းနှစ်လမ်းရှိတယ်။ ဒီနေရာမှာ ဘယ်လိုအနေအထားဖြစ်မှ ၀င်မယ်ဆိုတဲ့ အန်အယ်လ်ဒီရဲ့ လမ်းကြောင်းက ဖော်ပြပြီးသားဖြစ်တယ်ပေါ့နော်။ အဲဒီလိုမျိုး တွေ့ဆုံဆွေးနွေးပါ၊ လွှတ်တော် ခေါ်ပေးပါ၊ နိုင်ငံရေးအကျဉ်းသား လွှတ်ပေးပါ၊ အခြေခံဥပဒေကို ပြန်လည်ပြင်ဆင်ပါ။ ဒါတွေ ကျမတို့က ပြော ခဲ့ကြတယ်။
ဒီနေရာမှာ အနိမ့်ဆုံးအဆင့်ဖြစ်တဲ့ ဒေါ်အောင်ဆန်းစုကြည်နဲ့တကွ နိုင်ငံရေးအကျဉ်းသားများ လွှတ်ပေးခြင်း အားဖြင့် ပထမဆုံး ထင်သာမြင်သာတဲ့ လက်ဆုပ်လက်ကိုင် ပြနိုင်တဲ့ အပြောင်းအလဲတရပ်ပေ့ါနော်။ ဒီပြုပြင် ပြောင်းလဲမှုရှိလာမှသာ ရှေ့ဆက်ပြီးတော့ ရွေးကောက်ပွဲကိစ္စကို ပြောနိုင်မှာဖြစ်တယ်လို့ ကျမတို့ အန်အယ်လ် ဒီက ပြောပြီးသားဖြစ်တယ်။ ဒီလို ထင်သာမြင်သာတဲ့ ပြုပြင်ပြောင်းလဲမှုတွေ လုပ်ပေးလာအောင် အန်အယ်လ် ဒီမှာ အင်အားရှိဖို့လိုတယ်။ အန်အယ်လ်ဒီ စီအီးစီက မိမိပါတီတွင်းကိစ္စကို ပြတ်ပြတ်သားသား ရဲရဲဝင့်ဝင့် ဦး ဆောင်ဖို့လိုတယ်။ ဒီကနေ့ ကိုယ့်မြန်မာနိုင်ငံရဲ့ အခက်အခဲ၊ အကျပ်အတည်းကို လူထုနဲ့ တသားတည်းကျပြီး လက်တွေ့ဖြေရှင်းနိုင်ဖို့ အင်အားအကြီးဆုံး ဦးဆောင်ပါတီကြီးတခုအနေနဲ့ လူထုရှေ့ကနေ မားမားမတ်မတ် ဦး ဆောင်ဖို့လိုတယ်။ အားလုံးဟာ စည်းစည်းလုံးလုံး ညီညီညွတ်ညွတ်နဲ့ စုပေါင်းခေါင်းဆောင် ဖြေရှင်းနိုင်ဖို့လို တယ်။
အဲတော့ တွေ့ဆုံဆွေးနွေးပါ၊ လွှတ်တော်ခေါ်ပေးပါ၊ နိုင်ငံရေးအကျဉ်းသား လွှတ်ပေးပါ အဲလိုပြောနေရတာ တ ကယ့်တကယ်ကျတော့ ကျမတို့ အင်အားချိန်ခွင်လျှာညီမျှမှ တွေ့ဆုံဆွေးနွေးရေးလမ်းကြောင်းပေါ် ရောက်မယ် လို့ ကျမက ပြောချင်တယ်။ ကျမတို့မှာ အင်အားမရှိဘူးဆိုလို့ရှိရင် အင်အားချိန်ခွင်လျှာ မညီမျှဘူးဆိုလို့ရှိရင် ကျမတို့ တွေ့ဆုံဆွေးနွေးရေးလမ်းကြောင်းပေါ်ကို ရောက်မှာမဟုတ်ဘူး။ အဲဒါကြောင့် ကျမတို့မှာ ကိုယ့်ဟာ ကိုယ် အင်အားပြည့်မှ တဘက်ကလည်း ကျမတို့ကို လေးစားလာမှ ဒီတွေ့ဆုံဆွေးနွေးရေး လမ်းကြောင်းပေါ် ကိုရောက်မယ်။ ဒီနိုင်ငံရေးအကျဉ်းသားတွေကို လွှတ်ပေးမှာ။ အဲတော့ ကျမတို့ကိုယ်ကျမတို့ အင်အားပြည့်ဖို့ လိုတယ်လို့ ကျမ ဒါ ပဏာမပြောလိုတယ်။
အာရ်အက်ဖ်အေ ။ ။ ဟုတ်ကဲ့ အင်အားပြည့်ဖို့ဆိုတာ ဘယ်လိုလုပ်ငန်းရပ်မျိုးကို ဒေါ်မြင့်မြင့်အေး ဆိုလိုတာ လဲခင်ဗျ။
ဒေါ်မြင့်မြင့်အေး ။ ။ ဘယ်လိုလုပ်ငန်းရပ်မျိုးကို ဆိုလိုတာလဲဆိုတော့ တဘက်က အာဏာပိုင်အဖွဲ့အစည်းက ဘာတွေလုပ်နေတယ်၊ ဘယ်လိုလုပ်နေတယ် အဲဒါတွေ ထားလိုက်ဦး။ လောလောဆယ်ကို ကျမတို့မှာ ပုံမှန် လေး အင်အားတွေပေါ့နော်၊ ဗဟိုရဲ့ ဆုံးဖြတ်ချက်တွေ၊ ဗဟိုရဲ့ ညွှန်ကြားချက်တွေ မရှိခဲ့လို့ ကျမတို့ တ လျှောက်လုံးမှာအနှစ် ၂၀ လုံးလုံး ကျမတို့ ဒီလိုထိုင်နေသလို ဖြစ်လာခဲ့တယ်လို့ ကျမဒီလိုပဲပြောချင်တယ်။ တ ချိန်မှာ နိုင်ငံရေးတရားခံထဲမှာတောင်မှ အန်အယ်လ်ဒီ ပါသွားနိုင်တယ်လို့ ကျမပြောလိုတယ်။ ဘာမှ ညွှန်ကြား ချက်လည်းမရှိဘူး၊ အလုပ်အကိုင်လည်း မရှိတဲ့အခါမှာ ဒီလိုပဲ အင်အားတွေက ယုတ်လျော့လာတယ်။ အဲတော့ ကိုယ့်ပါတီတွင်းကိစ္စကို ကိုယ်ပေါ့နော် မြို့နယ်အဆင့်မှာ ဘယ်လိုရှိရမယ်၊ ပြန်လည်ဖွဲ့စည်းမှုတွေ ဘယ်လိုရှိရ မယ်၊ ဗဟိုမှာဆိုလို့ရှိရင်လည်း စီအီးစီက ဘယ်လိုရှိရမယ် လိုအပ်လာရင် လူငယ်တွေ လူလတ်တွေကို တိုးချဲ့ရ မယ်ပေါ့နော်။ အဲလိုမျိုး တိတိကျကျ တာဝန်ပေးရမယ်။ မိမိပါတီဖွဲ့စည်းမှုကို မိမိဘာသာ လွတ်လပ်တဲ့ဆန္ဒနဲ့ လုပ်ရဲရမယ်။ ဒါတွေကို ကျမပြောနေတာပါ။
(ဆက်လက်ဖတ်ရှုပါရန်)
ပြန်ခေါက်ခဲ့ပါ...
အာရ်အက်ဖ်အေ တနင်္ဂနွေဆွေးနွေးပွဲ (၂၃-၃-၀၉)
အာရ်အက်ဖ်အေ ။ ။ အခု ဒေါ်မြင့်မြင့်အေး ပြောတာနဲ့ ပတ်သက်လို့ ဒေါ်နော်အုန်းလှကော ဘာပြောချင်လဲ။ တခုဖြတ်မေးပါရစေ ဒေါ်နော်အုန်းလှရေ … မှော်ဘီမြို့နယ်ဆိုတာ တကယ်တော့ တပ်မတော်အခြေစိုက်တဲ့ မြို့နယ်ပဲ။ ဒါပေမယ့် ထူးခြားအံ့သြစရာပဲ ၁၉၉၀ ရွေးကောက်ပွဲမှာတော့ အန်အယ်လ်ဒီကို တခဲနက် အဲဒီ တပ်မ တော်မိသားစုတွေက မဲပေးခဲ့ကြတယ်ပေါ့လေ။ အခုလာမယ့် ရွေးကောက်ပွဲနဲ့ ပတ်သက်လို့ကော မှော်ဘီမြို့ နယ်ဘက်မှာ အခြေအနေ ဘယ်လိုရှိလဲ။ ဒေါ်နော်အုန်းလှ အစောက ဒေါ်မြင့်မြင့်အေး ပြောတာတွေကိုရော ဘယ်လိုမြင်လဲခင်ဗျ။
ဒေါ်နော်အုန်းလှ ။ ။ သူပြောတာလည်း ကောင်းပါတယ်။ ဒါပေမယ့် ကျမတို့က အခုဆိုလို့ရှိရင် ဒါ မှော်ဘီကို အရင်ပြောရမယ်ဆိုရင် ကျမတို့ မှော်ဘီကတော့ တပ်မြို့ဖြစ်ပေမယ့်လည်း ၉၀ မှာ အနိုင်ရခဲ့တယ်။ အခုတ ကြိမ်မှာကတော့ အနိုင်ရဖို့ကတော့ ကျမက သိပ်မမြင်ဘူး။ ဘာဖြစ်လို့လဲဆိုတော့ အစိုးရက အကုန်လုံး အ ကွက်စေ့အောင်လုပ်မယ်။ နောက် အခုဆို သတင်းပေါ့နော် မှန်မမှန်တော့ မပြောတတ်ဘူး။ ကြားတာပေါ့။ အခု ဆိုလို့ရှိရင်တဲ့ မှော်ဘီမှာ ကြံ့ခိုင်ရေးတွေက ရွေးကောက်ပွဲဝင်ဖို့ ပြင်ဆင်နေတယ်ပေါ့နော်။ ပြင်ဆင်တဲ့နေရာ မှာ သူက အခုဆိုလို့ရှိရင် ခေါင်းဆောင်ပိုင်းကို အရင်ဆုံး တပ်အနေနဲ့ လဲလိုက်တယ်ပေါ့နော်။ ဒါ သတင်းတွေ ကျမကြားတာ။ ဟုတ်မဟုတ်ဆိုတာ အတိအကျတော့ ကျမလည်း မပြောတတ်ဘူး။ တိကျသလောက်တော့ ရှိ တယ်ပေါ့နော်။ အဲသလိုမျိုး လဲထားတယ်ဆိုပြီး သူတို့က ဒီမှာ ဥပမာပေါ့နော် ဒီတပ်မှာ သူတို့က ၂၅ % ယူထား ပြီးသားအပြင်ကို ဒီလိုမျိုး ဒီမှာလည်း ယူထားဦးမယ်။ ဒီလိုမျိုးနေရာတွေမှာ ရွေးကောက်ပွဲမှာ သူတို့လူတွေ သူ တို့ထည့်မယ်။ အဲဒီမှာ သူတို့ထပ်ယူဦးမယ်။ ဒါကတော့ သူတို့လုပ်ရမယ့်အလုပ် သူတို့လုပ်တာပဲပေါ့နော်။
“ကျမက ပဲခူးရယ်လို့ ကျမပြောနေတာမဟုတ်ဘူးနော်။ ကျမ တနိုင်ငံလုံးအတွက်ကို ဒေါ်မြင့်မြင့်အေးတို့ လုပ်သလိုမျိုး လုပ်နိုင်အောင် ကြိုးစားဖို့ ကျမပြောနေတာပါ။ ဒီလိုမှ ကိုယ့်ပါတီရဲ့ အခွင့်အရေးကို ကိုယ့်ပါတီ အစည်းအဝေးကိုတောင်မှ ကိုယ်မလုပ်နိုင်ဘူးဆို ကျမတို့ ဘာသွားလုပ်မလဲ ဒါပဲ ကျမမေးရမှာဖြစ်ပါတယ်။ ကျမတို့က ကျမတို့အခွင့်အရေးကို ကျမတို့ လုပ်ယူရမှာပဲ။ ကျမတို့ ကြောက်တယ်ဆို ပါတီဝင်တွေကတောင် ကြောက်နေတယ်ဆိုလို့ရှိရင် ပြည်သူတွေအနေနဲ့က သူတို့လိုအပ်ချက်တွေကို သူတို့ဖွင့်ပြောနိုင်ဖို့ဆိုတာ အင်မတန်မှ ခက်ခဲပါတယ်။ ဒါကြောင့်မို့လို့ ကျမတို့က အရင်ဆုံး ကျမတို့ရဲ့ အခွင့်အရေးကို ကျမတို့ တိုက်ယူပြရဲရပါမယ်။” (ဒေါ်ခင်ညွန့်မူ)
ကျမတို့ ဒီအန်အယ်လ်ဒီအပိုင်း ပြောရမယ်ဆိုလို့ရှိရင်တော့ အန်အယ်လ်ဒီက ရွေးကောက်ပွဲကို ၀င်ခဲ့တယ်။ အ ခုအချိန်အထိ အကောင်အထည် မဖော်နိုင်သေးဘူး။ ဒါပေမယ့် အခုအချိန်အထိ လက်ဆုပ်လက်ကိုင် ရှိသေး တယ်။ ဒါကို လုပ်ရမယ့် တာဝန်ရှိတဲ့အတွက် ခုနက ပထမ ကျမပြောခဲ့သလိုပေါ့နော် လုပ်ရမယ့် တာဝန်ကို မ လုပ်ဘူး။ အခုလုပ်လို့ရတဲ့အချိန်မှာ လုပ်လို့ရသလောက် ကျမတို့ပါတီမှာ အများကြီး လုပ်စရာမလိုပါဘူး။ ဒေါ် အောင်ဆန်းစုကြည်ပြောခဲ့သလို လွှတ်တော်ကိုယ်စားပြုကော်မတီ ဖွဲ့ပြီးနောက်ပိုင်း လွှတ်တော်ကို သစ်ပင် အောက်မှာလည်း ဖွဲ့လို့ရတယ်။ ဒါ အမြဲတမ်း ပြောခဲ့တယ်။ လွှတ်တော်ခေါ်ပေးပါ တချိန်လုံးပြောနေတယ်။ အ စိုးရက မခေါ်ပေးဘူး။ ကိုယ့်ဘာသာကိုယ် ခေါ်မယ်လည်းပြောခဲ့တယ်။ အဖွဲ့ချုပ်က မခေါ်ခဲ့ဘူး။ နောက်တခါ ဒီ လွှတ်တော်ကိုယ်စားပြုကော်မတီ ပေါ်လာပြီးတော့လည်း လွှတ်တော်ခေါ်မယ်လို့ ပြောခဲ့တယ်။ မခေါ်ခဲ့ဘူး။ ဒါ ပေမယ့် အခုအချိန်အထိ ရလဒ်က ရှိသေးတဲ့အတွက် အခုအချိန်မှာ လုပ်လို့ရသေးတယ်။ အခုအချိန်မှာလုပ်လို့ အစိုးရက ဖျက်လို့ရှိရင် ဒါက သူဖျက်တာပေါ့နော်။ ၂၀၁၀ မှာ ဖျက်လို့ရှိရင်တော့ ကိုယ်ဖျက်တာ ဖြစ်သွားလိမ့် မယ်။ အဲဒီအခါကျမှ ကျမတို့တွေက ဘာမှမလုပ်နိုင်တဲ့ အခြေအနေ ပိုဆိုးသွားမယ်ပေါ့နော်။ အဲလိုမျိုး ဖြစ်နိုင် တယ်။ အန်အယ်လ်ဒီအနေအထား ကျမသုံးသပ်တာပေါ့နော်။
ကျမတို့ကတော့ ဖြစ်စေချင်တာတော့ အခုအချိန်မှာ လုပ်သင့်တဲ့အလုပ်ကို အခုအချိန်မှာ လုပ်လို့ရသလောက် လုပ်စေချင်တယ်။ မန်းဒိတ်တွေ ပေးထားပြီးသား လွှတ်တော်ကိုယ်စားလှယ်အားလုံး၊ ဦးအောင်ရွှေ၊ ဒေါ်အောင် ဆန်းစုကြည်ပေးထားပြီးသား၊ ဒေါ်အောင်ဆန်းစုကြည်အဖမ်းခံရရင် ဦးအောင်ရွှေ တယောက်လုံးရှိသေးတယ်။ ဒီလွှတ်တော်ကိုယ်စားပြုကော်မတီဖွဲ့ပြီး အခုဆိုလို့ရှိရင် ဒီလွှတ်တော်ကိုယ်စားပြုကော်မတီရဲ့ လုပ်ဆောင်ချက် ရယ်၊ အန်အယ်လ်ဒီပါတီ လွှတ်တော်ကိုယ်စားလှယ်များရဲ့ လက်မှတ်တွေ ရှိပြီးသား။ လုပ်လို့ရသေးတယ်။ ဒါ ရိုးရိုးသားသား ကျမတို့ပြောတာ။ အစိုးရကမခေါ်လဲ ကျမတို့က ခေါ်လို့ရတယ်။ ကျမတို့ကိုယ်တိုင် လွှတ်တော်နဲ့ ပတ်သက်လို့ အဖမ်းခံခဲ့ရတာတွေရှိတယ်။ ကျမတို့ကိုယ်တိုင် ဒါတွေကိုလည်း ပြောခဲ့တယ်။ အဲလိုမျိုးမို့လို့ ဒီအ ချိန်မှာ လွှတ်တော်ကိုယ်စားပြုကော်မတီလည်းရှိတယ်။ လက်ရှိ မန်းဒိတ်လည်းအကုန်ယူထားပြီးသား။ မြို့နယ် တွေရော၊ အမျိုးသမီးတွေရော၊ ဒီအကုန်လုံး လူငယ်တွေရော လက်မှတ်တွေကို အဖွဲ့ချုပ်အနေနဲ့ ယူထားပြီး သား၊ အဲဒီအခါမှာ ဒီလိုအချိန်မှာ သူဖျက်တာမဟုတ်ဘဲ ကိုယ်ဖျက်တာ မဖြစ်ပါစေနဲ့လို့ ကျမက ဒါ အဖွဲ့ချုပ်ကို တော့ ပြောပြချင်တယ်ပေါ့နော်။ တကယ်တမ်းကျရင်တော့လေ။
အာရ်အက်ဖ်အေ ။ ။ ဟုတ်ကဲ့ … ဒေါ်ခင်ညွှန့်မူလည်း ပြောပါဦးခင်ဗျ။ ဘယ်လိုမြင်လဲခင်ဗျ။ အခုလာမယ့် ရွေး ကောက်ပွဲအနေအထားနဲ့ ပတ်သက်ပြီး ဘာများဖြည့်စွက်လိုလဲ။
ဒေါ်ခင်ညွန့်မူ ။ ။ ဟုတ်ကဲ့။ ၂၀၁၀ ရွေးကောက်ပွဲအတွက်ဆိုရင်တော့ ကျမတို့က ဗဟိုက ရပ်တည်ချက်အ တိုင်းပဲ ကျမတို့ သဘောတူ ရပ်တည်သွားမှာဖြစ်ပါတယ်။ ဒေါ်အောင်ဆန်းစုကြည်၊ ဦးတင်ဦး၊ ဦးခွန်ထွန်းဦး၊ ဦး ဂမ္ဘီရ၊ မင်းကိုနိုင်တို့လို ခေါင်းဆောင်များနဲ့ နိုင်ငံရေးအကျဉ်းသားအားလုံးကို လွှတ်ပေးဖို့လိုပါတယ်။ သူတို့တွေ ကို လွှတ်ပြီးတဲ့အခါမှာ ကျမတို့ ခေါင်းဆောင်များအချင်းချင်း Constitution ပြန်လည်း Review လုပ်ပြီးတော့ ကျမတို့ခေါင်းဆောင်များနဲ့ ညှိနှိုင်းဆွေးနွေးရေးမှ ထွက်ပေါ်လာတဲ့ရလဒ်ပေါ်မှာ မူတည်ပြီးမှ ကျမတို့က ၂၀၁၀ ကိစ္စကို စဉ်းစားနိုင်မှာ ဖြစ်ပါတယ်။ ဒါကြောင့် ကျမတို့က ၂၀၁၀ ကိစ္စအနေနဲ့ ခုနေအခါမှာ ဘာမှမပြောလိုဘူး။ ဒါပေမယ့်လို့ ကျမတို့ ဗဟိုရဲ့သဘောထား ရပ်တည်ချက်အတိုင်း ရပ်တည်နေပါတယ်။ ကျမတို့ကို ဗဟိုက ဘာ တွေလုပ်ရမယ်ဆိုတာသာ ညွှန်ကြားချက်ပေးပါ။ ဒါပဲ ကျမတို့က ပြောချင်ပါတယ်။
“ဒေါ်အောင်ဆန်းစုကြည်ပြောခဲ့သလို လွှတ်တော်ကိုယ်စားပြုကော်မတီ ဖွဲ့ပြီးနောက်ပိုင်း လွှတ်တော်ကို သစ်ပင်အောက်မှာလည်း ဖွဲ့လို့ရတယ်။ ဒါ အမြဲတမ်း ပြောခဲ့တယ်။ လွှတ်တော်ခေါ်ပေးပါ တချိန်လုံးပြောနေတယ်။ အစိုးရက မခေါ်ပေးဘူး။ ကိုယ့်ဘာသာကိုယ် ခေါ်မယ်လည်းပြောခဲ့တယ်။ အဖွဲ့ချုပ်က မခေါ်ခဲ့ဘူး။ နောက်တခါ ဒီ လွှတ်တော်ကိုယ်စားပြုကော်မတီ ပေါ်လာပြီးတော့လည်း လွှတ်တော်ခေါ်မယ်လို့ ပြောခဲ့တယ်။ မခေါ်ခဲ့ဘူး။ ဒါပေမယ့် အခုအချိန်အထိ ရလဒ်က ရှိသေးတဲ့အတွက် အခုအချိန်မှာ လုပ်လို့ရသေးတယ်။ အခုအချိန်မှာလုပ်လို့ အစိုးရက ဖျက်လို့ရှိရင် ဒါက သူဖျက်တာပေါ့နော်။ ၂၀၁၀ မှာ ဖျက်လို့ရှိရင်တော့ ကိုယ်ဖျက်တာ ဖြစ်သွားလိမ့်မယ်။ အဲဒီအခါကျမှ ကျမတို့တွေက ဘာမှမလုပ်နိုင်တဲ့ အခြေအနေထိ ပိုဆိုးသွားမယ်ပေါ့နော်။ အဲလိုမျိုးဖြစ်နိုင်တယ်။ အန်အယ်လ်ဒီအနေအထား ကျမသုံးသပ်တာပေါ့နော်။” (ဒေါ်နော်အုန်းလှ)
အာရ်အက်ဖ်အေ ။ ။ ဒေါ်ခင်ညွန့်မူ စောစောက ပြောတဲ့အထဲမှာ ဒေါ်ခင်ညွန့်မူတို့ ပဲခူးမြို့နယ် စည်းရုံးရေး ကော်မတီတွေနဲ့ အောက်ခြေအဖွဲ့ဝင်တွေနဲ့ ထိတွေ့မှု ပြောဆိုဆက်ဆံမှု နည်းတယ်ဆိုတဲ့ သဘောမျိုးပြော တယ်။ အဲဒါက ဘာကိုဆိုလိုတာလဲခင်ဗျ။
ဒေါ်ခင်ညွန့်မူ ။ ။ အစည်းအဝေးတွေ မလုပ်နိုင်တာပဲပေါ့နော်။ ဘာ့ကြောင့်မလုပ်နိုင်တာလဲ ဆိုတာကတော့ …
အာရ်အက်ဖ်အေ ဖြတ်ပြော ။ ။ ခဏလေး ဒေါ်ခင်ညွန့်မူ ကျနော့်အသံနဲ့ ထပ်သွားတယ်။ အဓိက ဒေါ်ခင် ညွန့်မူ အဲဒါက ဘာဆိုလိုတာလဲခင်ဗျ။ ပုံမှန်အစည်းအဝေးတွေ မကျင်းပနိုင်တာကို ဆိုလိုတာလား။ ကျနော်တို့ သိသလောက် အန်အယ်လ်ဒီလှုပ်ရှားမှုတွေက အများကြီး ကန့်သတ်ခံနေရရတယ်ဆိုတော့ တကယ်လို့ မြို့ နယ်စည်းအဖွဲ့ဝင်တွေက လှုပ်ရှားနိုင်တဲ့ အနေအထားကော ရှိလားခင်ဗျ။ ပဲခူးမှာ။
ဒေါ်ခင်ညွန့်မူ ။ ။ ကျမက ပဲခူးရယ်လို့ ကျမပြောနေတာမဟုတ်ဘူးနော်။ ကျမ တနိုင်ငံလုံးအတွက်ကို ဒေါ်မြင့် မြင့်အေးတို့ လုပ်သလိုမျိုး လုပ်နိုင်အောင် ကြိုးစားဖို့ ကျမပြောနေတာပါ။ ဒါမှ ကိုယ့်ပါတီရဲ့ အခွင့်အရေးကို ကိုယ့်ပါတီအစည်းအဝေးကိုတောင်မှ ကိုယ်မလုပ်နိုင်ဘူးဆို ကျမတို့ ဘာသွားလုပ်မလဲ ဒါပဲ ကျမမေးရမှာဖြစ်ပါ တယ်။ ကျမတို့က ကျမတို့အခွင့်အရေးကို ကျမတို့ လုပ်ယူရမှာပဲ။ ကျမတို့ ကြောက်တယ်ဆို ပါတီဝင်တွေက တောင် ကြောက်နေတယ်ဆိုလို့ရှိရင် ပြည်သူတွေအနေနဲ့က သူတို့လိုအပ်ချက်တွေကို သူတို့ဖွင့်ပြောနိုင်ဖို့ဆို တာ အင်မတန်မှ ခက်ခဲပါတယ်။ ဒါကြောင့်မို့လို့ ကျမတို့က အရင်ဆုံး ကျမတို့ရဲ့ အခွင့်အရေးကို ကျမတို့ တိုက် ယူပြရဲရပါမယ်။ အခုဆိုရင် ပြည်သူတွေဟာ မခံမရပ်နိုင်ဖြစ်ပြီးတော့ အချို့နေရာတွေမှာဆိုလို့ရှိရင် သူတို့ကိုယ် တိုင် တောင်းဆိုလာတာတွေ .. ဟိုနေ့ကပဲ ၂၀ ရက်နေ့က တွံတေးမြို့မှာဖြစ်ပျက်ခဲ့တဲ့ အဖြစ်အပျက်ဆိုလို့ရှိရင် ဒါ ပြည်သူတွေဟာ သူတို့အခွင့်အရေးကို သူတို့တောင်းဆိုလာတာဖြစ်တယ်။ အဲလိုတောင်းဆိုတဲ့အခါမှာလည်း ဒီ တွံတေးအန်အယ်လ်ဒီတွေက ၀ိုင်းရံပေးတယ်ဆိုတာကို ကျမတို့က ကြိုဆိုပါတယ်။ ဒါ ဒီလိုပဲဖြစ်ရမယ်။ ပါတီ ၀င်တွေဟာ ပြည်သူတွေက လိုအပ်မယ်ဆိုရင် ရှေ့က နေသင့်ရင်လည်း နေရပါမယ်။ ဘေးက ၀ိုင်းရံသင့်ရင် လည်း ၀ိုင်းရံရပါမယ်။ ဒါ ကျမတို့ခေါင်းဆောင် ဒေါ်အောင်ဆန်းစုကြည် အမြဲတမ်းပြောနေတဲ့ စကားလည်းဖြစ် ပါတယ်။
နအဖ စစ်ဗိုလ်ချုပ်ကြီးတွေကိုပေါ့နော် ဦးနေ၀င်းတို့၊ ဦးခင်ညွန့်တို့ ဘ၀နိဂုံးချုပ် နေ၀င်ချိန်ကို သင်ခန်းစာယူပြီးတော့ လက်ရှိဗိုလ်ချုပ်ကြီးတွေက သူတို့ပုခုံးပေါ်မှာ အပွင့်ရှိတုန်း လုပ်ပိုင်ခွင့်ရှိတုန်း လုပ်သင့်တာကို လုပ်ပေးပါလို့ ကျမ ဒီနေရာကနေ ပြောချင်ပါတယ်။ အန်အယ်လ်ဒီ လူကြီးတွေအနေနဲ့လည်းပဲ သတ္တိရှိရှိနဲ့ ဒေါ်အောင်ဆန်းစုကြည်ရဲ့ စကားလို ပြည်သူလူထုအတွက် ပြတ်ပြတ်သားသား ရင်ဆိုင်နိုင်ဖို့ ဒီ့ထက်ပေါ့နော် ကျမတို့ တောင်းဆိုနေတဲ့ လွှတ်တော်ကိုယ်စားလှယ် အစည်းအဝေးခေါ်ပေးပါဆိုတာမျိုးတွေ ဆက်လက်လုပ်ပေးဖို့ ကျမတောင်းဆိုလိုသလို လူထုကိုလည်းပဲ ကိုယ်နဲ့မဆိုင်သလို နေနေလို့မရတော့ဘူး၊ ဒီကနေ့ နိုင်ငံရဲ့အခက်အခဲဟာ ငါတို့မြန်မာပြည်သူလူထုတရပ်လုံး သက်ဆိုင်တဲ့ ကိစ္စကြီးဖြစ်လာပြီ။ ဒီအခက်အခဲအကျပ်အတည်းက လွတ်မြောက်ဖို့ဆိုလို့ရှိရင် ငါတို့မှာလည်း တာဝန်ရှိပါလားလို့ဆိုတဲ့ ခံယူချက်နဲ့ လူထုကလည်း မျက်စိဖွင့် နားစွင့်ပြီးတော့ ပါဝင်ကြဖို့ ကျမတိုက်တွန်းလိုပါတယ်။” (ဒေါ်မြင့်မြင့်အေး)
အာရ်အက်ဖ်အေ ။ ။ ဟုတ်ကဲ့ ကျနော်တို့ အာရ်အက်ဖ်အေ တနင်္ဂနွေစကားဝိုင်းရဲ့ ပေးထားတဲ့အချိန်လည်း တော်တော်လေး နည်းပါးသွားပြီခင်ဗျ။ အဲတော့ အခုပါဝင်ဆွေးနွေးတဲ့ အဖွဲ့ဝင်ပဲဆိုပါတော့ခင်ဗျာ။ အန်အယ် လ်ဒီအဖွဲ့ဝင် အမျိုးသမီး ၃ ဦးက မိမိပြောလိုတာလေး တယောက်ကို မိနစ်အနည်းငယ် ပြောဖို့ပါပဲ။ အဲတော့ ဒေါ်မြင့်မြင့်အေး စပြောမလားခင်ဗျာ။
ဒေါ်မြင့်မြင့်အေး ။ ။ ဟုတ်ကဲ့ ပြောစရာတော့ နည်းနည်းကျန်သွားသေးတယ် အစောက …။
အာရ်အက်ဖ်အေ ။ ။ အဲ အဲ ပြောပါ ရတယ် ပြော။
ဒေါ်မြင့်မြင့်အေး ။ ။ ဒီနေရာမှာ ကျမပြောချင်တာကပေါ့နော်။ စစ်အစိုးရက ဒီ တဘက်သတ်ရေးဆွဲထားတဲ့ အခြေခံဥပေဒကို အတင်းအဓမ္မ အတည်ပြုပြီးတော့ ၂၀၁၀ ရွေးကောက်ပွဲကိုလည်း အန်အယ်လ်ဒီ ပါပါ မပါပါ၊ ဘယ်သူပါပါ မပါပါ မဖြစ်ဖြစ်တဲ့နည်းနဲ့ လုပ်မယ်ဆိုလို့ရှိရင် ဒါစစ်မှန်တဲ့အဖြေမဟုတ်ဘူး။ အဖြေမဟုတ်တာက မဟုတ်တာပဲ။ အဖြေဟုတ်တာက ဟုတ်တာပဲ။ ဒါ့ကြောင့် လူထုလူတန်းစားအားလုံး ပါဝင်ပြီး စစ်မှန်တဲ့ အဖြေ ကိုရှာနိုင်မှ တိုင်းပြည်က ငြိမ်းချမ်းမယ်၊ သာယာမယ်။ ဒီလိုမှ မဟုတ်လို့ရှိရင် အဖြေမှန်ကို မရှာဖွေဘဲ ငါတို့မှာ အာဏာရှိတယ်၊ လက်နက်ရှိတယ်၊ ငွေရှိတယ် လုပ်ချင်ရာကို လုပ်နိုင်တယ်ဆိုပြီး လုပ်မယ်ဆိုလို့ရှိရင် ကမ္ဘာ့စီး ပွားရေးပျက်ကပ်နဲ့အတူ မြန်မာပြည်သူလူထုတရပ်လုံး ဆင်းရဲဒုက္ခကို ရင်စည်းခါးစည်းခံကြရတာနဲ့အတူ တိုင်း ပြည်က ဗုံးကွဲမှုတွေ၊ ဆူပူအုံကြွမှုတွေနဲ့ပဲ ဆက်လက်ရင်ဆိုင်နေရဦးမယ်ဆိုတာကို ကျမ ထပ်လောင်း ပြောချင် ပါတယ်။
တဆက်တည်း ပြောရမယ်ဆိုလို့ရှိရင် နအဖ စစ်ဗိုလ်ချုပ်ကြီးတွေကိုပေါ့နော် ဦးနေ၀င်းတို့၊ ဦးခင်ညွန့်တို့ ဘ၀နိ ဂုံးချုပ် နေ၀င်ချိန်ကို သင်ခန်းစာယူပြီးတော့ လက်ရှိဗိုလ်ချုပ်ကြီးတွေက သူတို့ပုခုံးပေါ်မှာ အပွင့်ရှိတုန်း လုပ်ပိုင် ခွင့်ရှိတုန်း လုပ်သင့်တာကို လုပ်ပေးပါလို့ ကျမ ဒီနေရာကနေ ပြောချင်ပါတယ်။
အန်အယ်လ်ဒီ လူကြီးတွေအနေနဲ့လည်းပဲ သတ္တိရှိရှိနဲ့ ဒေါ်အောင်ဆန်းစုကြည်ရဲ့ စကားလို ပြည်သူလူထုအ တွက် ပြတ်ပြတ်သားသား ရင်ဆိုင်နိုင်ဖို့ ဒီ့ထက်ပေါ့နော် ကျမတို့ တောင်းဆိုနေတဲ့ လွှတ်တော်ကိုယ်စားလှယ် အစည်းအဝေးခေါ်ပေးပါဆိုတာမျိုးတွေ ဆက်လက်လုပ်ပေးဖို့ ကျမတောင်းဆိုလိုသလို လူထုကိုလည်းပဲ ကိုယ် နဲ့မဆိုင်သလို နေနေလို့မရတော့ဘူး၊ ဒီကနေ့ နိုင်ငံရဲ့အခက်အခဲဟာ ငါတို့မြန်မာပြည်သူလူထုတရပ်လုံး သက် ဆိုင်တဲ့ ကိစ္စကြီးဖြစ်လာပြီ။ ဒီအခက်အခဲအကျပ်အတည်းက လွတ်မြောက်ဖို့ဆိုလို့ရှိရင် ငါတို့မှာလည်း တာဝန် ရှိပါလားလို့ဆိုတဲ့ ခံယူချက်နဲ့ လူထုကလည်း မျက်စိဖွင့် နားစွင့်ပြီးတော့ ပါဝင်ကြဖို့ ကျမတိုက်တွန်းလိုပါတယ်။ တဆက်တည်းပဲ ပြည်တွင်းပြည်ပမှာရှိတဲ့ ဒီမိုကရေစီအင်အားစုတွေကပေါ့ စည်းစည်းလုံးလုံးနဲ့ ဟန်ချက်ညီညီ နဲ့ပေါ့ အားလုံးဝိုင်းဝန်းကြိုးစားကြဖို့ကိုလည်း ကျမ အထူးတိုက်တွန်းလိုပါတယ်။
“ကျမတို့ လုပ်ရကိုင်ရတဲ့နေရာမှာ အခက်အခဲတွေ အများကြီးတော့ရှိပါတယ်။ ဒါပေမယ့် ကျမတို့အားလုံးသိထားဖို့က ရှေ့မှာ အသက်တွေ ဘ၀တွေ စတေးပြီးတော့ လုပ်ပြသွားတဲ့ လူများရဲ့ ကြိုးပမ်းမှုများကို စံထားပြီးတော့ တန်ဖိုးထားလုပ်ဆောင်သွားဖို့ လိုပါတယ်။ ပုဂ္ဂိုလ်ရေးဆိုင်ရာ မကျေနပ်ချက်တွေ၊ ပုဂ္ဂိုလ်ရေးဆိုင်ရာ ခံစားချက်တွေကို ဘေးဖယ်ထားပြီးတော့ ကျမတို့ရဲ့ ပန်းတိုင်က ဘာလဲ။ ပြည်သူအားလုံး လူ့အခွင့်အရေးနဲ့ ဒီမိုကရေစီရေးအတွက် တိုက်ပွဲဝင်နေခြင်း သာဖြစ်တယ်ဆိုတဲ့ ခံယူချက်ကို မမှိတ်မသုတ် မပျောက်ဖို့လိုပါတယ်။ ဒီခံယူချက်အတိုင်း ကျမတို့က ဇွဲ လုံ့လနဲ့ လုပ်ဆောင်သွားမယ်ဆိုရင် ကျမတို့လိုချင်တဲ့ ပန်းတိုင်ကို မလွဲမသွေရောက်ရှိမှာဖြစ်တယ်လို့ ကျမကတော့ ပြောချင်ပါတယ်။” (ဒေါ်ခင်ညွန့်မူ)
အာရ်အက်ဖ်အေ ။ ။ ဟုတ်ကဲ့ ဒေါ်နော်အုန်းလှကော ဘာများပြောလိုပါသေးလဲခင်ဗျာ။
ဒေါ်နော်အုန်းလှ ။ ။ ပြောရရင်တော့ ကျမတို့ အခုစကားဝိုင်းအနေအထားအရပေါ့နော် ပြည်သူတွေတရပ်လုံး က ပါဝင်နိုင်ဖို့ဆိုတာလည်း ကျမမျှော်လင့်ပါတယ်။ ဒါပေမယ့်လို့ ကျမ ခုနပြောခဲ့သလိုပေ့ါနော် ကျမတို့တွေက တာဝန်အဆင့်ဆင့်ကို ပြည်သူအားလုံးက ကိုယ့်တာဝန်ကိုယ်ကျေဖို့လည်း လိုသလို ပြည်သူ့လွှတ်တော်ကိုယ် စားလှယ်တွေလည်း တာဝန်ကျေဖို့လိုတယ်။ ကိုယ်ယူထားခဲ့တဲ့တာဝန်ကို ကိုယ်ယူမယ်လို့ပြောခဲ့ပြီးတော့ ကိုယ် မကျေတာရယ်၊ ကျမတို့ပါတီဝင်တွေကလည်း ကိုယ်ပြောခဲ့တဲ့ဟာတွေကို လုပ်မယ်ဆိုပြီး လုပ်ခဲ့တဲ့ဟာတွေကို လည်း မကျေတဲ့သူရှိသလို ကျေခဲ့သူလည်း ရှိတာပေါ့နော်။
ဒါ အားလုံး ကျမတို့သွားရမှာက ဒီစစ်အာဏာရှင်စနစ် ပြုတ်ကျရေး ကျမတို့သွားတဲ့အတွက် နိုင်ငံရေးအ၀န်းအ ၀ိုင်းအားလုံးပေါ့နော် ကျမတို့ ဒါကို စုစုစည်းစည်းနဲ့ သွားမယ်ဆိုလို့ရှိရင်တော့ အောင်မြင်နိုင်မှာပါ။ ဦးဆောင်တဲ့ လူ ကောင်းကောင်းမွန်မွန်ပေါ့နော်၊ မှန်မှန်ကန်ကန် တည့်တည့်မတ်မတ် ဦးဆောင်ဖို့လည်း လိုတယ်။ နောက် က လိုက်တဲ့သူအားလုံးကလည်း တစုတစည်းဖြစ်ဖို့လိုတယ်။ အဲဒါမှသာလျှင် ဒီစစ်အာဏာရှင် လဲပြိုမှာဖြစ်ပါ တယ်။ ဒီအတိုင်း အခုအချိန်အထိ မလဲပြိုနိုင်သေးတာက သူတို့က အင်အားအများကြီးနဲ့ ကျမတို့တွေကို ဖိနှိပ် တယ်။ ကျမတို့ အချင်းချင်းကလည်း ပြိုကွဲနေတယ်ဆိုတဲ့အခါကျတော့ မအောင်မြင်နိုင်ဘူး။ ဒါကြောင့်မို့လို့ ကျ မ ပြောသလို့ပေါ့။ ကျမတို့က မူတွေ စည်းကမ်းတွေ ရှိပြီးသားနဲ့ ကျမတို့ ဒီမူတွေမလိုက်နာလို့ ဒီလိုမျိုးအခြေအ နေ ကြုံတာလို့ ကျမမြင်ပါတယ်။
အာရ်အက်ဖ်အေ ။ ။ တခုတော့ရှိတာပေါ့ ဒေါ်နော်အုန်းလှ၊ ကျနော်တို့ ဒီ ကြားနေရတဲ့ သတင်းတွေပေါ် မူ တည်ပြီးပြောရမယ်ဆိုရင်တော့ တဘက်မှာ ဒေါ်နော်အုန်းလှပြောသလို လုပ်သင့်လုပ်ထိုက်တဲ့ အစိတ်အပိုင်း တွေ ရှိတယ်ဆိုတာလည်း ဖြစ်နိုင်သလို တဘက်မှာကျတော့လည်း လက်ရှိအာဏာပိုင် အဖွဲ့အစည်းတွေရဲ့ ဖိ နှိပ်မှုမျိုးစုံကလည်း ရင်ဆိုင်နေရတဲ့ အစိတ်အပိုင်းကလည်း ဒါလည်းကျယ်ကျယ်ပြန့်ပြန့်တော့ ကြားနေရတဲ့ အ ချက်ပဲ။ အဲလိုတော့ ရှိတာပေါ့နော် (ဒေါ်နော်အုန်းလှ ပြော - ဟုတ်ပါတယ်)။ ဟုတ်ကဲ့ ဒေါ်ခင်ညွန့်မူကော နိဂုံး ချုပ်အနေနဲ့ ဘာများပြောချင်သေးလဲခင်ဗျာ။
ဒေါ်ခင်ညွန့်မူ ။ ။ ဒေါ်မြင့်မြင့်အေးတို့ ဒေါ်နော်အုန်းလှတို့ ပြောသလိုပေ့ါနော် ကျမတို့လုပ်ရကိုင်ရတဲ့နေရာမှာ အခက်အခဲတွေ အများကြီးတော့ရှိပါတယ်။ ဒါပေမယ့် ကျမတို့အားလုံးသိထားဖို့က ရှေ့မှာ အသက်တွေ ဘ၀ တွေ စတေးပြီးတော့ လုပ်ပြသွားတဲ့ လူများရဲ့ ကြိုးပမ်းမှုများကို စံထားပြီးတော့ တန်ဖိုးထားလုပ်ဆောင်သွားဖို့ လိုပါတယ်။ ပုဂ္ဂိုလ်ရေးဆိုင်ရာ မကျေနပ်ချက်တွေ၊ ပုဂ္ဂိုလ်ရေးဆိုင်ရာ ခံစားချက်တွေကို ဘေးဖယ်ထားပြီးတော့ ကျမတို့ရဲ့ ပန်းတိုင်က ဘာလဲ။ ပြည်သူအားလုံး လူ့အခွင့်အရေးနဲ့ ဒီမိုကရေစီရေးအတွက် တိုက်ပွဲဝင်နေခြင်း သာဖြစ်တယ်ဆိုတဲ့ ခံယူချက်ကို မမှိတ်မသုတ် မပျောက်ဖို့လိုပါတယ်။ ဒီခံယူချက်အတိုင်း ကျမတို့က ဇွဲ လုံ့လနဲ့ လုပ်ဆောင်သွားမယ်ဆိုရင် ကျမတို့လိုချင်တဲ့ ပန်းတိုင်ကို မလွဲမသွေ ရောက်ရှိမှာဖြစ်တယ်လို့ ကျမကတော့ ပြောချင်ပါတယ်။
(ပြီးပါပြီ)
ပြန်ခေါက်ခဲ့ပါ...
2/13/2009
ပြက္ခဒိန်တဲ့။ ဘယ်ခေတ်ဘယ်အခါက စတင်ခဲ့တယ်တော့ ကျွန်တော် မရှာဖွေလိုတော့ပါ။ ပြက္ခဒိန် အကြောင်း စဉ်းစားမိရင်တော့ ဘာလို့များ ပြက္ခဒိန်တွေ အမျိုးမျိုးကွဲနေလဲဆို ပဲတွေးမိတယ်။ ဟုတ်တယ်လေ။ မြန်မာ ပြက္ခဒိန်၊ တရုတ်ပြက္ခဒိန်၊ ခရစ်နှစ်ပြက္ခဒိန်၊ စသည် စသည်မတူကွဲပြားနေကြတာ တော့ရှိပါတယ်။ ဘာတွေကွဲနေပါစေ ပြက္ခဒိန်လေးရှိနေတော့ ကျွန်တော်တို့ သမိုင်းတွေ အမှတ်တရနေ့တွေ၊ သတင်း ဖြစ်ရပ်တွေ၊ ပျော်ရွှင်ခဲ့ရတဲ့နေ့ရက်တွေ၊ လွမ်းဆွတ်ခဲ့ရတာတွေ၊ ကြေကွဲခဲ့ရတာတွေအတွက် အတိအကျ မှတ် နိုင်ဖို့ အခွင့်အရေးလေးကိုတော့ လူတိုင်းပိုင်ဆိုင်ခွင့် ရနေကြတာပေါ့။
ပြက္ခဒိန်တခုရဲ့ လတိုင်းလတိုင်းမှာ အမှတ်တရနေ့စွဲ လေးတွေဆိုတာလူတိုင်းမှာ ရှိတတ်စမြဲပါ။ ဒီလိုပဲနိုင်ငံတိုင်း နိုင်ငံတိုင်းမှာလဲ အရေးကြီးနေ့ရက်တွေ အထိမ်းအမှတ်နေ့တွေ ဆိုတာရှိကြတာပါပဲ။ ဟောအခုဆိုရင်ပဲ ဖေဖေါ်ဝါရီ လ။ မြန်မာပြည်က ဆယ်ကျော်သက်လေးတွေ ကို ဟေ့ အခုလဘာအထင်ကရနေ့ရှိလဲ လို့မေးကြည့်လိုက် ပါ။ သေခြာပေါက်မဆိုင်းမတွဖြေပါလိမ့်မယ် ချစ်သူများနေ့လို့။ ခင်ဗျားမယုံဘူးလား ကိုယ်တိုင်မေးကြည့်ဗျာ။ ကျွန်တော်ကတော့ ထပ်မေးရင် ကိုယ့်နဖူးကိုယ်ရိုက်မိမှာဆိုးလို့ မမေးတော့ဘူးဗျာ။ ခင်းဗျာရောစဉ်းစားနေလား။ ဘာနေ့ရှိပါလိမ့်လို့လေ။ ဟားဟား စဉ်းစားမယ်ဆိုလဲ စဉ်းစားလောက်တယ်ဗျ။ မြန်မာပြည်ကထွက်သမျှ ဂျာနယ် တွေ မဂ္ဂဇင်းတွေမှာလဲ ဖေဖေါ်ဝါရီလထုတ်ဆိုရင် အထူးဆောင်းပါးတွေပါတယ်ဗျ။ ဘာတွေမှတ်လဲ။ ချစ်သူများ နေ့ပေါ်ပေါက်လာပုံတို့ နှင်းဆီ ပန်းဘာရောင်က အချစ်ရဲ့ဘာသင်္ကေတ တို့စုံနေတာပါပဲ။ ရေးကြတာများပြော ပါတယ်။
ဟေ့ဟေ့..ရေးတဲ့လူကိုတော့အပြစ်တင်မစောနဲ့နော်။ သူ့ခမျာတော်တော်ကြာတခြား အမှတ်တရနေ့တွေအ ကြောင်းရေးရင် ဖေဖေါ်ဝါရီလထုတ်ကနေ မတ်လထုတ်ဆီကိုကျော် ထုတ်နေရမှာပေါ့။ အင်း ဖေဖေါ်ဝါရီ။ မင်းက အချစ်ရဲ့သင်္ကေတအနေနဲ့ အခုတော့မြန်မာပြည်မှာမော်ကြွားနေပီပေါ့နော်။ ချစ်သူများနေ့က ကျွန်တော် တို့ချစ်သော ကျွန်တော်တို့လေးစားရသော ကျွန်တော်တို့ နိုင်ငံရဲ့ အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့မွေးနေ့ ကိုတဖြည်းဖြည်းမှေးမှိန်နေပြီ ဆိုတာကို ရေးသားရင်း ကျွန်တော်တို့ငယ်ငယ် ကရွတ်ခဲ့ရတဲ့ ကဗျာလေးကိုပဲ ပြန်လည်ဖေါ်ပြပေးလိုက်ပါတယ်....
ဖေဖော်ဝါရီ တစ်ဆယ့်သုံးမှာ
ဗိုလ်ချုပ်မွေးနေ့ ပါ
တစ်ထောင့်ကိုးရာ တစ်ဆယ့်ငါး
ရှေ့နေဦးဖာ သား
ဇာတိနတ်မောက် မကွေးခရိုင်
သိကြ များခုတိုင်
ကြံ့ကြံ့ခိုင်တဲ့ ဇာနည်ဘွား
မိခင် ဒေါ်စုသား ….
တစ်ထောင့် ကိုးရာလေးဆယ့်ခွန်
ပြောင်းကြွတမလွန်
မျက်ရည်သွန်လို့ ဘ၀င်ညှိုး
ဇူလိုင် တစ်ဆယ့်ကိုး
ပြည်ထောင်စုရဲ့ ကျေးဇူးရှင်
ဗိုလ်ချုပ် ဒို့ဖခင်
ကောင်းစေချင်တဲ့ အမှာစကား
ငါတို့ မမေ့အား
ဆိုရှယ်လစ်ဘောင် လမ်းစဉ်များ
ဗိုလ်ချုပ်ချမှတ်သွား…။
×××××××××××
-ရွှေအောင်
ပြန်ခေါက်ခဲ့ပါ...
၉၄ နှစ်ပြည့် ဗိုလ်ချုပ်အောင်ဆန်းမွေးနေ့အကြို ဂုဏ်ပြုဆောင်းပါး
အောင်ဆန်း (အပိုင်း - ၃)
အောင်ဆန်းစုကြည်
မြန်မာပြန် - ဒေါက်တာအောင်ခင်
၁၉၄၃ ခုနှစ် မတ်လတွင် အောင်ဆန်းအား ဗိုလ်ချုပ်အဆင့်သို့ တိုးမြှင့်ခန့်အပ်လိုက်ပြီး ဂျပန်ဘုရင်မင်းမြတ်ထံ မှ ဘွဲ့တံဆိပ်ရယူရန် ဂျပန်သို့ဖိတ်ကြားပါသည်။ တိုကျိုသို့သွားသောအဖွဲ့ကို ဒေါက်တာဘမော်ဦးဆောင်ပြီး ထို အဖွဲ့တွင် ဗိုလ်ချုပ်အောင်ဆန်းအပြင် ဒေါက်တာသိမ်းမောင်နှင့် သခင်မြတို့ပါဝင်ပါသည်။ ဇန်န၀ါရီလအတွင်း က ဂျပန်ဝန်ကြီးချုပ်တိုဂျိုသည် မြန်မာနိုင်ငံ မကြာမီလွတ်လပ်ရေးရတော့မည်ဟု ကြေညာထားပြီးဖြစ်ပါသည်။ မြန်မာအဖွဲ့ပြန်လာသောအခါ သဘောတူညီချက်စာတမ်းတစောင် သယ်ယူလာခဲ့ပါသည်။
ဗိုလ်ချုပ်အောင်ဆန်း၏ ခပ်ပြတ်ပြတ်စကားအသုံးအနှုန်းအရ စာတမ်းပါအကြောင်းအရာများမှာ “မြန်မာနိုင်ငံ သည် ၁၉၄၃ ခုနှစ် သြဂုတ်လ (၁) ရက်နေ့တွင် လွတ်လပ်ရေးရမည်ဖြစ်ပြီး ကျွန်ုပ်တို့တွေ စာချုပ်အချို့ကို ချုပ် ဆိုရန် စသဖြင့်” ဖြစ်ပါသည်။ စာတမ်းကို အလွန်အမင်း အရေးထားခြင်း မရှိခဲ့ပါ။ အစီအစဉ်အတိုင်း သြဂုတ်လ (၁) ရက်နေ့တွင် မြန်မာပြည်ကို လွတ်လပ်သော အချုပ်အခြာအာဏာပိုင်နိုင်ငံအဖြစ်လည်းကောင်း၊ “မဟာ အရှေ့အာရှသာတူညီမျှ ကြီးပွားရေးနယ်မြေ”၏ တန်းတူညီတူအဖွဲ့ဝင်နိုင်ငံအဖြစ်လည်းကောင်း ကြေညာလိုက် ပါသည်။
ဒေါက်တာဘမော်အား အဓိပတိဟူသောဘွဲ့နှင့် နိုင်ငံခေါင်းဆောင် ၀န်ကြီးချုပ်အဖြစ် ခန့်အပ်လိုက်ပြီး ဗိုလ်ချုပ် အောင်ဆန်းကား စစ်ဝန်ကြီးဖြစ်လာပါသည်။ မြန်မာ့အမျိုးသားတပ်မတော်ဟု အမည်သစ်ပြောင်းထားသော ဗမာ့တပ်မတော် ထိရောက်မှုမရှိစေရန် ဂျပန်တို့ နည်းပရိယာယ်မျိုးစုံ သုံးစွဲပါတော့သည်။ ပထမတွင် တပ်များ ကို နိုင်ငံအ၀ှမ်းဖြန့်ကြဲထားသည်။ ထို့နောက် နေရာအချို့တွင် စုပြုံထားပြန်သည်။ စစ်ဝန်ကြီးဌာနနှင့် တပ်များ အကြား ဆက်သွယ်ရေးခက်ခဲစေရန် ဖြစ်ပါသည်။
ဗိုလ်ချုပ်အောင်ဆန်းကား မတုန်မလှုပ်။ ဂျပန်တွေအကြံပေးသမျှကို သဘောတူလိုက်ကာ သူ့ထင်မြင်ချက်များ ကို လူသိမပေးဘဲ သူ့အစီအစဉ်နှင့်သူ ဆက်လုပ်သွားပါသည်။ တိုကျိုမှ ပြန်ရောက်လာချိန်လောက်တွင် ဗိုလ် ချုပ်အောင်ဆန်းသည် ဗိုလ်လင်္ကျာ၊ ဗိုလ်ဇေယျ၊ ဗိုလ်နေ၀င်းနှင့် ဗိုလ်ကျော်ဇောတို့အပါအ၀င် သူ၏ အရာရှိအ ချို့ကိုခေါ်၍ တော်လှန်ရေးစတင်ရန်အချိန်ကို တိုင်ပင်ဆွေးနွေးပါသည်။ အရာရှိများက အခြေအနေ ပိုမိုစိတ် ချရသည်အထိ စောင့်ဆိုင်းရန် အကြံပေးပါသည်။ တဖန် သခင်သန်းထွန်းနှင့်တိုင်ပင်ရာ ၎င်းကလည်း တော် လှန်ရေးစရန် အချိန်မတန်သေးဟုတင်ပြသဖြင့် ဗိုလ်ချုပ်လည်း စိတ်ပါလက်ပါမရှိလှသော်လည်း စောင့်ဆိုင်း ရန် သဘောတူလိုက်ပါသည်။
အခြားကွန်မြူနစ်များ၊ အထူးသဖြင့် သခင်စိုးနှင့် သခင်သိန်းဖေတို့သည် ဗြိတိသျှတို့ ဆုတ်ခွာသွားသဖြင့် သူတို့ ထောင်မှလွတ်သည့် အချိန်မတိုင်ခင်ကပင် ဂျပန်တော်လှန်ရေးတရားဟောခဲ့၏။ ဂျပန်တပ်များ ချီတက်လာ သည်နှင့် သူတို့နှစ်ဦး တောခိုသွားပါသည်။ သခင်သိန်းဖေသည် ဗိုလ်ချုပ်အောင်ဆန်းနှင့် ဗိုလ်နေ၀င်းတို့ကို ရွှေဘို၌ ခဏတွေ့ပြီး ဗြိတိသျှတပ်များနှင့် အဆက်အသွယ်ရရေး ကြိုးပမ်းရန် အိန္ဒိယသို့ ထွက်ခွာသွားပါသည်။
၁၉၄၃ ခုနှစ် နိုဝင်ဘာလရောက်ချိန်တွင် တော်လှန်ရေးအစီအစဉ်များ အတော်ပင်ခရီးရောက်နေပြီဖြစ်ရကား မြန်မာနိုင်ငံတောတောင်များထဲတွင် ပြောက်ကျားတပ်များဖွဲ့စည်းရန် ကြိုးစားနေသော ဗိုလ်မှူးစီဂရင်း ခေါ် ဗြိ တိသျှတပ်မတော်အရာရှိသည် ‘ဗမာ့ကာကွယ်ရေးတပ်မတော်မှ အောင်ဆန်းဆိုသူသည် အခါအခွင့်ကြုံလာ လျှင် သူ၏တပ်များနှင့် ဂျပန်ကို ပြန်တိုက်ရန်စီစဉ်နေသည်’ ဟု အိန္ဒိယသို့ သတင်းပို့ခဲ့ပါသည်။ လောလော ဆယ် တွင်မူ တော်လှန်ရေးအစီအစဉ်များ ပြီးစီးသည်အထိ ဗိုလ်ချုပ်အောင်ဆန်းသည် ဂျပန်တို့၏ သံသယစိတ် များ ပျောက်ကွယ်သွားစေရန် အားထုတ်ရပါသည်။ သို့သော်လည်း သူသည် လက်ရှိလွတ်လပ်ရေးသည် အတု အယောင်မျှသာဖြစ်ကြောင်း၊ စစ်မှန်သောလွတ်လပ်ရေးရရှိရန် ရုန်းကန်ရမည်ဖြစ်ကြောင်းကို သူ၏မိန့်ခွန်းများ တွင် ပြည်သူတို့အား အသိပေးခဲ့၏။
၁၉၄၂ ခုနှစ်ကုန်ပိုင်းတွင် ကရင်များနှင့် ဗမာ့လွတ်လပ်ရေးတပ်မတော်အတွင်းမှ တာဝန်မဲ့သူတို့အကြား ပေါ် ပေါက်ခဲ့သော ပဋိပက္ခတို့မှစ၍ သွေးထွက်သံယိုမှုနှင့် လူမျိုးရေးအဓိကရုဏ်းများ ဖြစ်ပွားလာသည်။ ဗိုလ်ချုပ် အောင်ဆန်းသည် မြန်မာနိုင်ငံရှိ တိုင်းရင်းသားများအကြား ဆက်ဆံရေးကောင်းမွန်မှုကို အထူးအလေးပေးခဲ့ ၏။ ထိုကဲ့သို့ ဆက်ဆံရေးကောင်းမှသာလျှင် နိုင်ငံစည်းလုံးညီညွတ်မည်ဖြစ်ကြောင်း သူ ကောင်းစွာသဘော ပေါက်ခဲ့၏။ စူဇူကီးအတွက် သခင်အောင်ဆန်းရေးဆွဲခဲ့သော ‘မြန်မာနိုင်ငံ စီမံကိန်း’တွင် ‘ယခုအခါ၌ ဗြိတိသျှ ပယောဂကြောင့် လူများစုဖြစ်သော ဗမာတို့နှင့် ရခိုင်၊ ရှမ်း စသော တောင်ပေါ်တိုင်းရင်းသားများအကြားတွင် တည်ရှိနေသော ကွာဟချက်များ ကျဉ်းမြောင်းသွားစေပြီး အားလုံးတန်းတူညီမျှရှိသော နိုင်ငံထူထောင်ရန်’ လို အပ်ကြောင်းကို အလေးအနက်ဖော်ပြခဲ့ပါသည်။
ကရင်-ဗမာအဓိကရုဏ်းသည် သူ့အား များစွာဒေါမနဿဖြစ်စေပါသည်။ ၁၉၄၃ ခုနှစ်နောက်ပိုင်းတွင် ဗိုလ်ချုပ် အောင်ဆန်း၊ သခင်သန်းထွန်းနှင့် ဗိုလ်လင်္ကျာတို့သည် ဤလူမျိုးစုနှစ်စုအကြား ငြိမ်းချမ်းရေးနှင့် နားလည်မှုရ ရှိစေရန် အပန်းတကြီး ဆောင်ရွက်ခဲ့ပါသည်။ ၎င်းတို့၏ စုပေါင်းကြိုးပမ်းမှုမှ သီးပွင့်လာသော အကျိုးကား က ရင်ခေါင်းဆောင်များ မြန်မာခေါင်းဆောင်တို့အား ယုံကြည်စိတ်ချလာခြင်းနှင့် မြန်မာ့တပ်မတော်အတွင်း ကရင် တပ်ရင်းတခု ဖွဲ့စည်းလိုက်ခြင်းဖြစ်ပါသည်။
ဗိုလ်ချုပ်အောင်ဆန်း အစောတလျင် ကိုင်တွယ်ရန်လိုနေသော နောက်ကိစ္စတရပ်မှာ ကွန်မြူနစ်များနှင့် ပြည် သူ့အရေးတော်ပုံပါတီအတွင်းမှ ဆိုရှယ်လစ်များအကြား တနေ့တခြား ကြီးထွားနေသော အာဃာတများပင် ဖြစ်ပါသည်။ ကွန်မြူနစ်ခေါင်းဆောင်များမှာ ဂျပန်ခေတ်တလျှောက်လုံး တောခိုနေခဲ့သော သခင်စိုး၊ သစ် တောနှင့် လယ်ယာစိုက်ပျိုးရေးဝန်ကြီးဖြစ်နေသော သခင်သန်းထွန်းနှင့် သခင်ဗဟိန်းတို့ ဖြစ်ကြပါသည်။ ဦး ကျော်ငြိမ်းနှင့် ဦးဘဆွေတို့သည်ကား ထင်ရှားသော ဆိုရှယ်လစ်ခေါင်းဆောင်နှစ်ဦး ဖြစ်ပါသည်။
ဗိုလ်ချုပ်အောင်ဆန်းသည် နှစ်ဖက်ခေါင်းဆောင်များအကြား ပြေလည်စေရန် အထူးကြိုးပမ်းခဲ့ပါသည်။ စေ့စပ် ဖြန်ဖြေရေးကို အမြန်ဆုံးဆောင်ရွက်ရန်လိုအပ်နေခြင်းမှာ နိုင်ငံရေးသဘောထားကွဲလွဲမှုများသည် တပ်မတော် ထဲသို့ စိမ့်ဝင်နေကာ ရဲဘော်များ၏ ညီညွတ်ရေးနှင့် တော်လှန်ရေး၏ အောင်မြင်ရေးတို့ကို ခြိမ်းခြောက်နေ၍ ဖြစ်ပါသည်။ ထို့အပြင် သခင်စိုးသည် ဖက်ဆစ်ဆန့်ကျင်ရေးစည်းရုံးဆော်သြရာတွင် တပ်မတော်ကို ထိခိုက်နစ် နာစေသော ၀ါဒဖြန့်ချိရေး ပြုလုပ်နေသဖြင့် တပ်အတွင်း မကျေနပ်မှုများ ဖြစ်ရုံသာမက ဗိုလ်ချုပ်အောင်ဆန်း လည်း ဒေါသထွက်ရပါသည်။
လပေါင်းများစွာ သဘောထားချင်းဖလှယ်ပြီးနောက် ဗိုလ်ချုပ်အောင်ဆန်းသည် သခင်စိုး၊ သခင်သန်းထွန်း၊ သ ခင်ဗဟိန်းတို့နှင့် ၁၉၄၄ ခုနှစ် သြဂုတ်လတွင် ရက်အနည်းငယ်ကြာ လျှို့ဝှက်စည်းဝေးပါသည်။ ဗိုလ်ချုပ်အောင် ဆန်း၏ ဖက်ဆစ်ဆန့်ကျင်ရေးအဖွဲ့ တည်ထောင်ရန်အဆိုကို ဆွေးနွေးကြပြီး အဖွဲ့၏ ကြေညာစာတမ်းနှင့် စု ပေါင်းဆောင်ရွက်ရမည့် စီမံကိန်းတရပ်ကို သဘောတူအတည်ပြုလုပ်ပါသည်။ များမကြာမီ ကွန်မြူနစ်ခေါင်း ဆောင်များနှင့် ပြည်သူ့အရေးတော်ပုံပါတီခေါင်းဆောင်များ အတူစည်းဝေးရန်စီစဉ်လိုက်ပြီး၊ ထိုအစည်းအဝေး ၌ ဗိုလ်ချုပ်အောင်ဆန်းသည် “ဖက်ဆစ်ဓါးပြများကို တိုက်ထုတ်ကြလော့” ခေါင်းစဉ်ပါ ကြေညာစာတမ်းကိုဖတ် ကာ တော်လှန်ရေးကို တရားဝင်အကောင်အထည်ဖော်လိုက်ပါသည်။
အဖွဲ့၌ သခင်စိုးသည် နိုင်ငံရေးခေါင်းဆောင်ဖြစ်ပြီး သခင်သန်းထွန်းသည် အထွေထွေအတွင်းရေးမှူးတာဝန်နှင့် မဟာမိတ်များနှင့်ဆက်သွယ်ရေး တာဝန်တို့ကိုယူကာ ဗိုလ်ချုပ်အောင်ဆန်းသည် စစ်ရေးခေါင်းဆောင်ဖြစ်ပါ သည်။ ထိုအချိန်၌ လူငယ်တပ်မတော်အရာရှိအချို့သည် စတင်လှုပ်ရှားရန် ဇောကြီးကာ သခင်ခေါင်းဆောင် အချို့နှင့် တပ်မတော်အဆင့်မြင့်အရာရှိအချို့တို့ကိုသာ တိုင်ပင်လေ့ရှိသော ဗိုလ်ချုပ်၏ ဆိတ်ဆိတ်နေမှု ကြောင့် မချင့်မရဲဖြစ်နေကြပါသည်။ ၎င်းတို့သည် တော်လှန်ရေးတရပ်ကို မိမိတို့ဖာသာစတင်ရန် ကြံစည်ကြပါ သည်။ ဤကိစ္စကို ဗိုလ်ချုပ်အောင်ဆန်း သိသွားသောအခါ ၎င်းတို့အား ဖက်ဆစ်ဆန့်ကျင်ရေးအဖွဲ့၏ လှုပ်ရှားမှု ထဲ၌ တိကျသော အခန်းကဏ္ဍများ စီစဉ်ပေးခြင်းဖြင့် အခြေအနေကို ပြေလည်စေခဲ့ပါသည်။ အတွင်းအင်အားစု များ၏ ညီညွတ်မှုရယူပြီးနောက် တော်လှန်ရေးအစီအစဉ် အပြီးသတ်နိုင်ရန် မဟာမိတ်တပ်များနှင့် မည်ကဲ့သို့ သော သဘောတူညီမှုများ ရနိုင်မည်ကိုသာ သိရှိရန်လိုပါတော့သည်။
ဗိုလ်ချုပ်အောင်ဆန်းနှင့် အပေါင်းအဖော်များသည် ပြည်ပအကူအညီ ရသည်ဖြစ်စေ၊ မရသည်ဖြစ်စေ ဂျပန်ကို တော်လှန်ရန် ဆုံးဖြတ်ချက်ချပြီးဖြစ်သော်လည်း အောင်မြင်မှုများ ပို၍ပို၍ရနေသော မဟာမိတ်တပ်များနှင့် ပူး ပေါင်းဆောင်ရွက်ခြင်းဖြင့် လက်တွေ့အကျိုးအမြတ်များ ရရှိနိုင်မည်ဖြစ်ကြောင်း ထင်ရှားလာပါသည်။ အမှန်မှာ နိုင်ငံအ၀ှမ်း မြန်မာတပ်များ ဂျပန်တို့ကို စတင်တော်လှန်သော ၁၉၄၅ ခုနှစ် မတ်လ ၂၇ ရက်နေ့ရောက်သည့် တိုင် ဗြိတိသျှတို့နှင့် ရှင်းလင်းသောသဘောတူညီချက် မရရှိသေးပေ။ ထိုနေ့မတိုင်မီ (၁၀) ရက်အလိုက ဗိုလ် ချုပ်အောင်ဆန်းသည် ရန်ကုန်မြို့၌ စစ်ရေးပြအခမ်းအနားတရပ်တွင် ပါဝင်ပြီးနောက် သူ၏ တပ်များနှင့် အတူ စစ်လေ့ကျင့်ခန်းဆင်းရန်ဟု အကြောင်းပြကာ မြို့တော်မှ ထွက်ခွာခဲ့ပါသည်။
ဗိုလ်ချုပ်ကြီးစလင်း၏ တပ်မ (၁၄) သည် ဧရာဝတီမြစ်ကို မန္တလေးမြောက်ပိုင်းမှ ဖြတ်ကူးနေပြီး၊ သခင်သန်း ထွန်းသည် ဗြိတိသျှတပ်မတော်အရာရှိတဦးနှင့်ဆုံရန် တောင်ငူသို့ ထွက်ခွာသွားပေပြီ။ များမကြာမီ တော်လှန် ရေးရေစီးကြောင်းကား တဟုန်တည်း စီးဆင်းလာပေတော့သည်။ မေလ (၁၅) ရက်နေ့တွင် ဗိုလ်ချုပ်အောင် ဆန်းသည် လက်ထောက်အရာရှိတဦးနှင့်အတူ စလင်းနှင့်တွေ့ဆုံရန် ၎င်း၏ဌာနချုပ်သို့ ရောက်သွား၏။
တွေ့ဆုံရာတွင် ဗိုလ်ချုပ်အောင်ဆန်းသည် မိမိကိုယ်မိမိ မြန်မာနိုင်ငံယာယီအစိုးရ၏ကိုယ်စားလှယ်အဖြစ် မိတ် ဆက်ပြီး၊ မဟာမိတ်စစ်ဦးစီးတဦးအဖြစ် အသိအမှတ်ပြုရန် ရဲရဲတင်းတင်း တောင်းဆိုလိုက်ပါသည်။ ဗြိတိသျှ ဗိုလ်ချုပ်ကြီးထံမှ လိုက်လျောမှုအများဆုံးရရှိနိုင်ရန် တဖက်ကကြိးစားလျက် တဖက်ကလည်း လက်တွေ့ကျကျ တွေးမြင်တတ်ကြောင်း၊ ပူးပေါင်းဆောင်ရွက်လိုကြောင်း၊ မိမိနှင့်ဆက်ဆံသူများ စိတ်ခွေ့ရလောက်အောင် ရိုး သားဖြောင့်မတ်ကြောင်းတို့ကို ဗိုလ်ချုပ်အောင်ဆန်း ပြသခဲ့ရာ စလင်း၏ နှစ်သက်သဘောကျမှုနှင့် လေးစားမှု တို့ကို ရရှိခဲ့၏။
စလင်း၏စကားအရ “သူနှင့်ပတ်သက်၍ ကျနော် မှတ်မှတ်ရရကြီး သတိပြုမိသည်ကတော့ သူ၏ရိုးသားဖြောင့် မတ်မှုဖြစ်ပါသည်။ သူသည် အာသွက်လျာသွက် အကြိုက်လိုက် အာမခံချက်ပေးခြင်းမျိုးမရှိ။ လွယ်လွယ်နှင့် ကတိမပေး။ သို့သော် တခုခုလုပ်ပါမည်ဟုသဘောတူခဲ့လျှင်တော့ စကားတည်မည့်သူဟု ကျနော်မြင်ပါသည်။” ဗိုလ်ချုပ်အောင်ဆန်းနှင့် ဗိုလ်ချုပ်ကြီးစလင်းတို့ တွေ့ဆုံပြီးနောက် မြန်မာတပ်များနှင့် ဗြိတိသျှတပ်များ ပူးတွဲ၍ ဂျပန်တို့ကို တိုက်လေရာ ဂျပန်တပ်များ အလျင်အမြန် ပြိုကွဲသွားပါသည်။ ဇွန်လ (၁၅) ရက်နေ့တွင် ရန်ကုန်မြို့ အောင်ပွဲစစ်ချီအခမ်းအနားများ ကျင်းပရာ၌ ဗြိတိသျှအင်ပိုင်ယာတပ်များ၊ မဟာမိတ်တပ်များနှင့်အတူ မြန်မာ့ တပ်မတော်ကလည်း ပါဝင်ခဲ့ပါသည်။ ဂျပန်တော်လှန်ရေးကား ပြီးဆုံးသွားပေသည်။
အမျိုးသားရေးလှုပ်ရှားနေသောမြန်မာများသည် တူညီသောရည်မှန်းချက်အောင်မြင်စေရန် ၀ါဒရေးရာမတိုက် ဆိုင်မှုများနှင့် ပုဂ္ဂိုလ်ရေးဆန်သော သဘောထားများကို ဘေးဖယ်ခဲ့သော ဂုဏ်ယူဖွယ်အကောင်းဆုံး အချိန် ကာလဖြစ်ပါသည်။ ၁၉၄၅ ခုနှစ် သြဂုတ်လတွင် ကျယ်ပြန့်သော လူမှုရေးနှင့် နိုင်ငံရေးအင်အားစုများကို ကိုယ် စားပြုသော ပုဂ္ဂိုလ်များနှင့် အဖွဲ့အစည်းများပါဝင်နိုင်ရန် ဖက်ဆစ်ဆန့်ကျင်ရေးအဖွဲ့ကို တိုးချဲ့ဖွဲ့စည်းပြီး ‘ဖက် ဆစ်ဆန့်ကျင်ရေး ပြည်သူ့လွတ်မြောက်ရေးအဖွဲ့ချုပ်’ (ဖဆပလ) ဟူ၍ အမည်သစ်ပေးလိုက်ပါသည်။
(ဆက်လက်ဖတ်ရှုပါရန် ...)
(ဒေါ်အောင်ဆန်းစုကြည် ရေးသားသည့် “ကြောက်ရွံ့ခြင်းမှ လွတ်ကင်းရေး” စာအုပ်မှ ထုတ်နှုတ်ဖော်ပြပါသည်)
ပြန်ခေါက်ခဲ့ပါ...
၉၄ နှစ်ပြည့် ဗိုလ်ချုပ်အောင်ဆန်းမွေးနေ့အကြို ဂုဏ်ပြုဆောင်းပါး
အောင်ဆန်း (အပိုင်း - ၂)
အောင်ဆန်းစုကြည်
မြန်မာပြန် - ဒေါက်တာအောင်ခင်
၁၉၃၈-၁၉၃၉ ခုနှစ်များတွင် ‘၁၃၀၀ ပြည့် အရေးတော်ပုံ’ ဟု အမည်တွင်မည့် အရေးအခင်းများ ဖြစ်ပေါ်ခဲ့ပါ သည်။ ရေနံမြေအလုပ်သမားများ ချီတက်ပွဲ၊ တောင်သူလယ်သမားများ ချီတက်ပွဲ၊ ရဲ၏ နံပါတ်တုတ်ဒဏ်ဖြင့် ဗိုလ်အောင်ကျော် ကျဆုံးခဲ့ရသော ကျောင်းသားဆန္ဒပြပွဲ၊ ထိုဖြစ်ရပ်ကြောင့် ပေါ်ပေါက်ရသော နိုင်ငံအ၀ှမ်း ကျောင်းသားသပိတ်များ၊ ဗမာတို့နှင့် အိန္ဒိယအနွယ် မူဆလင်များအကြား ဖြစ်ပွားခဲ့သော အဓိကရုဏ်း၊ အလုပ် သမားများသပိတ်၊ ရဲ၏ လက်ချက်ဖြင့် အာဇာနည် (၁၇) ဦး ကျဆုံးခဲ့သော မန္တလေးဆန္ဒပြပွဲ၊ ဒေါက်တာဘမော် အစိုးရ ပြုတ်ကျသွားခြင်း စသည်တို့ တသီတတန်းကြီး ဖြစ်ပေါ်ခဲ့ပါသည်။
ဤအရေးအခင်းများကြောင့် နိုင်ငံအတွင်း မကြုံစဖူး မငြိမ်မသက် ဆူဆူပွက်ပွက်ဖြစ်လာပြီး အမျိုးသားရေးလှုပ် ရှားမှုများ အရှိန်အဟုန်ပြင်းထန်လာသည်။ သို့သော် ဤမျှစိတ်လှုပ်ရှားဖွယ်ဖြစ်ရပ်များ အကြားကပင်
မြန်မာ့ နိုင်ငံရေး၏ ကပ်ကြီးနှစ်ပါးဖြစ်သော ဂိုဏ်းဂဏ၀ါဒနှင့် မနာလိုမုန်းတီးရေးဝါဒတို့၏ ဆိုးဝါးသော အရှိန်သြဇာများ လွှမ်းမိုးလာ၏။ အုပ်စုတအုပ်စု၊ လူတဦးချင်းတို့အနေနှင့် မိမိတို့သာလျှင် အထိ ရောက်ဆုံး၊ မျိုးချစ်စိတ်အထက်သန်ဆုံး၊ အတော်ဆုံးဟူ၍ ဂုဏ်တု၊ ဂုဏ်ပြိုင်လုပ်လိုသော စိတ်ရူး များဝင်ကာ အပြန်အလှန် စွပ်စွဲပုတ်ခတ်မှုများ၊ ခါးသီးမှုများ ပျံ့နှံ့လာလေသည်။
ဂိုဏ်းဂဏစိတ်နှင့် မနာလိုဝန်တိုစိတ်များမှ ကင်းရှင်းသည်ဟု အများက သတ်မှတ်ထားသော လူနည်းစုလေး တွင် သခင်အောင်ဆန်း ပါဝင်၏။ သူသည် လက်ဝဲ၀ါဒများဘက်သို့ယိမ်း၍ ၁၉၃၉ ခုနှစ်တွင် ပေါ်ပေါက်လာ သော အချို့က မာ့က်ဆ်ဝါဒ လေ့လာရေးအုပ်စုဟူ၍လည်းကောင်း၊ အချို့က ပထမဦးဆုံး မြန်မာကွန်မြူနစ်က လပ်စည်းဟူ၍လည်းကောင်း ခေါ်ဝေါ်သည့်အုပ်စုကို တည်ထောင်ခဲ့သူတဦးဖြစ်ပြီး၊ ထိုအုပ်စု၏ အထွေထွေအ တွင်းရေးမှူးအဖြစ် တာဝန်ထမ်းဆောင်ခဲ့၏။ သို့သော် သခင်အောင်ဆန်းသည် ကွန်မြူနစ်ဝါဒကိုသော်လည်း ကောင်း၊ အခြားတင်းကြပ်သော ၀ါဒများကိုသော်လည်းကောင်း၊ မဆင်မခြင် အစွန်းရောက်အမြင်ဖြင့် ယုံကြည် လက်ခံခြင်းမရှိခဲ့ပါ။ ကျယ်ဝန်းထွေပြားသော ဆိုရှယ်လစ်သီအိုရီ အယူအဆအမျိုးမျိုးအနက် သူ့အားဆွဲဆောင် နိုင်သော သဘောတရားများ အတော်အတန်ရှိခဲ့ပါသည်။ သို့သော် သူ၏ အဓိကရည်မှန်းချက်မှာ သူ့တိုင်းပြည် အတွက် လွတ်လပ်ရေးနှင့် စည်းလုံးညီညွတ်ရေး စွမ်းဆောင်ပေးနိုင်မည့် အတွေးအခေါ်များ၊ နည်းဗျူဟာများ ကို လေ့လာသုံးစွဲရန်သာဖြစ်ပါသည်။
၁၉၃၉ ခုနှစ် ဥရောပတိုက်တွင် ဒုတိယကမ္ဘာစစ်မီး စတင်လောင်ကျွမ်းပြီး များမကြာမီ ‘ကိုလိုနီဝါဒအခက်၊ လွတ်လပ်ရေးအချက်’ ဟုမြင်ကာ ‘ထွက်ရပ်ဂိုဏ်းကြီး’ တည်ထောင်နိုင်ရန် သခင်အောင်ဆန်း ကူညီပေးခဲ့ပါ သည်။ ဒေါက်တာဘမော်၏ ဆင်းရဲသားပါတီ၊ ဒို့ဗမာအစည်းအရုံး၊ ကျောင်းသားများနှင့် ပုဂ္ဂလိကနိုင်ငံရေးသ မားများ စုပေါင်းဖွဲ့စည်းလိုက်သော ထို ‘ထွက်ရပ်ဂိုဏ်းကြီး’ သည် သခင်အောင်ဆန်း၏ တီထွင်မှုဖြစ်သည်ဟု သခင်နုက သတ်မှတ်ခဲ့၏။ ‘ထွက်ရပ်ဂိုဏ်းကြီး’ ၏ ပြည်သူလူထုကို တိုက်တွန်းဆော်သြချက်မှာ စစ်ပြီးသည်နှင့် လွတ်လပ်ရေးပေးရန်သဘောတူသော ကတိရမှသာလျှင် ဗြိတိသျစစ်ရေးကြိုးပမ်းချက်များကို ကူညီပံ့ပိုးရမည်။ ဗြိတိသျှအစိုးရအနေနှင့် ထိုကဲ့သို့ကတိကြေညာချက်မပြုပါက စစ်ရေးကြိုးပမ်းချက်များကို အင်တိုက်အားတိုက် ဆန့်ကျင်ရမည်။ တုံ့ပြန်သည့်အနေနှင့် ဗြိတိသျှအစိုးရသည် အမျိုးသားရေးလှုပ်ရှားနေသူအများအပြားကို ဖမ်း ဆီးလိုက်ပါသည်။ ၁၉၄၀ ခုနှစ် ကုန်ဆုံးချိန်၌ သခင်ခေါင်းဆောင် အမြောက်အမြားနှင့် ဒေါက်တာဘမော်တို့မှာ ထောင်ထဲရောက်နေကြပေပြီ။ သခင်အောင်ဆန်းကို ဖမ်းဆီးရန် ၀ရန်းအမိန့်ထုတ်ခဲ့သော်လည်း အချိန်မီသတိ ပေးချက်ရသဖြင့် သူသည် ခြေရာဖျောက်ကာ တိမ်းရှောင်သွားနိုင်ခဲ့သည်။
ဂျပန်နှင့် မဟာမိတ်ဖွဲ့ခြင်း
သခင်အောင်ဆန်းသည် လက်နက်ကိုင်တိုက်ပွဲဆင်နွှဲရန် လိုအပ်ကောင်းလိုအပ်မည်ဟု ယူဆခဲ့သည်မှာ ကာ လအတန်ကြာကပင် ဖြစ်ပါသည်။ ကလေးဘ၀က တိုက်ခိုက်တော်လှန်ရန် စိတ်ကူးယဉ်အိပ်မက်ခဲ့သော်လည်း လွတ်လပ်ရေးကို အခြေခံဥပဒေဘောင်အတွင်းမှ နိုင်ငံရေးနည်းဖြင့် ရယူနိုင်မည့် အလားအလာကို အစဉ်တ စိုက် ပယ်ထားခဲ့သူမဟုတ်ပါ။ တက္ကသိုလ်ကျောင်းသားဘ၀က အစိုးရ၀န်ထမ်း (ထိုစဉ်က အိုင်စီအက်၊ ဘီစီ အက်) စာမေးပွဲဖြေဆိုကာ ၎င်းတို့၏ပညာရှင်ပီသစွာ နိုင်ငံရေးလုပ်ကိုင်မှုနှင့် မျိုးချစ်စိတ်ထက်သန်မှုတို့ကြောင့် သူကိုယ်တိုင်လေးစားသော အိန္ဒိယနိုင်ငံရေးသမားအချို့၏ နမူနာအတိုင်း လုပ်ကိုင်ရန်ကိုလည်း သခင်အောင် ဆန်း စဉ်းစားခဲ့ဖူး၏။ အများသိ ကျောင်းသားခေါင်းဆောင်တဦး ဖြစ်လာပြီးနောက်ပိုင်း၌ ရန်ကုန်တက္ကသိုလ် အင်္ဂလိပ်စာပါမောက္ခအား ပေးပို့သော စာတစောင်တွင် သူသည် ‘ငြိမ်းချမ်းသော တော်လှန်ရေးသမား’ သာ ဖြစ်သည်ဟု ရေးသားခဲ့ကြောင်း ကြားသိရပါသည်။ သို့သော်လည်း မြန်မာနိုင်ငံအတွင်း အရေးအခင်းများ၏ ဒီ ရေလှိုင်းသည် သူ့အား သဘောထားပြောင်းလဲစေခဲ့သည်။ ၁၉၄၀ ခုနှစ်က သူ၏ တွေးခေါ်ပုံကို အောက်ပါအ တိုင်း ရှင်းပြထားပါသည်။
“ကျနော်တဦးချင်းအနေနှင့်ကား ကျနော်တို့၏ အရေးတော်ပုံအတွက် ကမ္ဘာ့ဝါဒဖြန့်မှုနှင့် ကမ္ဘာ့အကူအညီလို သည်မှာ မှန်သော်လည်း အဓိကလုပ်ငန်းမှာ ပြည်တွင်းတွင်သာရှိသည်။ အဓိကလုပ်ငန်းမှာ အမျိုးသားရေး တိုက်ပွဲအတွက် ပြည်သူလူထုကို စည်းရုံးရန်ဖြစ်သည်ဟု ယူဆခဲ့သည်။ ကျနော့်မှာလည်း အကြမ်းဖျဉ်းအစီအ စဉ်တခုရှိခဲ့သည်။ ၎င်းအစီအစဉ်မှာ ဗြိတိသျှနယ်ချဲ့စနစ်ကို တပြည်လုံးတွင် ဆန့်ကျင်ရန်၊ ဤလှုပ်ရှားမှုကို ကမ္ဘာ့အခြေအနေ ဗမာ့အခြေအနေနှင့်အညီ တဆတဆတိုးချဲ့ရန်၊ မြို့နေအလုပ်သမား တောနေအလုပ်သ မားတို့၏ ဒေသအလိုက်သပိတ်များမှစ၍ အထွေထွေသပိတ်များ၊ အခွန်အခပေးရေးသပိတ်များအထိ တိုးချဲ့ ဆင်နွှဲရန်၊ တက်ကြွလာသော ၀ါဒဖြန့်ချိမှုများဖြစ်သည့် လူထုဆန္ဒပြပွဲများ ချီတက်ပွဲများမှစ၍ ပြည်သူတို့၏ အာ ဏာဖီဆန်ရေးတိုက်ပွဲအထိ ဆက်လက်ဆင်နွှဲရန်၊ စီးပွားရေးအရတွင်လည်း ဗြိတိသျှကုန်ပစ္စည်းများကို သပိတ် မှောက်ရာမှစ၍ လူထုနှင့်ချီ၍ အခွန်မပေးရေးတိုက်ပွဲအထိ ဆင်နွှဲရန် စစ်ဖက်အုပ်ချုပ်ရေးဖက်နှင့် ပုလိပ်ဖက် ကင်းစခန်းများ ဆက်သွယ်ရေးလမ်းကြောင်းများကို ပြောက်ကျားနည်းနှင့် ၀င်ရောက်တိုက်ခိုက်၍ ဗမာပြည်အ တွင်း ဗြိတိသျှအုပ်ချုပ်မှုစနစ်ကို လုံးဝသွက်ချာပါဒလိုက်သည်အထိ တိုက်ပွဲဆင်နွှဲရန်၊ ထိုအခါ ကမ္ဘာဖြစ်ပေါ်တိုး တက်မှုနှင့် တပြိုင်နက် နောက်ဆုံးပိတ်အာဏာသိမ်းပွဲကို ဆင်နွှဲရန် အစီအစဉ်ပင်ဖြစ်သည်။ ဗြိတိသျှအစိုးရ၏ လက်နက်ကိုင်တပ်များ၊ အထူးသဖြင့် ဗြိတိသျှလူမျိုးမဟုတ်သော တပ်များသည် ကျနော်တို့ဘက်သို့ ကူး ပြောင်းလာကြလိမ့်မည်ဟုလည်း ကျနော်တွက်ခဲ့သည်။ ဤအစီအစဉ်တွင် ဂျပန်များ ၀င်ရောက်တိုက်ခိုက်မှုကို လည်း မှန်းဆခဲ့သည်။ သို့သော် ဤနေရာတွင် ကျနော်မှာ ရှင်းလင်းသောအမြင် မရှိခဲ့ပေ။ ထိုအခါက ကျနော် တို့အထဲမှ မည်သူမျှ ရှင်းရှင်းလင်းလင်းမရှိခဲ့။ သို့သော် ယခုဖြစ်ပျက်ပြီးသွားသည့်အခါတွင်ကား လူအချို့အနေ နှင့် ကျန်လူများထက်ပို၍ သိမြင်ခဲ့ဟန် ဟန်ဆောင်ကောင်း ဆောင်ကြမည်။)”
အထက်ပါအကြံအစည်များမှာ သူ၏ “ကြီးမားသောအစီအစဉ်” သာဖြစ်ကြောင်း သခင်အောင်ဆန်း ၀န်ခံခဲ့ပါ သည်။ သူ၏ ရဲဘော်ရဲဘက်များတွင် ထိုစီမံကိန်းကို ထောက်ခံသူ မများလှပါ။ ထိုကဲ့သို့မထောက်ခံခြင်းမှာ သ ခင်အောင်ဆန်းအမြင်အရ “ကျနော်တို့မှာ ဓနရှင်ပေါက်စ ဇာတိရှိသူများဖြစ်ရာ စဉ်းစားရာ ပြောဆိုရာတွင် ရဲ ရင့်သလောက်၊ ပြတ်သားသော ဆောင်ရွက်ချက်ကိုလုပ်ရာ၌ တွန့်ဆုတ်လေ့ရှိကြလေသည်။ ပြည်သူလူထုကို နှိုးဆွရမည့်လုပ်ငန်း ကြာရှည်ခက်ခဲမည်ကိုလည်း စိတ်မရှည်ကြပေ။ ကျနော်တို့အများစုမှာ လူထုတိုက်ပွဲအ ကြောင်း ပြောဟောကြသော်လည်း လူထုတိုက်ပွဲ အကျိုးအာနိသင်ကို သဘောမပေါက်ကြ” စသည်တို့ကြောင့် ပင် ဖြစ်ပါသည်။ သို့သော် သခင်အောင်ဆန်းသည် အမျိုးသားရေးဝါဒီများ ပြောက်ကျားတိုက်ပွဲဆင်နွှဲနိုင်ရန် လက်နက်များရှိရန်လိုသည်ဟူသော ထင်မြင်ချက်ကို အခိုင်အမာ ဆက်လက်ဆုပ်ကိုင်ထားပါသည်။ နောက်ဆုံး တွင် ၎င်းတို့အနက်မှ တဦးဦး မြန်မာပြည်ပြင်ပသို့သွားပြီး အကူအညီ၊ အထောက်အပံ့နှင့် လက်နက်များရှာရန် ဆုံးဖြတ်လိုက်ပါသည်။ “ထိုအခါက ကျနော်တဦးတည်းသာ မြေအောက်၌ နေနေရသောကြောင့် ထိုသို့သွားရန် ကျနော့်ကိုရွေးချယ်ခဲ့ကြလေသည်” ဟု သခင်အောင်ဆန်း မှတ်တမ်းတင်ခဲ့ပါသည်။
၁၉၄၀ ခုနှစ် သြဂုတ်လတွင် သခင်အောင်ဆန်းနှင့် သခင်လှမြိင် (နောင်အခါ ဗိုလ်ရန်အောင်ဟုထင်ရှားသူ)တို့ မြန်မာပြည်မှ ဟိုင်လီအမည်ရှိ သင်္ဘောနှင့် ထွက်ခွာခဲ့ရာ တရုတ်နိုင်ငံ အမွိုင်မြို့ရှိ ‘အပြည်ပြည်ဆိုင်ရာဒေသ’ ဖြစ်သော ကူလန်စုသို့ ရောက်သွားကြပါသည်။ ထိုနေရာ၌ သူတို့နှစ်ဦး လအနည်းငယ်မျှ သောင်တင်နေပြီး တ ရုတ်ကွန်မြူနစ်များနှင့် ဆက်သွယ်ရန် ကြိးစားချက်များလည်း အောင်မြင်ခြင်းမရှိခဲ့ပါ။ တရုတ်ကွန်မြူနစ်များနှင့် အဆက်အသွယ် မလုပ်နိုင်ခဲ့သော်လည်း ဂျပန်ကိုယ်စားလှယ်တဦး သူတို့အား ချဉ်းကပ်ပြီး ဂျပန်တပ်မတော် အရာရှိတဦးဖြစ်သူ ဗိုလ်မှူးကြီးစူဇူကီကေအီဂျီနှင့်တွေ့ရန် တိုကျိုသို့ လေယာဉ်နှင့်ပို့လိုက်ပါသည်။ ထိုဗိုလ်မှူးကြီး သည် နောင်အခါ၌ ‘မြန်မာပြည်လွတ်လပ်ရေးကို ကူညီရန်နှင့် တရုတ်မြန်မာလမ်းမကြီးကို ပိတ်ဆို့ရန်’ ရည် ရွယ်ချက်များနှင့် တည်ထောင်သော မီနာမီကီကန် လျှို့ဝှက်အသင်း၏ ခေါင်းဆောင်အဖြစ် ထင်ရှားမည့်သူဖြစ် ပါသည်။
မြန်မာနိုင်ငံရေးသမားများနှင့် ဂျပန်တို့အကြားအဆက်အသွယ်ရှိခြင်းမှာ အသစ်အဆန်းမဟုတ်ချေ။ ဒေါက်တာ ဘမော်နေရာ၌ ၀န်ကြီးချုပ်ဖြစ်လာသော ဦးစောသည် ဂျပန်ထောက်ပံ့မှုကြောင့် ချမ်းသာကြွယ်ဝလာသူဟူ၍ နာမည်ထွက်ခဲ့ပါသည်။ ဒေါက်တာဘမော်ကိုယ်တိုင်လည်း ‘ထွက်ရပ်ဂိုဏ်း’ အတွက် ဂျပန်တို့ထံမှ အကူအညီ ရှာခဲ့ပါသည်။ ဒေါက်တာဘမော်၏ အစိုးရအတွင်း ၀န်ကြီးတဦးဖြစ်ခဲ့သော ၀ါရင့်နိုင်ငံရေးသမားကြီး ဒေါက်တာ သိမ်းမောင်ကမူ ဂျပန်သို့ အလည်အပတ်သွားရောက်ခဲ့ပြီး ဂျပန်-ဗမာ ချစ်ကြည်ရေးအသင်းကို ရှေ့ဆောင် တည်ထောင်ခဲ့ပါသည်။ ၁၉၄၀ ခုနှစ်လယ်တွင် ဗိုလ်မှူးကြီးစူဇူကီး မြန်မာပြည်သို့ အလည်ရောက်စဉ်က ဒေါက် တာသိမ်းမောင်နှင့် တွေ့ခဲ့၏။ ဤတွေ့ဆုံဆက်သွယ်မှုမှတဆင့် ဂျပန်များက အမွိုင်ရောက် သခင်နှစ်ဦးအား ရှာဖွေတွေ့ရှိနိုင်ခဲ့ခြင်း ဖြစ်ပါသည်။
‘ထွက်ရပ်ဂိုဏ်း’ ၀င်များအနက် ဂျပန်အကူအညီ လက်ခံသင့်၊ မခံသင့်နှင့်ပတ်သက်၍ စိတ်သဘောထားကွဲပြား မှုများ ရှိနေခဲ့ပါသည်။ ကွန်မြူနစ်များ(၎င်းတို့အနက်အထင်ရှားဆုံးမှာ သခင်စိုး၊ သခင်ဗဟိန်း၊ သခင်သန်းထွန်း နှင့် သခင်သိန်းဖေ) က အထူးသဖြင့် ဖက်ဆစ်ဂျပန်နှင့် ပူးပေါင်းဆောင်ရွက်ရေးကို ဆန့်ကျင်ကြသည်။ သခင် အောင်ဆန်းကတော့ အကူအညီကို ရသည့်နေရာမှယူပြီး အခြေအနေများ မည်ကဲ့သို့ ပြောင်းလဲဖြစ်ပေါ်လာ မည်ကို စောင့်ကြည့်သင့်သည်ဟု လက်တွေ့အကျိုးဖြစ်မည့် နည်းလမ်းအမြင် အယူအဆကို စွဲကိုင်ခဲ့၏။ သို့ သော် သူ၏ စကားအတိုင်းဆိုရလျှင် သူသည် ဂျပန်တို့နှင့် ပူးပေါင်းခြင်းကြောင့် နောင်ဖြစ်ပေါ်လာမည့် အကျိုး ဆက်များကို အသေအချာ ရှင်းရှင်းလင်းလင်းတွက်ဆခဲ့ပုံမပေါ်။
တိုကျိုတွင် သခင်အောင်ဆန်းနှင့် ဗိုလ်မှူးကြီးစူဇူကီးတို့နှစ်ဦး နားလည်မှုယူနိုင်ခဲ့ကြ၏။ သို့သော် နှစ်ဦးနှစ်ဖက် လုံးတွင် ထိန်ချန်ထားသော သဘောမတွေ့မှုလေးများ ရှိခဲ့ပုံရပါသည်။ ဗိုလ်မှူးကြီးစူဇူကီးသည် သခင်အောင် ဆန်း၏ ဖြောင့်မတ်တည်ကြည်မှုနှင့် မျိုးချစ်စိတ်တို့ကို လေးစားသော်လည်း ‘သူ၏ နိုင်ငံရေးအတွေးအခေါ်များ မရင့်ကျက်လှသေး’ ဟု ထင်မြင်၏။ ဤဝေဖန်ချက်သည် ထိုစဉ်ကအနေအထားအရ ဓမ္မဓိဠာန်မကျဟု မဆိုနိုင် ပါ။ သခင်အောင်ဆန်း ကိုယ်တိုင်ရေးခဲ့သည်မှာ သူနှင့် သူ့ရဲဘော်ရဲဘက်တို့ ဂျပန်များအား မြန်မာနိုင်ငံကို ၀င် ရောက်သိမ်းပိုက်ရန် ဖိတ်ခေါ်သကဲ့သို့ ဖြစ်ရသည်မှာ “ဖက်ဆစ်စနစ်ကို လိုလား၍မဟုတ်၊ ကျနော်တို့၏ လူပါး မ၀မှုကြောင့်၊ ဓနရှင်ပေါက်စ စိုးရိမ်မှုကြောင့်တို့သာ ဖြစ်လေသည်။”
သူသည် ဂျပန်ပြည်သို့အသွား၌ စိုးရိမ်ကြောင့်ကြစိတ်များ ဖြစ်ပေါ်ခဲ့သည်။ ရောက်သွားသောအခါ သူစိုးရိမ်ခဲ့ သလောက် မဆိုးလှသဖြင့် စိတ်သက်သာရာရသော်လည်း စိတ်မချဖွယ်၊ မနှစ်သက်ဖွယ် ကိစ္စလေးများ ကျန် လျက်ရှိနေပါသည်။ ဂျပန်လူမျိုးတို့၏ မျိုးချစ်စိတ်၊ သန့်ပြန့်စွာနေထိုင်ပုံနှင့် ကိုယ့်အလိုကိုယ်မလိုက်၊ ခြိုးခြိုးခြံခြံ နေနိုင်သော အရည်အချင်းတို့ကို သခင်အောင်ဆန်း လေးစားသော်လည်း ၎င်းတို့၏ စစ်ဝါဒီဆန်သော သဘော ထားအချို့၏ ရိုင်းစိုင်းကြမ်းကြုတ်မှုကို သူ မနှစ်မြို့သည့်အပြင် ဂျပန်များ အမျိုးသမီးတို့အပေါ်ဆက်ဆံပုံမှာ သူ့ အမြင်တွင် အံ့သြထိတ်လန့်ဖွယ်ရာ ဖြစ်နေ၏။
၁၉၄၁ ခုနှစ် ဖေဖော်ဝါရီလတွင် သခင်အောင်ဆန်းသည် တရုတ်သင်္ဘောသားအသွင်ဖြင့် မြန်မာပြည်သို့ ပြန် ရောက်လာလေသည်။ သူမှတဆင့် ဂျပန်တို့ကမ်းလှမ်းလိုက်သည့် သဘောတူညီချက်အရ၊ တော်လှန်ပုန်ကန် ရန် လက်နက်များနှင့် ငွေကြေးထောက်ပံ့မည်ဟု မြန်မာတို့က နားလည်ခဲ့၏။ ထို့ပြင် လက်ရွေးစင်လူငယ်တစု ကို စစ်သင်တန်းပေးမည်။ ထိုလူငယ်များကို မြန်မာနိုင်ငံမှ ခိုးထုတ်သွားရန် လိုပေမည်။ သခင်အောင်ဆန်း မြန် မာပြည်၌ ကြာမြင့်စွာမနေပါ။ ဂျပန်သို့ သခင်လှဖေနှင့် အခြားလူငယ်သုံးဦးတို့နှင့်အတူ ပြန်သွားပါသည်။ ထို အုပ်စုမှာ ‘ရဲဘော်သုံးကျိပ်’ ၏ ရှေ့ပြေးတပ်ဦး ဖြစ်ပါသည်။ နောင် ဗမာ့လွတ်လပ်ရေးတပ်မတော်၏ မဏ္ဍိုင်သ ဖွယ်ဖြစ်လာမည့် ဤရဲဘော်သုံးကျိပ်ဝင် ပုဂ္ဂိုလ်များကိုရွေးချယ်ရာ၌ အလွယ်တကူလိုက်ပါနိုင်မှုနှင့် သခင်ပါတီ အတွင်းရှိ ဂိုဏ်းဂဏအသီးသီးက ကျေနပ်လက်ခံနိုင်မှုတို့အပေါ် မူတည်ခဲ့သဖြင့် အကျဉ်းကျခံနေရသော အ မျိုးသားရေးခေါင်းဆောင်များ မပါဖြစ်သည့်အပြင် နောင် အချင်းချင်းအကြား စိတ်ဝမ်းကွဲစေမည့် မျိုးစေ့ကို ပျိုး လိုက်သကဲ့သို့လည်း ဖြစ်သွားပါသည်။
ရဲဘော်သုံးကျိပ်သည် ဟိုင်နန်ကျွန်း၌ ပင်ပန်းကြီးစွာ စစ်ပညာသင်ယူရပါသည်။ ၎င်းတို့အနက် သခင်အောင် ဆန်း၊ သခင်လှဖေ (ဗိုလ်လင်္ကျာ)၊ သခင်အောင်သန်း(ဗိုလ်စင်္ကြာ)နှင့် သခင်ထွန်းအုပ်တို့ကို စစ်ဌာနဦးစီးကွပ် ကဲရေးနှင့် အုပ်ချုပ်ရေးတို့ကို အထူးလေ့လာရန် ရွေးချယ်လိုက်ပါသည်။ သခင်ပါတီ အုပ်စုတစုကို ကိုယ်စားပြု သော သခင်ထွန်းအုပ်အား နိုင်ငံရေးခေါင်းဆောင်တင်မြှောက်လိုက်၏။ သို့သော်လည်း သခင်အောင်ဆန်း သည် ရဲဘော်သုံးကျိပ်၏ ခေါင်းဆောင်အဖြစ် ထင်ထင်ရှားရှား ပေါ်ထွက်လာသည်။ ဗမာ့လွတ်လပ်ရေးတပ်မ တော် ဖွဲ့သောအခါ၌လည်း တပ်မတော်၏ ပြိုင်ဘက်မရှိခေါင်းဆောင် ဖြစ်လာလေသည်။ သခင်အောင်ဆန်း သည် ကိုယ်ခန္ဓာညှက်ပြီး အားကောင်းသန်မာလှခြင်းမရှိသော်လည်း တိုက်ရေးခိုက်ရေးကျွမ်းကျင်ကာ သတ္တိရှိ ၍ အပင်ပန်းခံနိုင်သော စစ်သားတဦးဖြစ်လာ၏။
သူ့အား လူမှုဆက်ဆံရေးညံ့ဖျင်းသည်ဟု စွပ်စွဲချက်များရှိခဲ့သော်လည်း ရဲဘော်များ ကိုယ်ပင်ပန်း၊ စိတ်ပင်ပန်း ဖြစ်နေချိန်များတွင် စိတ်ဓာတ်ပြန်လည်တက်ကြွလာစေရန် အားပေးခြင်း၊ အငယ်ဆုံးရဲဘော်များကို အထူးဂရု စိုက်ခြင်း၊ စစ်သင်တန်းသားဘ၀၏ ကရိကထများကြောင့်လည်းကောင်း၊ ဂျပန်များကြောင့်လည်းကောင်း၊ နာ ကျည်းစိတ်များ ဆူပွက်လာချိန်တွင် စိတ်လိုက်မာန်ပါမလုပ်ရန် အကြံပေးတိုက်တွန်းခြင်း စသည်တို့ကို သူ စွမ်း ဆောင်နိုင်ခဲ့သည်။ လူငယ်စစ်သင်တန်းသားများသည် ဂျပန်နည်းပြဆရာအချို့ကို လေးစားချစ်ခင်ကြသော် လည်း၊ ဂျပန်စိတ်နေသဘောထားအချို့ကိုမူ များစွာမနှစ်မြို့ရကား ၁၉၄၁ ခုနှစ်ကုန်ပိုင်း မြန်မာပြည်တွင်းသို့ မချီတက်မီကပင် ဗမာနှင့် ဂျပန်တို့အကြား ကတောက်ကဆဖြစ်မှုများ စတင်ပေါ်ပေါက်ခဲ့သည်။
ဟိုင်နန်သင်တန်းကျောင်းဆင်းများ၊ ထိုင်းနိုင်ငံနေ မြန်မာများနှင့် မီနာမီအဖွဲ့ဝင်များပါဝင်သော ဗမာ့လွတ်လပ် ရေးတပ်မတော်ကို ၁၉၄၁ ခုနှစ် ဒီဇင်ဘာလတွင် ဘန်ကောက်မြို့၌ တရားဝင်ဖွဲ့စည်းလိုက်၏။ စူဇူကီးသည် ဗိုလ်ချုပ်ကြီးရာထူးဖြင့် တပ်မတော်အကြီးအကဲဖြစ်လာပြီး အောင်ဆန်းသည် ဗိုလ်ချုပ်ရာထူးနှင့် စစ်ဦးစီးချုပ် ဖြစ်လာပါသည်။ အပျံသင်စ တပ်မတော်အဖွဲ့ဝင်များသည် သစ္စာရေသောက်ပြီး အရာရှိများက သူရဲကောင်း ဆန်သော ပါဠိအမည်များကို ခံယူကြပါသည်။ စူဇူကီးသည် ဗိုလ်မိုးကြိုးဖြစ်လာပြီး၊ အောင်ဆန်းသည် ဗိုလ်တေ ဇ ဖြစ်လာသည်။ မိမိတို့အမည်သစ်များနှင့် ထင်ရှားလာမည့် ရဲဘော်သုံးကျိပ်ဝင်များအနက် ဗိုလ်လင်္ကျာ၊ ဗိုလ် စင်္ကြာ၊ ဗိုလ်ဇေယျ၊ ဗိုလ်နေ၀င်း၊ ဗိုလ်ရန်နိုင်၊ ဗိုလ်ကျော်ဇော စသည်တို့ ပါဝင်ပါသည်။ ‘ဗိုလ်ချုပ်တေဇ’ ကမူ ကျောင်းသားခေါင်းဆောင်နှင့် သခင်ခေါင်းဆောင်အဖြစ် တိုင်းပြည်ကသိခဲ့သော အောင်ဆန်းအမည်ကိုသာ ပြန်လည်သုံးစွဲကာ ‘ဗိုလ်ချုပ်အောင်ဆန်း’ ဟူ၍ ပြည်သူတို့ အမြတ်တနိုးထားသော အာဇာနည်သူရဲကောင်းအ ဖြစ် ထင်ပေါ်လာပါသည်။
ဗမာ့လွတ်လပ်ရေးတပ်မတော် ဂျပန်များနှင့် ရင်ဘောင်တန်း၍ မြန်မာပြည်တွင်းသို့ ချီတက်လာခြင်းသည် မြန် မာများအတွက် ဂုဏ်ယူဖွယ် ပျော်ရွှင်ဖွယ်ဖြစ်ပါသည်။ ကျဆင်းနေသော မိမိတို့၏အမျိုးသားဂုဏ်သိက္ခာကို ပြန် လည်မြှင့်တင်ပေးလိုက်သကဲ့သို့ ဖြစ်သွားပါသည်။ သို့သော် ဗိုလ်ချုပ်အောင်ဆန်းနှင့်သူ၏ ရဲဘော်ရဲဘက်အချို့ က ရှေ့တွင်ပြဿနာများရှိမည်ကို သိနှင့်ကြပြီ။ ဘန်ကောက်မှာ ရှိနေစဉ်ကပင် မြန်မာပြည်တွင်းသို့ ဂျပန်များ ၀င်လာသောအခါ နိုင်ငံအတွင်းရှိ အမျိုးသားရေးခေါင်းဆောင်များ၏ စီမံလုပ်ဆောင်ချက်ဖြင့် လွတ်လပ်ရေး ကြေညာပြီး နိုင်ငံ၌ ရင်ဆိုင်ရမည့် အခြေအနေကို စီစဉ်ရန် ကြိုးစားခဲ့ကြောင်း ဗိုလ်ချုပ်အောင်ဆန်း မှတ်တမ်း တင်ခဲ့၏။ ထိုကဲ့သို့ မဆောင်ရွက်နိုင်ပါက ပြည်သူလူထုကို စည်းရုံးလှုံ့ဆော်ကာ မြေအောက်တော်လှန်ရေး စ တင်ထားခြင်းဖြင့် ကျူးကျော်ဝင်ရောက်လာသူများ ခြေကုပ်မရနိုင်အောင် အခြေအနေဖန်တီးရန် ဖြစ်၏။ သို့ သော် မြန်မာနိုင်ငံမှာ ကမောက်ကမဖြစ်နေပြီး နိုင်ငံရေးသမားအများစုလည်း ထောင်သွင်းအကျဉ်းချခံဘ၀ ရောက်နေကြရာ အစီအစဉ်နှစ်ခုလုံး လက်တွေ့ကျကျ အကောင်အထည်ဖော်ရန် မဖြစ်နိုင်ပါ။ ဂျပန်များလည်း မြန်မာပြည်ကို ၀င်ရောက်သိမ်းပိုက်လိုက်ပါသည်။
ဂျပန်ခေတ်ကား အထင်အမြင်ကြီးခဲ့သမျှ ပြိုကွဲရပြီး မသေချမရေရာမှုများနှင့် ဒုက္ခပေါင်းစုံဖြစ်နေသော ကာလ ဖြစ်ပါသည်။ ဗြိတိသျှတို့ထံမှ လွတ်လပ်ရေးရမည်ဟု မျှော်မှန်းခဲ့သူများသည် အာရှတိုက်သားချင်း၏ ဖနောင့် အောက်သာ ရောက်ရကြောင်း သိလာသောအခါ အကြေကွဲကြီး ကြေကွဲခဲ့ရ၏။ အများက လွတ်လပ်ရေးပေး မည့် ကယ်တင်ရှင်များအဖြစ် ကြိုဆိုခဲ့သော နိပွန်စစ်သားများသည် လူကြိုက်မများသော ဗြိတိသျှတို့ထက်ပင် ဆိုးဝါးသည်ကို တွေ့ရတော့၏။ တနေ့တခြား စက်ဆုပ်ဖွယ်ရာဖြစ်ရပ်များ တိုးပွားလာလေသည်။ ‘ကင်ပေအိ’ (စစ်ပုလိပ်) ဟူသော အမည်သည် ကြောက်မက်ဖွယ်ရာ ဝေါဟာရဖြစ်လာသည်။ လူများ အစအနမကျန် ပျောက်သွားခြင်း၊ အနှိပ်စက်အညှင်းဆဲခံရခြင်း၊ ချွေးတပ်ဆွဲခံရခြင်း စသည်တို့မှာ နိစ္စဓူဝကိစ္စမျှသာဖြစ်သော လောကကြီးတွင် နေတတ်အောင်နေကြရလေသည်။
ထို့အပြင် မဟာမိတ်လေတပ်၊ ဂျပန်လေတပ်တို့၏ ဗုံးကြဲဒဏ်၊ စစ်တွင်းရိက္ခာရှားပါးမှုဒဏ်၊ ထောက်လှမ်းရေး သတင်းပေးများဒဏ်၊ စိတ်ဓာတ်နှင့် ယဉ်ကျေးမှုအရ ဖီလာဆန့်ကျင်နေသူများအကြား ဖြစ်ပွားသော ပဋိပက္ခ များ၊ ဘာသာစကားမတူသူတို့အကြား ဖြစ်တတ်သောအထင်အမြင်လွဲမှုများ စသည်ဖြင့် ဒုက္ခအပေါင်းကိုလည်း ထပ်လောင်းခံရပါသေးသည်။ မြန်မာပြည်ရောက် ဂျပန်များအနက် တရားမျှတရေး၊ လူသားချင်းစာနာရေး စိတ်ဓာတ်များအရ ကျင့်ကြံနေထိုင်သူများ ရှိကြသော်လည်း ၎င်းတို့၏ ကောင်းမွန်သော ဆောင်ရွက်ချက်များ သည် စစ်ဝါဒီများ၏ လူမျိုးခွဲခြားရေးစနစ်ကြောင့် အချည်းအနှီးဖြစ်ရပါသည်။
မိမိတို့ကတိသစ္စာ တည်ကြည်နိုင်ရန် မြန်မာနိုင်ငံကို လွတ်လပ်ရေးပေးသင့်သည်ဟု ယုံကြည်သော မီနာမီကီ ကန် အဖွဲ့ဝင်များသည် ဖြစ်ပေါ်လာသောအခြေအနေများကြောင့် စိတ်မချမ်းမြေ့ဟန်တူပါသည်။ ၁၉၄၂ ခုနှစ်၊ ရန်ကုန်မြို့ကို ဂျပန်တပ်များသိမ်းပြီးသည်နှင့် ဗိုလ်မိုးကြိုးသည် ဗဟိုအစိုးရတည်ထောင်ကာ သခင်ထွန်းအုပ်ကို ဦးစီးဦးဆောင်ခန့်လိုက်ပါသည်။ ထိုအစိုးရ ကြာကြာမခံပါ။ ဂျပန်တပ်များ တိုင်းပြည်ကို ဆက်လက်သိမ်းပိုက် သည်နှင့်အမျှ ဂျပန်စစ်အုပ်ချုပ်ရေး ကျယ်ကျယ်ပြန့်ပြန့် လွှမ်းမိုးလာကာ မြန်မာနိုင်ငံကို စစ်ရှုံးနယ်မြေတခုကဲ့ သို့ ကိုင်တွယ်လာလေသည်။
ဗမာ့လွတ်လပ်ရေးတပ်မတော်၏ အနေအထားသည်လည်း မရေမရာနှင့် အားကျဖွယ်ရာ လုံးဝမရှိပေ။ တပ်မ တော်သည် ချီတက်လာရာ လမ်းတလျှောက် စိတ်အားထက်သန်စွာ ၀င်လာသူများနှင့် ဖောင်းပွနေ၏။ ထိုစစ် သားသစ်များကို ထိရောက်သည့် တိုက်ရည်ခိုက်ရည်ရှိသော တပ်များဖြစ်လာစေရန် စနစ်တကျ၊ စည်းကမ်းရှိရှိ လေ့ကျင့်ပေးရပေဦးမည်။ ဗိုလ်ချုပ်အောင်ဆန်းကား မိမိတပ်များကို အမိန့်ပေးအုပ်ချုပ်ပိုင်ခွင့်မရှိ။ သူသည် ဗိုလ်မိုးကြိုး၏ လက်ထောက်အရာရှိများအနက် အဆင့်မြင့်ဆုံးမျှသာဖြစ်၏။ ဗိုလ်မိုးကြိုးကိုယ်တိုင်လည်း မြန်မာ ပြည်၏ အနာဂတ်အရေးများတွင် သူနှင့် ဗမာ့လွတ်လပ်ရေးတပ်မတော်တို့ မည်သည့်အခန်းကဏ္ဍက ပါဝင်ရ မည်ဟူသော ကိစ္စနှင့်ပတ်သက်၍ စစ်အုပ်ချုပ်ရေးဆိုင်ရာများနှင့် ပြဿနာတက်နေပုံရ၏။
ဗိုလ်ချုပ်အောင်ဆန်းနှင့် သူ၏ရဲဘော်ရဲဘက်များကမူ ဗမာ့လွတ်လပ်ရေးတပ်မတော်သည် မြန်မာအရာရှိများ လက်အောက်တွင်သာ ရှိသင့်သည်ဟု ယူဆကြသည်။ ထိုကိစ္စနှင့်ပတ်သက်၍ ဗိုလ်လင်္ကျာက သူ၊ ဗိုလ်ချုပ် အောင်ဆန်းနှင့် အခြားရဲဘော်သုံးကျိပ်ဝင်အချို့ ဗိုလ်မိုးကြိုးနှင့်ရင်ဆိုင်ခဲ့စဉ်က ဇာတ်ဆန်ဆန် အဖြစ်အပျက် အကြောင်းကိုရေးသားခဲ့ဖူး၏။ ရင်ဆိုင်မှု၏ရလဒ်ကား ဗိုလ်ချုပ်အောင်ဆန်းကို ဗမာ့လွတ်လပ်ရေးတပ်မတော် ၏ သေနာပတိချုပ်အဖြစ်၎င်း၊ ဗိုလ်လင်္ကျာကို စစ်ဦးစီးအဖြစ်၎င်း ခန့်အပ်လိုက်ခြင်းဖြစ်ပါသည်။
ဗိုလ်ချုပ်အောင်ဆန်းသည် သူ၏အနေအထားနှင့် ပတ်သက်၍လည်းကောင်း၊ မြန်မာနိုင်ငံအခြေအနေနှင့် ပတ် သက်၍လည်းကောင်း စိတ်ကူးယဉ်ပြီး ထင်ယောင်ထင်မှားမဖြစ်ခဲ့ပါ။ လွတ်လပ်ရေးရုန်းကန်မှုကား ဆုံးခန်း တိုင်ရန် များစွာလိုသေးသည်ကို သူသိနားလည်သည့်အလျောက် တပ်မတော်တောင့်တင်းခိုင်မာရန်နှင့် စည်း ကမ်းရှိရန်ကို အာရုံစိုက်ခဲ့၏။ ဗမာ့တပ်မတော်ကို ပါတီနိုင်ငံရေးမှ ကင်းကင်းရှင်းရှင်းနေရန်နှင့် အရပ်သားအုပ် ချုပ်ရေးဖက်တွင် ၀င်ရောက်စွက်ဖက်ခြင်းမပြုရန်ကိုလည်း သူကြိုးပမ်းခဲ့၏။ သို့သော်လည်း နိုင်ငံရေးသမားများ ကို ဗဟိုမဏ္ဍိုင်ပြုကာ ဖွဲ့စည်းခဲ့သော တပ်မတော်အနေနှင့် နိုင်ငံရေးနှင့် ကင်းကင်းရှင်းရှင်း နေနိုင်ဖို့ရန်မှာ အ ချိန်များစွာမှ နှောင်းသွားပြီဖြစ်ကြောင်း သူ ဧကန်သိရှိခဲ့မည်ဖြစ်သည်။
၁၉၄၂ ခုနှစ် ဇူလိုင်လတွင် ဗိုလ်မိုးကြိုး မြန်မာပြည်မှ ထွက်ခွာသွားပါသည်။ ဗမာ့လွတ်လပ်ရေးတပ်မတော်ကို ဗမာ့ကာကွယ်ရေးတပ်မတော်အဖြစ် ပြန်လည်ဖွဲ့စည်းလိုက်ပြီး အောင်ဆန်းသည် ဗိုလ်မှူးကြီးရာထူးနှင့် စစ် သေနာပတိဖြစ်လာပါသည်။ သို့သော်လည်း အသစ်ဖွဲ့စည်းလိုက်သော တပ်မတော်၏ အဆင့်ဆင့်၌ ဂျပန်‘အ ကြံပေးအရာရှိ’များ တွဲခန့်အပ်ထားပြီး မြန်မာအရာရှိများ၏ လက်တွေ့အာဏာများကို တင်းကျပ်စွာ ကန့်သတ် ချုပ်ချယ်ထားပါသည်။ သြဂုတ်လတွင် ဂျပန်တပ်များ၏ သေနာပတိချုပ် ဗိုလ်ချုပ်ကြီးအီဒါသည် မြန်မာ့အုပ်ချုပ် ရေးကို တရားဝင်အတည်ပြုလိုက်ကာ ဒေါက်တာဘမော်အား နိုင်ငံတော်အကြီးအကဲအဖြစ် ခန့်အပ်လိုက်ပါ သည်။ အပေါ်ယံအားဖြင့် မြန်မာအစိုးရအာဏာသည် မြန်မာပြည်သူပြည်သားတို့လက်သို့ ကူးပြောင်းသွား သည်ဟု မြင်နိုင်သော်လည်း စင်စစ်မှာတော့ ဂျပန်အုပ်ချုပ်ရေး ခြေကုပ်ရသွားခြင်းပင်ဖြစ်ပါသည်။
ဖက်ဆစ်တော်လှန်ရေး
ဗိုလ်ချုပ်အောင်ဆန်းနှင့် သူ၏ ရဲဘော်ရဲဘက်များသည် ဗမာ့လွတ်လပ်ရေးတပ်မတော်နှင့် ချီတက်လာရာတွင် ပင်ပန်းဆင်းရဲဒဏ် အတော်ကြီးပင် ခံခဲ့ရ၏။ အများအပြားသည် ငှက်ဖျားရောဂါစွဲကပ်၍လည်းကောင်း၊ ခြေ ကုန်လက်ပန်းဖြစ်၍လည်းကောင်း ဆေးရုံတက်ရကြ၏။ ဗိုလ်ချုပ်နှင့် အပေါင်းဖော်အချို့လည်း ရန်ကုန်ဆေးရုံ ကြီးသို့ ရောက်လာလေသည်။ ထိုဆေးရုံကို မိမိတို့အလုပ်တာဝန်အပေါ် အထူးသစ္စာထားသော ဆရာဝန်၊ ဆ ရာမတစုက အခက်အခဲများစွာကြားမှ စီမံဖွင့်လှစ်ထားခြင်းဖြစ်ပါသည်။ ဗိုလ်ချုပ်အောင်ဆန်းသည် မျက်နှာ ထားတည်လွန်း တင်းလွန်းပြီး အရောတ၀င် မနေတတ်သူဟူ၍ အများက သိနေကြပါသည်။ ထို့အပြင် သူရဲ ကောင်းတဦးအဖြစ် တနေ့တခြား နာမည်ထွက်လာနေရာ သူနာပြုဆရာမငယ်များသည် သူ့အနားကပ်ရမည် ကိုပင် ကြောက်ရွံ့နေကြပါသည်။
သို့သော် ဆရာမကြီးဖြစ်သူ မခင်ကြည်ကိုယ်တိုင် ဗိုလ်ချုပ်အား ပြုစုရပါသည်။ မခင်ကြည်သည် စွဲမက်ဖွယ်ရာ ရုပ်ရည်နှင့် ချစ်စဖွယ်အမူအယာရှိပြီး မိမိ၏ သူနာပြုလုပ်ငန်းကို စေတနာပြည့်ဝစွာဖြင့် အထူးတာဝန်သိသိ ဆောင်ရွက်ခြင်းကြောင့် လူနာများနှင့် လုပ်ဖော်ကိုင်ဖက်များက လေးစားချစ်ခင်ကြပါသည်။ ဆရာမ မခင် ကြည်သည် ဗိုလ်ချုပ်ကို ပြုစုရာ၌ တင်းသင့်သည့်နေရာတွင် တင်းသော်လည်း ယုယကြည်သာစွာ စိတ်ရှည်စွာ ဆက်ဆံပါသည်။ အလွန်ကြောက်မက်ဖွယ်ကောင်းပါသည်ဟူသော စစ်သေနာပတိကြီးလည်း အစွဲကြီးစွဲသွား ပါတော့သည်။ ဗိုလ်ချုပ်အောင်ဆန်းသည် ရှက်တတ်၍လည်းကောင်း၊ သူ၏ ဘ၀ရည်မှန်းချက်အပေါ် တာဝန် သိစိတ်ပြင်းထန်၍လည်းကောင်း အမျိုးသမီးများနှင့် ခပ်ခွာခွာနေခဲ့၏။
အကျင့်သီလနှင့်ပတ်သက်၍ တင်းတင်းကြပ်ကြပ် တွေးခေါ်သူတဦးဖြစ်ရကား တိုကျိုမြို့၌ စူဇူကီးက အမျိုးသ မီး အလိုရှိပါက စီစဉ်ပေးမည်ဟု ကမ်းလှမ်းသော်လည်း ဗိုလ်ချုပ် အံ့သြတုန်လှုပ်သွားပါသည်။ စူဇူကီးအနေနှင့် ဂျပန်ယဉ်ကျေးမှုအရ ဧည့်ဝတ်ကျေစေရန် ပြောခဲ့ပုံရပါသည်။ သို့သော် ဗိုလ်ချုပ်ကတော့ သူ့အား ‘အကျင့်စာ ရိတ္တ ပျက်ပြားယုတ်ညံ့သွားအောင် ကြိုးစားနေလေရော့လား’ ဟု သံသယစိတ်ဝင်ခဲ့၏။ ဗိုလ်ချုပ်အောင်ဆန်း သည် သူ့စိတ်ကိုသူ ကောင်းစွာသိသည့်အပြင် ပွင့်လင်းပြတ်သားစွာ လုပ်တတ်သူလည်း ဖြစ်ပါသည်။ သို့ဖြင့် ရှည်ရှည်ဝေးဝေး လူပျိုလှည့်ခြင်းမျိုး မလုပ်နေဘဲ ၁၉၄၂ ခုနှစ် စက်တင်ဘာလ ၆ ရက်နေ့တွင် ဆရာမ မခင် ကြည်နှင့် လက်ထပ်ထိမ်းမြားလိုက်ပါသည်။
“ဒေါ်ခင်ကြည်သည် အောင်ဆန်းကို လက်ထပ်ရာ၌ လူပုဂ္ဂိုလ်တဦးကိုသာ လက်ထပ်လိုက်သည်မဟုတ်၊ ကံအ ကြောင်းတရားတရပ်ကိုပါ လက်ထပ်လိုက်ခြင်းဖြစ်သည်” ဟု အပြောရှိခဲ့ပါသည်။ ဗိုလ်ချုပ်အောင်ဆန်းက လည်း သူ၏ ဘ၀ကြင်ဖော်အနေနှင့် ရှိအပ်သောသတ္တိနှင့် နွေးထွေးသော မေတ္တာတို့ကို ပိုင်ဆိုင်နိုင်ရုံသာမက သူကွယ်လွန်သွားပြီးနောက် သူ၏ စံတင်ထားမှုများကို ဂုဏ်သရေရှိရှိ၊ ကြံ့ကြံ့ခိုင်ခိုင် ထိန်းသိမ်းသွားမည့် အ မျိုးသမီးတဦးကို လက်ထပ်လိုက်ခြင်းဖြစ်ပါသည်။ ဗိုလ်ချုပ်တို့၏ အိမ်ထောင်ရေးကား သာယာအောင်မြင်ပါ သည်။
သူတို့လေးစားမြတ်နိုးလှသော လူငယ်ဗိုလ်ချုပ် အိမ်ထောင်ပြုသွားသဖြင့် ကနဦးတွင် စိတ်မချမ်းသာဖြစ်ခဲ့ သော ရဲဘော်များလည်း လျင်မြန်စွာပင် သဘောတူကျေနပ်လာလေသည်။ အိမ်ထောင်သည်ဖြစ်လာပြီး နောက် ဗိုလ်ချုပ်အောင်ဆန်း၏ နူးညံ့ပျော့ပြောင်းသော အသွင်လက္ခဏာများ ပိုမိုတောက်ပြောင်လာသည်။ သူ သည်ခင်ပွန်းသည်တဦးအနေနှင့်လည်းကောင်း၊ ဖခင်တဦးအနေနှင့်လည်းကောင်း ကြင်နာယုယတတ်၏။ သူ ၏ ခက်ခဲ အန္တရာယ်များသောဘ၀ကို အတူရင်ဆိုင်ရန် စွမ်းရည်၊ နားလည်မှုတို့နှင့်ပြည့်စုံသော ဘ၀ကြင်ဖော် သူ၏အနား၌ ရှိနေခြင်းသည် အရေးကြီးသောလုပ်ငန်းများဆောင်ရွက်ရာ၌ သူ့ကို အားပြည့်စေသည်ဟု ယုံမှား သံသယရှိဖွယ် မဟုတ်ချေ။
(ဆက်လက်ဖတ်ရှုပါရန် ...)
(ဒေါ်အောင်ဆန်းစုကြည် ရေးသားသည့် “ကြောက်ရွံ့ခြင်းမှ လွတ်ကင်းရေး” စာအုပ်မှ ထုတ်နှုတ်ဖော်ပြပါသည်)
ပြန်ခေါက်ခဲ့ပါ...
အောင်ဆန်း (အပိုင်း - ၁)
အောင်ဆန်းစုကြည်
မြန်မာပြန် - ဒေါက်တာအောင်ခင်
ကျမ မှတ်မိနိုင်သော အရွယ်မရောက်မီကပင် ကျမ၏ ဖခင် ကွယ်လွန်သွားပါသည်။ ထို့ကြောင့် “ဖေဖေဟာ ဘယ်လိုလူစားမျိုးပါလိမ့်”ဟူသော သိချင်စိတ်ဖြင့် ဖခင်၏ဘ၀လုပ်ဆောင်ချက်များနှင့် ပတ်သက်သော စာပေ အထောက်အထားများကို ကျမ စတင်စုဆောင်း လေ့လာဖတ်ရှုခြင်းပင် ဖြစ်ပါသည်။ အောက်တွင် ဖော်ပြပါ အတ္ထုပ္ပတ္တိစာတမ်းကို ရေးသားရာ၌ ပုံနှိပ်ထုတ်ဝေခြင်း အထောက်အထားများကို အဓိကအခြေခံထားပါသည်။ အကြောင်းအရာနှစ်ရပ်နှင့် ပတ်သက်၍သာလျှင် ကျမတို့မိသားစုနှင့် ဖေဖေ့အား ကောင်းစွာသိကျွမ်းခဲ့သူများ ထံမှ သိရှိရသောအချက်အလက်များအပေါ်တွင် အတော်အသင့် အခြေခံထားပါသည်။
သွေးသားနီးကပ်စွာ တော်စပ်သူတဦး၏ အတ္ထုပ္ပတ္တိကိုရေးရသည်မှာ မလွယ်ကူပါ။ ဓမ္မဓိဌာန်ကျကျရေးနိုင်မည် မဟုတ်ဟု အစွပ်စွဲခံရနိုင်ပါသည်။ တကယ်တမ်းတွင်လည်း အတ္ထုပ္ပတ္တိရေးသူတို့သည် မိမိတို့ ရှာဖွေစုဆောင်းရ ရှိသော အထောက်အထားများဖြင့် မိမိတို့၏ ကိုယ်ပိုင်ဆုံးဖြတ်ဥာဏ်ကို ပုံစံသွင်းပေးခဲ့သော အဖြစ်အပျက်၊ အတွေ့အကြုံများ၏ သြဇာသက်ရောက်မှုမှ ကင်းလွတ်နိုင်မည်မဟုတ်ပါ။ ကျမအနေဖြင့် ကျမဖခင်၏ ရုပ်ပုံလွှာ ကို ကျမမြင်သည့်အတိုင်း မှန်ကန်စွာ ပေါ်လွင်စေရန် ကြိုးပမ်းရေးသားထားပါသည်ဟုသာ ပြောနိုင်ပါသည်။
* * * * * *
အောင်ဆန်းကို မြန်မာနိုင်ငံ အညာဒေသရှိ နတ်မောက်မြို့ကလေး၌ ၁၉၁၅ ခုနှစ် ဖေဖော်ဝါရီလ ၁၃ ရက်နေ့ တွင် ဖွားမြင်ပါသည်။ မန္တလေးမြို့တော်ရှိ မြန်မာဘုရင်အုပ်ချုပ်ရေးစနစ်ကို ပျက်သုန်းစေပြီး မြန်မာတနိုင်ငံလုံး ဗြိတိသျှအုပ်ချုပ်ရေးလက်အောက်သို့ ကျဆင်းစေခဲ့သော တတိယအင်္ဂလိပ်-မြန်မာစစ်ပွဲအပြီး နှစ်ပေါင်း (၃၀) အကြာတွင် ဖြစ်ပါသည်။ နတ်မောက်နယ်သူနယ်သားများသည် မြန်မာဘုရင်များ၏ အမှုကိုထမ်းဆောင်သည့် အစဉ်အလာရှိသူများဖြစ်၏။
အောင်ဆန်း၏ မိခင်မျိုးရိုးထဲတွင် ရာထူးကြီး မင်းမှုထမ်းအချို့ ပါဝင်ခဲ့ပါသည်။ ဖခင်ဖြစ်သူ ဦးဖာသည် လယ် သမားမျိုးရိုးမှဖြစ်ပြီး လောကီရေးရာတွင် လိမ္မာရေးခြားမရှိ၊ စကားမပြော တုံဏှိဘာဝေ နေတတ်သူတဦး ဖြစ် ပါသည်။ ဉာဏ်ရည်ကောင်း၍ စာပေဖက်တွင် ထူးချွန်သော်လည်း စကားနည်းလွန်းသဖြင့် ဦးဖာသည် မိမိ၏ အသက်မွေးဝမ်းကြောင်းအလုပ်ဖြစ်သော ရှေ့နေအလုပ်၌ အောင်မြင်ခြင်းမရှိခဲ့ပါ။ ထို့ကြောင့် ထက်မြက်သွက် လက်လှသော မိခင်ဒေါ်စုသာလျှင် မိသားစုစားဝတ်နေရေးကို အဓိကတာဝန်ယူရပါသည်။
ဒေါ်စု၏ ဦးလေးတော်သူသည် ဗြိတိသျှတို့ကို ရှေးဦးစွာ တော်လှန်ဆန့်ကျင်ခဲ့သော မြန်မာအုပ်စုတစုကို ခေါင်း ဆောင်ခဲ့ပါသည်။ နောက်ဆုံး၌ “ဗိုလ်လရောင်” ခေါ် “ဦးမင်းရောင်” အား ဗြိတိသျှတို့က ဖမ်းဆီးသတ်ဖြတ် လိုက်ပါသည်။ “ကုလားတို့ ကျွန်မခံ” ဟူသော စိတ်ထားရှိခဲ့သည့် ထိုရဲရဲတောက် မျိုးချစ်ပုဂ္ဂိုလ်ကြီးကား အောင် ဆန်းမိသားစုနှင့် နယ်သူနယ်သားများ ဂုဏ်ယူစံထား အားကျဖွယ်ရာ ဖြစ်လာပါသည်။
ညီအကိုမောင်နှမ (၆) ဦး (ကလေးဘ၀ကပင် ကွယ်လွန်ကြသူများအပါအ၀င်ဆိုလျှင် မွေးချင်း - ၉ ဦး) အနက် အထွေးဆုံးဖြစ်သူ အောင်ဆန်းသည် သူကိုယ်တိုင်ရေးခဲ့သော မှတ်တမ်းအရ ညစ်ပတ်ချူချာ အစားကြူး၍ လုံး ၀နှစ်လိုဖွယ်မဟုတ်သော ကလေးတဦးဖြစ်ပါသည်။ စကားပြောလည်း နောက်ကျလှသဖြင့် မိသားစုက ‘စွန့်အ’ နေသလားဟူ၍ပင် ပူပင်ခဲ့ရ၏။ သို့သော် အောင်ဆန်းကလေးသည် ပရိယာယ်မရှိခြင်း၊ အလွန်ရိုးသားဖြောင့် မတ်ခြင်း၊ ဆင်းရဲသူများအား သနားကြင်နာတတ်ခြင်း စသော ချစ်စဖွယ်စိတ်ဓာတ်များဖြင့် ပြည့်စုံသည်ဟု သူ့ အား ငယ်စဉ်က ကောင်းစွာသိခဲ့သူများနှင့် သူ့မိသားစုဝင်များက ကောက်ချက်ချကြပါသည်။
အောင်ဆန်းမိသားစုမှာ ဥာဏ်ရည်ကောင်းပြီး ပညာဖက်တွင် ထွန်းပေါက်သူများအဖြစ် နာမည်ကောင်းရထား ပါသည်။ အောင်ဆန်း၏ အကို (၃) ဦးမှာ အသက်ငယ်ငယ်လေးတွင် ကျောင်းစတက်ကြ၏။ သို့သော် အောင် ဆန်းမှာမူ အမေပါတက်မှ ကျောင်းတက်မည်ဆိုကာ ကတ်ဖဲ့နေ၏။ စိတ်ဓာတ်ကြံ့ခိုင်လှပါသည်ဟု ဆိုရမည် ဖြစ်သော ဒေါ်စုသည် သားထွေးလေးကို အလွန်ညှာတာလေ့ရှိပြီး သူ့စိတ်ပါမှသာ ကျောင်းတက်ပါစေတော့ဟု အလိုလိုက်ထားခဲ့၏။
သို့ဖြင့် (၈) နှစ်သားအရွယ်ရောက်သောအခါမှ အောင်ဆန်း ကျောင်းတက်ရန် ဆုံးဖြတ်ပါတော့သည်။ အကိုဖြစ် သူ အောင်သန်း ရှင်သာမဏေဘောင်သို့ ၀င်သောအခါ၌ ဘုန်းကြီးကျောင်းနေ သံဃာတို့ဘ၀ကို သဘောကျ၍ ပေလား၊ ရှင်လောင်းများစီးသည့် ကကြိုးတန်ဆာ ဆင်ရင်ထားသော မြင်းဖြူလေးကို သဘောကျ၍လားမသိ၊ အောင်ဆန်းက သူလည်း ရှင်ပြုချင်ပါသည်ဟု ဆိုလာပါတော့သည်။ လိမ္မာပါးနပ်သော အမေက အခွင့်ကောင်း ကို ချက်ချင်းယူ၍ ရှင်မပြုမီ စာရေးစာဖတ်တတ်ရန် လိုမည်ဟု ထောက်ပြလိုက်ပါသည်။
ကျောင်းစတက်သည်ဆိုသည်နှင့် အောင်ဆန်းသည် ထူးချွန်သော ကျောင်းသားတဦးဖြစ်ကြောင်း ပေါ်လွင်လာ ပါသည်။ စာကြိုးစား၍ စည်းကမ်းရိုသေပြီး အတန်းထဲတွင် အစဉ်ထိပ်တန်းက ရှိနေခဲ့ပါသည်။ အောင်ဆန်း၏ ပထမကျောင်းမှာ နတ်မောက် ဦးသောဘိတ ဘုန်းတော်ကြီးကျောင်းပင်ဖြစ်ပါသည်။ လောကုတ္တရာပညာသာ မက ခေတ်သစ်ပညာရပ်အချို့ကိုပါ သင်ကြားပေးသော ထိုစဉ်အခေါ် လောကဓာတ်ကျောင်းမျိုးဖြစ်ပါသည်။ သို့သော် နတ်မောက်ကျောင်းတွင် အင်္ဂလိပ်စာ သင်ကြားပေးခြင်းမရှိပေ။
ထိုအချိန်က အထက်တန်းပညာသင်ကြားရာ၌ လိုအပ်ချက်တခုဖြစ်သော အင်္ဂလိပ်စာကို အကိုကြီးများက သင် ထားပြီးဖြစ်သည့်အတိုင်း အောင်ဆန်းကလည်း တတ်အောင်သင်မည်ဟု စိတ်ပိုင်းဖြတ်ထားလိုက်၏။ သို့ဖြင့် အောင်ဆန်းလည်း ရေနံချောင်း အမျိုးသားကျောင်းသို့ အသက် (၁၃) နှစ်အရွယ်၌ ပြောင်းသွားပါသည်။ သား ထွေးလေးကို အိမ်မှ ခွဲခွာမသွားစေလိုသော ဒေါ်စုထံမှ ရေနံချောင်းကျောင်းတက်ခွင့်ရရန် အောင်ဆန်း အစာ ငတ်ခံဆန္ဒပြပွဲလေးတခုကို ဆင်နွှဲခဲ့ရပါသေးသည်။
ရေနံချောင်းရောက်သောအခါ ကျောင်းတွင် ဆရာတဦးအဖြစ် အလုပ်လုပ်နေသော အကိုကြီး ဦးဘ၀င်း၏ ထိန်းကျောင်းစောင့်ရှောက်မှုအောက်တွင် နေခဲ့ရသည်မှာ အောင်ဆန်းအတွက် လွန်စွာမှ ကံကောင်းပါသည်။ ဦးဘ၀င်းသည် ညီငယ်လေး၏ ပညာရေး၊ စားဝတ်နေရေး၊ အထွေထွေကောင်းမွန်တိုးတက်ရေးတို့ကို စည်း ကမ်းရှိရှိ၊ ဆင်ဆင်ခြင်ခြင် အထူးဂရုစိုက်ခဲ့၏။ ညီဖြစ်သူကလည်း ပညာရေးဖက်တွင် အားကောင်းကြောင်း ဆက်လက်ပြသကာ အသက် (၁၅) နှစ်အရွယ်၌ သတ္တမတန်းစာမေးပွဲတွင် ဗုဒ္ဓဘာသာစာသင်ကျောင်းများနှင့် အမျိုးသားကျောင်းများ၌ ပထမစွဲသူများအား ချီးမြှင့်သော ဦးရွှေဘို ရွှေတံဆိပ်နှင့် ပညာသင်ထောက်ပံ့ကြေး ဆုကို ရရှိခဲ့၏။
အမျိုးသားကျောင်းများမှာ ၁၉၂၀ ခုနှစ် ရန်ကုန်တက္ကသိုလ် အက်ဥပဒေဆန့်ကျင်သပိတ်မှ ထွက်ပေါ်လာခြင်း ဖြစ်ပါသည်။ ထိုအက်ဥပဒေသည် အခွင့်ထူးခံ လူနည်းစုလေးကိုသာ အထက်တန်းပညာ သင်ကြားခွင့်ပေးရန် ရည်ရွယ်သည်ဟု ဆန့်ကျင်သူများကယူဆခဲ့ပါသည်။ အမျိုးသားကျောင်းများသည် မြန်မာလူငယ်တို့အား သူတို့ ၏ ကိုလိုနီလက်အောက်ခံ ဘ၀အခြေအနေကို နိုင်ငံရေးအသိတရားအရ ခံစားနားလည်စေပြီး၊ ထိုဘ၀မှ လွတ် မြောက်လိုစိတ်များ အသည်းနှလုံးအတွင်းမှ ဖြစ်ပေါ်လာရန် ကျိုချက်ပေးလိုက်သော နေရာများသဖွယ်ဖြစ်ပါ သည်။
မိမိ၏နိုင်ငံကို လူမျိုးခြားတို့အုပ်ချုပ်မှုအောက်မှ လွတ်မြောက်အောင် ဆောင်ရွက်လိုသောဆန္ဒသည် ရေနံ ချောင်းအမျိုးသားကျောင်း မတက်မီကာလကပင် အောင်ဆန်း၏ စိတ်တွင် ကိန်းအောင်းနေခဲ့ပုံရပါသည်။ က လေးဘ၀က ဗြိတိသျှတို့အား ပုန်ကန်မောင်းထုတ်ရန် နည်းအမျိုးမျိုးကို ကြံစည်စဉ်းစားခဲ့ပုံ၊ တခါတရံ ပြဒါးရှင် လုံးကဲ့သို့သော တန်ခိုးသိဒ္ဓိရှင်ပစ္စည်းများ အကူအညီဖြင့် မြန်မာပြည်လွတ်မြောက်ရေးကိုရယူရန် စိတ်ကူးယဉ် ခဲ့ပုံအကြောင်းကို သူ၏ ကိုယ်ရေးအတ္ထုပ္ပတ္တိဆောင်းပါးတွင် ရေးသားထားပါသည်။
အမျိုးသားကျောင်း၌ နေစဉ်အတွင်း နိုင်ငံရေးလောက၌ နာမည်ကြီးသော ပုဂ္ဂိုလ်များ၏ မိန့်ခွန်းများကို စိတ်ဝင် စားလာပြီး စကားရည်လုပွဲများတွင်လည်း ပါဝင်ဆင်နွှဲခဲ့၏။ သူ၏ ဟောပုံပြောပုံမှာ အားတက်စရာမဟုတ်သော် လည်း ကိုင်တွယ်ရမည့် အကြောင်းအရာနှင့်ပတ်သက်၍ သေချာစေ့စပ်စွာ ပြင်ဆင်ထားခြင်း၊ ယုံကြည်ချက် အပြည့်အ၀ရှိခြင်းတို့ကြောင့် အဟောကောင်း၊ အပြောကောင်းဟူ၍ နာမည်ရခဲ့၏။
ကျောင်းဂျာနယ် စာတည်းအဖြစ်လည်းဆောင်ရွက်ခဲ့၏။ ထိုကဲ့သို့ စာသင်ခန်းပြင်ပလုပ်ငန်းများတွင် ပါဝင်သော် လည်း တယောက်တည်း အတွေးနယ်ထဲ နစ်မြုပ်နေတတ်ခြင်း၊ နေပုံထိုင်ပုံထောင့်မကျိုးခြင်းတို့ကြောင့် အောင် ဆန်းကို လူ့ဂွစာ လူထူးလူဆန်းအဖြစ် ကျောင်းနေဖက်များက မြင်ကြပါသည်။ ၁၉၃၂ ခုနှစ်တွင် တက္ကသိုလ်ဝင် စာမေးပွဲ၌ မြန်မာစာ၊ ပါဠိဘာသာဂုဏ်ထူးများဖြင့် “အေ” အဆင့်မှ အောင်မြင်ကာ ရန်ကုန်တက္ကသိုလ်သို့ ပ ညာဆက်သင်ရန် ရောက်သွားပါသည်။
အောင်ဆန်း ရန်ကုန်တက္ကသိုလ်သို့ ရောက်လာသည့်နှစ်သည်ကား ဆရာစံသူပုန်ကို ဗြိတိသျအစိုးရက ချေမှုန်း ကာ ခေါင်းဆောင်များကို သေဒဏ်ပေးခဲ့ပြီး တနှစ်ကြာကာလကပင်ဖြစ်ပါသည်။ တောင်သူလယ်သမားများ ခံစားနေရသော အတိဒုက္ခများမှ ပေါ်ပေါက်လာရသော ပုန်ကန်မှုကို ဗြိတိသျအစိုးရက ရှင်ဘုရင်ဖြစ်လိုသော အယူသည်းသူတယောက် ဦးဆောင်သည့် တောသူတောင်သား ပုန်ကန်မှုမျှသာဖြစ်သည်ဟု သေးသိမ်စေရန် နှိမ်၍ဖော်ပြခဲ့ပါသည်။ သို့သော်လည်း မြန်မာများအနေဖြင့် ကိုယ်ထိလက်ရောက် ပါဝင်ဆင်နွှဲခဲ့သူ မများပြား သော်လည်း ထိုပုန်ကန်မှုအပေါ် အတော်ပင် ဂရုဏာထားကြပါသည်။ ဆရာစံကို စွဲဆောင်နိုင်စွမ်းရှိသူတဦးအ ဖြစ် မမြင်သူများကပင် သူပုန်တို့၏ မျိုးချစ်စိတ်နှင့် သတ္တိပြောင်မြောက်မှုကြောင့် စိတ်လှုပ်ရှားတက်ကြွခဲ့ရပြီး အစိုးရ၏ ရက်စက်ကြမ်းတမ်း တုံ့ပြန်မှုများကြောင့် အရေးနိမ့်သွားရသော သူပုန်တို့ကို များစွာသနားကြင်နာခဲ့ ကြ၏။
ဗြိတိသျှအုပ်ချုပ်မှု အစောပိုင်းကာလတွင် ကျင့်သုံးသော ငြိမ်ဝပ်အေးချမ်းရေးလမ်းစဉ်မှာ အတော်အတန် အောင်မြင်မှုရှိခဲ့သော်လည်း လူမျိုးခြားကြီးစိုးမှုကို မြန်မာများက ကျေနပ်စွာ လက်ခံခြင်းမရှိပါ။ ကိုလိုနီအစိုးရ ပိုမိုခိုင်မြဲလာသည်နှင့် အုပ်ချုပ်သူလူမျိုးခြားတို့၏ ပလွှားမောက်မာသော အမူအကျင့်များနှင့် တိုင်းပြည်အတွက် စစ်မှန်သောကောင်းကျိုးကိစ္စရပ်တို့ကို လျစ်လျူရှုမှုများသည် တိုင်းသူပြည်သားတို့၏ မနှစ်သက် မကျေနပ်စိတ် များကို ဆွပေးသကဲ့သို့ ဖြစ်လာပါသည်။
ပထမဦးစွာပေါ်ထွန်းခဲ့သော အမျိုးသားရေးရာ အဖွဲ့အစည်းများသည် ဗုဒ္ဓဘာသာနှင့် မြန်မာ့ရိုးရာယဉ်ကျေးမှု တည်တံ့ခိုင်မြဲရန်နှင့် သန့်ရှင်းစင်ကြယ်ရန်ကိုသာ ဆောင်ရွက်ကြသည်။ သို့သော် ခေတ်ပညာတတ် မြန်မာလူ ငယ်အရေအတွက် များပြားလာသည်နှင့်အမျှ နိုင်ငံရေးရည်မှန်းချက်များပါ ပေါ်ပေါက်လာပါသည်။ ၁၉၀၆ ခုနှစ် တွင် တည်ထောင်သော ဗုဒ္ဓဘာသာကလျာဏယုဝအသင်း(၀ိုင်အမ်ဘီအေ)သည် နိုင်ငံရေးရာများကို စတင် ကိုင်တွယ်သော အဖွဲ့အစည်းဖြစ်ပြီး ရန်ကုန်တက္ကသိုလ်သပိတ်ကို အောင်မြင်စွာ စည်းရုံးလှုံ့ဆော်ခဲ့ပါသည်။
အမျိုးသားလှုပ်ရှားမှု အရှိန်အဟုန်ရလာသောအခါ ‘၀ိုင်အမ်ဘီအေ’ သည် ၁၉၂၀ ခုနှစ်၌ ‘ဂျီစီဘီအေ’ အသွင် သို့ ကူးပြောင်းသွားပါသည်။ ပထမဦးဆုံး ပေါ်ပေါက်လာသော အမျိုးသားမဟာမိတ်အဖွဲ့ဟု ခေါ်နိုင်ပါသည်။ မြန်မာ့အမျိုးသားရေးရာလှုပ်ရှားမှုကို တိုက်ရည်ခိုက်ရည်သွင်းပေးလိုက်သော ပုဂ္ဂိုလ်မှာ ဆရာတော်ဦးဥတ္တမ ဖြစ်သည်။ ဆရာတော်၏ စိတ်အားထက်သန်သော လွတ်လပ်ရေးတောင်းဆိုမှုတို့ကြောင့် နိုင်ငံတ၀ှမ်းတွင် မျိုး ချစ်စိတ်ဓာတ်ပြင်းပြစွာ တက်ကြွလာပါသည်။ သို့သော်လည်း စုပေါင်းညီညာသော လွတ်လပ်ရေးလှုပ်ရှားမှု ပေါ်ပေါက်စေမည့် အင်အားများမှာ နိုင်ငံရေးအကွဲအပြားများကြောင့် လွင့်စင်သွားရ၏။
၁၉၂၂ ခုနှစ်တွင် (၂၁) ဦးပါတီသည် ဂျီစီဘီအေမှ ခွဲထွက်သွားပြီးနောက်တွင် ထပ်မံကွဲကြပြန်သဖြင့် ၁၉၂၀ ခု နှစ်များ ကုန်ဆုံးခါနီးတွင် အဖွဲ့အစည်း (၃) ဖွဲ့ ဖြစ်သွားပါတော့သည်။ ၁၉၃၀ ခုနှစ်များ၏ အစပိုင်းကာလတွင်မူ ဗြိတိသျှအုပ်ချုပ်မှုအောက်တွင် မြန်မာနိုင်ငံနှင့် အိန္ဒိယနိုင်ငံတို့ ပူးတွဲထားသင့်၊ မထားသင့် ဟူသော “ခွဲရေး-တွဲရေး” ကိစ္စအပေါ် မြန်မာနိုင်ငံရေးသမားများ စိတ်ဝင်စားစွာ အငြင်းပွားကြသည်ကို တွေ့ရပါသည်။
ထိုနိုင်ငံရေးသမားများအနက် အချို့မှာ ဆရာစံသူပုန်တို့အား ဗြိတိသျှအစိုးရက ခုံရုံးတင်စစ်ဆေးရာ၌ သူပုန် များဘက်မှ ခုခံကာကွယ်ပေးခဲ့သဖြင့် ထင်ပေါ်ကျော်ကြားလာသူများဖြစ်ပါသည်။ တချိန်တည်းမှာပင် ငြိမ်၍ ခေါင်းငုံ့ခံသည့်ကာလမှာလည်း ဆုံးခန်းသို့ ဦးတည်လာကာ ထိုးနှက်တိုက်ခိုက်ခြင်း သဘောဆောင်သော နည်းဗျူဟာများသုံးစွဲရန် တွန့်ဆုတ်လိမ့်မည်မဟုတ်သော အမျိုးသားရေးစိတ်ဓာတ်ရှိသည့် မျိုးဆက်သစ်များ လည်း နိုင်ငံရေးဇာတ်ခုံပေါ်သို့ ရောက်ရှိလာပါသည်။
အသက် (၁၈) နှစ်အရွယ် အောင်ဆန်းသည် ခပ်ရိုင်းရိုင်း အညာသားကလေးပင်ဖြစ်ပါသည်။ မိမိတို့ကိုယ်မိမိတို့ လူ့မလိုင်ဟု အထင်ရောက်နေကြပြီး ကြော့ရှင်းဝံ့ကြွားစွာ ၀တ်ဆင်နေထိုင်ကြသော ရန်ကုန်တက္ကသိုလ် ကျောင်းသားများ အသိုင်းအ၀ိုင်းတွင် မျက်နှာထားရှုသိုးသိုးနှင့် အ၀တ်အစား ပိုသီပတ်သီဝတ်ဆင်သော အောင်ဆန်းသည် အံမ၀င်ဂွင်မကျ ဖြစ်နေ၏။ ထို့အပြင် သူ့ထက်သိမ်မွေ့ပါးနပ်သော ကျောင်းနေဖက်များ၏ ဝေဖန်နောက် ပြောင်မှုကိုလည်း ဂရုမစိုက်ကြောင်း စောစီးစွာပေါ်လွင်စေခဲ့၏။
အောင်ဆန်း တက္ကသိုလ်ရောက်စ ပထမနှစ်ပတ်တွင် ကျောင်းသားသမဂ္ဂမှ စကားရည်လုပွဲတရပ် ကျင်းပပါ သည်။ ထိုစကားရည်လုပွဲအပြီး၌ အောင်ဆန်းသည် ပရိသတ်အကြားမှထကာ သူ့အကို အောင်သန်း တင်သွင်း သော “ဘုန်းတော်ကြီးများ နိုင်ငံရေးမလုပ်သင့်”ဟူသည့် အဆိုကို ထောက်ခံလိုက်ပါသည်။ ဤသည်မှာ မိသား စုသွေးစည်းရေး သဘောဆောင်သည့် အပြုအမူမဟုတ်ပါ။ ယုံကြည်ချက်အရ လုပ်ဆောင်လိုက်ခြင်း ဖြစ်ပါ သည်။
အောင်ဆန်း အင်္ဂလိပ်စကားပြောရာတွင် အသံထွက် အမှားမှားအယွင်းယွင်း ကို့ယို့ကားရား ချောမွေ့ပြေပြစ် ခြင်း မရှိသောကြောင့် သူ့စကားများမှာ နားမလည်နိုင်သလောက်ပင်ဖြစ်၏။ ပရိသတ်က ပြောင်လှောင်သရော် အော်ဟစ်ကြသဖြင့် အကိုဖြစ်သူ အတော်ပင်အနေရခက်သွား၏။ အောင်ဆန်းကမူ ကြောက်ရွံ့၍ အသံပျောက် သွားခြင်းမရှိ။ ကဲ့ရဲ့သံများ၊ မြန်မာစကားနှင့်သာပြောရန် ရိုင်းရိုင်းစိုင်းစိုင်း အော်ဟစ်သံများကို လျစ်လျူရှုကာ အဆင့်အတန်းမမီသော သူ့အင်္ဂလိပ်စကားကို ပါဠိအသုံးအနှုန်းများဖြင့် ဖြည့်စွက်၍ သူပြောလိုရာအားလုံးကို ပြီးဆုံးအောင် ဆက်လက်ပြောဆိုသွားပါသည်။
ထိုပထမစကားရည်လုပွဲ အဖြစ်အပျက်သည် နောင်အတွက် အစဉ်အလာတရပ် ချမှတ်ပေးလိုက်သကဲ့သို့ ဖြစ် သွားပါသည်။ ပရိသတ်က ကဲ့ရဲ့ရှုတ်ချနေသည့်ကြားကပင် သူပြောလိုရာကို အင်္ဂလိပ်စကားနှင့်ပြောခြင်း၊ သုန် သုန်မှုန်မှုန် နေတတ်ခြင်းတို့ကြောင့် သူသည် အူကြောင်ကြောင်နိုင်သော အရူးတယောက်ဟူ၍ပင် နာမည်ရခဲ့ ၏။
သို့သော် အောင်ဆန်းသည် အဝေဖန်ခံရမည်ကို ကြောက်ရွံ့ပြီး သူလုပ်ကိုင်ရန် ဆုံးဖြတ်ထားသောကိစ္စများကို မလုပ်ဘဲနေမည့် လူမျိုးမဟုတ်ပါ။ ခေတ်ပြိုင်ကမ္ဘာတွင် အင်္ဂလိပ်စကား အရေးပါပုံကို သိရှိနားလည်သဖြင့် အင်္ဂ လိပ်စကားကို ပိုင်ပိုင်နိုင်နိုင်သုံးစွဲနိုင်ရန် သူ ကြိုးစား၏။ အင်္ဂလိပ်စာအုပ်များကို သဲကြီးမဲကြီးဖတ်ခြင်း၊ အခြား သူများ ပြောပုံဆိုပုံကို နားထောင်လေ့လာခြင်း၊ အင်္ဂလိပ်စာသင်ကျောင်းတွင် ပညာဆည်းပူးခဲ့သူ မိတ်ဆွေရင်း တဦးထံမှ အကူအညီယူခြင်း စသည်တို့ဖြင့် ဘုန်းကြီးကျောင်းထွက် အညာသားတဦးအတွက် ထူးခြားလောက် သော အင်္ဂလိပ်စကားကျင်လည်မှုကို သူရရှိလာ၏။
ထိုပထမစကားရည်လုပွဲတွင် အောင်ဆန်း ထောက်ခံခဲ့သောအဆိုမှာ သူ၏ ရေရှည်ယုံကြည်ချက်တရပ်အား ဖော်ထုတ်ခဲ့ခြင်းဖြစ်သည်ကို သတိမူသင့်ပါသည်။ ထိုယုံကြည်ချက်မှာ သံဃာတော်များ နိုင်ငံရေးတွင် ၀င် ရောက်လုပ်ကိုင်ခြင်း မပြုသင့်ကြောင်းပင်ဖြစ်ပါသည်။ မကွယ်လွန်မီ တနှစ်ကျော်ခန့်က ပြောကြားခဲ့သော ရွှေ တိဂုံစေတီတော် အလယ်ပစ္စယံညီလာခံမိန့်ခွန်း၌ “ဘာသာရေးနှင့် နိုင်ငံရေးကို ရောစပ်ပါမူ ဘာသာရေး၏ သဘောတရားကို ဆန့်ကျင်ရာရောက်ပေ၏”ဟု ပြောခဲ့၏။ ရဟန်သံဃာများအား “အရှင်ဘုရားတို့က သာသ နာတော်ရောင် ထွန်းပြောင်အောင် အားထုတ်တော်မူကြပါ – ကမ္ဘာသူကမ္ဘာသားတို့ မေတ္တာတရားပွားများ၍ သမစိတ္တနှင့် ညီရင်းအကို မောင်ရင်းနှမကဲ့သို့ နေနိုင်ကြပါလိမ့်မည် -- ဤကဲ့သို့ဆောင်ရွက်မှုသည် သာသနာ ဖက်ကသာကြည့်၍ မြင့်မြတ်သည်မဟုတ်ပါ၊ တပည့်တော်တို့၏ နိုင်ငံနှင့် လူမျိုးအတွက် အမြင့်မြတ်ဆုံးသော နိုင်ငံရေးကို ဆောင်ရွက်ရာရောက်ပါသည်ဘုရား” စသဖြင့် လျှောက်ထားခဲ့ပါသည်။
အများက နိုင်ငံသတ္တ၀ါ ပကတိအဖြစ်ဖြင့်မြင်ကြသော အောင်ဆန်းမှာ စင်စစ်တွင် ဘာသာရေး၌ လေးနက်စွာ တသက်လုံး စိတ်ဝင်စားသူပင် ဖြစ်ပါသည်။ ရေနံချောင်း၌ ကျောင်းတက်နေစဉ် ဖခင်ကွယ်လွန်သွားသဖြင့် ၀မ်းနည်းကြေကွဲကာ ရဟန်းဘောင်ဝင်ရန်ပင် စိတ်ကူးခဲ့ပါသည်။ တက္ကသိုလ်ရောက်စအချိန်ကလည်း အီတလီ လူမျိုး ဗုဒ္ဓဘာသာဘုန်းတော်ကြီး ဦးလောကနန္ဒကို ကြည်ညိုလေးစားလှသဖြင့် ဆရာတော်နှင့် အတူလိုက်ပြီး သာသနာပြုလုပ်ငန်းများ ဆောင်ရွက်ရန် မိခင်ထံ အခွင့်တောင်းဖူး၏။ အခွင့်ကား မရခဲ့ပေ။ သို့သော် လော ကုတ္တရာကိစ္စများကို အောင်ဆန်း ဆက်လက်၍ ဂရုတစိုက်အလေးထားပါသည်။
နိုင်ငံရေးလောကထဲသို့ ခြေစုံပစ်ဝင်ပြီးနောက်ပိုင်း၌ပင် သူနှင့် အရင်းနှီးဆုံး မိတ်ဆွေတဦးအား သူ၏ “သစ္စာတ ရားနှင့် လုံးဝအပြစ်ကင်းစင်မှု ရှာပုံတော်ဘ၀ခရီး” အကြောင်းနှင့် ကာယကံ၊ ၀စီကံ၊ မနောကံအရ ရိုးဖြောင့်နိုင် ရန် သတိပြုကြိုးပမ်းနေကြောင်းတို့ကို စာရေး၍ ရှင်းပြဖူးပါသည်။ ခေတ်လူငယ် စိတ်ပိုင်းဆိုင်ရာ အသိတရား ခေါင်းပါးနေသည်ကို စိုးရိမ်မိကြောင်း၊ လောကဒဏ်လှိုင်းများကို ကြံ့ကြံ့ခိုင် ရင်ဆိုင်တွန်းလှန်နိုင်စွမ်းမရှိပါက ထိုအသိတရားများ လုံးဝကွယ်ပျောက်ပြီး စိတ်ဓာတ်ဗလ မွဲပြာကျသောအဖြစ်သို့ ရောက်ရှိသွားမည်ကို စိုးရိမ်ပူ ပန်မိကြောင်း စသဖြင့်လည်း ရေးသားထားပါသည်။
ကျောင်းသားနိုင်ငံရေးနှင့် သခင်များ
ကိုအောင်ဆန်း ကျောင်းသားနိုင်ငံရေးတွင် ပါဝင်မှုမှာ အစ၌ ခပ်ဖြေးဖြေး မှန်မှန်သာဖြစ်သော်လည်း ၁၉၃၅ ခုနှစ်နောက်ပိုင်း၌ အရှိန်အဟုန် မြင့်မားလာ၏။ ထိုအချိန်တွင် သူသည် ကိုနု၊ ကိုလှဖေ (နောင် ဗိုလ်လင်္ကျာ)၊ ကိုသိန်းဖေ၊ ကိုကျော်ငြိမ်း၊ ကိုရာရှစ်ကဲ့သို့သော ပုဂ္ဂိုလ်များနှင့်အတူ စတင်လုပ်ကိုင်နေပြီး မြန်မာ့လွတ်လပ်ရေး လှုပ်ရှားမှုတွင် ထင်ရှားလာမည့် ထိုလူငယ်များနှင့် အောင်ဆန်းတို့ လက်တွဲကာ ကျောင်းသားများ အတော်ပင် ဂရုပြုရမည့် နိုင်ငံရေးအင်အားစုတစုဖြစ်လာအောင် စည်းရုံးပါသည်။
ကိုအောင်ဆန်းတို့လူစုသည် အာဏာပိုင်အလိုတော်ရိများ လွှမ်းမိုးထားသော တက္ကသိုလ်ကျောင်းသားသမဂ္ဂကို ထိုးထွင်းဝင်ရောက်နိုင်ရန် ကြိုးပမ်းခြင်းဖြင့် စတင်လှုပ်ရှား၏။ ပထမတွင် အောင်မြင်မှုသိပ်မရှိခဲ့ပေ။ ၎င်းးတို့အ ထဲမှ ကိုကျော်ငြိမ်းနှင့် ကိုသိန်းဖေတို့သာ သမဂ္ဂအမှုဆောင်များအဖြစ် အရွေးချယ်ခံရသည်။ သို့သော် နောက် ပိုင်းတွင် ထက်သန်သော အမျိုးသားရေးစိတ်ဓာတ်နှင့် ဇွဲလုံ့လတို့၏ အကျိုးအမြတ်များ ထွန်းကားလာ၏။ တက္က သိုလ်ကျောင်းသားများ၏ စိတ်နေစိတ်ထားလည်း ပြောင်းလာ၏။ လှုပ်ရှားတက်ကြွသော ပြည်ချစ်စိတ်လွှမ်းမိုး လာ၏။ ၁၉၃၅-၃၆ စာသင်နှစ်အတွင်း ကျောင်းသားသမဂ္ဂအမှုဆောင် ရွေးကောက်ပွဲတွင် အဓိကနေရာအား လုံး အမျိုးသားရေးစိတ်ဓာတ် ထက်သန်သောလူငယ်များက ရရှိသွားကြ၏။ ကိုအောင်ဆန်းသည် အမှုဆောင် အဖွဲ့ဝင်တဦးအဖြစ် အရွေးခံရပြီး သမဂ္ဂမဂ္ဂဇင်း၏ အယ်ဒီတာလည်း ဖြစ်လာပါသည်။
သမဂ္ဂမဂ္ဂဇင်း “အိုးဝေ”တွင် “ငရဲခွေးကြီး လွတ်နေပြီ”ဟူသော ဆောင်းပါးကို ထည့်သွင်းခဲ့ခြင်းသည် ကျယ် ပြန့်စွာထိရောက်မှုရှိခဲ့သည့် ၁၉၃၆ ခုနှစ် တက္ကသိုလ်ကျောင်းသားသပိတ်ကို သွယ်ဝိုက်သောနည်းဖြင့် လှုံ့ဆော် ပေးခြင်းပင် ဖြစ်ပါသည်။ ဤဆောင်းပါးသည် တက္ကသိုလ်အရာရှိတဦးအား ပုတ်ခတ်တိုက်ခိုက် ရေးသားထား ခြင်းဖြစ်သည်ဟု အာဏာပိုင်များက ယူဆကာ ဆောင်းပါးရှင်အမည်ကို ဖော်ထုတ်ရန် အယ်ဒီတာ ကိုအောင် ဆန်းအား တောင်းဆိုလာတော့၏။
ကိုအောင်ဆန်းကလည်း ယင်းကဲ့သို့ဖော်ထုတ်ခြင်းသည် သတင်းစာဆရာကျင့်ဝတ်နှင့် ကိုက်ညီမည်မဟုတ်ဟု ဆိုကာ ငြင်းဆန်လိုက်၏။ အာဏာပိုင်များက ယခုကဲ့သို့ ငြင်းဆန်မှုကို အခွင့်ကောင်းယူပြီး ကိုအောင်ဆန်းအား ကျောင်းမှထုတ်ပယ်လိုက်တော့၏။ မကြာသေးမီကပင် ကိုနုသည်လည်း ကျောင်းအုပ်ကြီးအား ပစ်ပစ်ခါခါ ဝေ ဖန်မှုဖြင့် ကျောင်းထုတ်ခံခဲ့ရသောကြောင့် ကျောင်းသားများထဲတွင် မကျေနပ်မှု၊ ဒေါသထွက်မှု ပို၍များပြားလာ လေသည်။ သို့ဖြင့် သပိတ်မှောက်ရန် ဆုံးဖြတ်ကြပါတော့သည်။
တက္ကသိုလ်စာမေးပွဲများစစ်ချိန် ဖြစ်လေရာ ဤဆုံးဖြတ်ချက်မှာ အထူးလေးနက်သည့် ကိစ္စတရပ်ဖြစ်ပါသည်။ သပိတ်သတင်းမှာ ချက်ချင်းပင် ဟိုလေးတကျော်ဖြစ်သွားလေသည်။ သတင်းစာများနှင့်တကွ တနိုင်ငံလုံးက သပိတ်မှောက်ကျောင်းသားများကို ကြင်နာစွာ ထောက်ခံကြပါသည်။ ဤကဲ့သို့ အများထောက်ခံမှုကို ရယူနိုင် ခြင်း၊ လေးစားလောက်အောင် စီမံကွပ်ကဲနိုင်ခြင်း၊ စည်းကမ်းရှိခြင်း စသည်တို့ကြောင့် ကျောင်းသားများ၏ လုပ်ရည်ကိုင်ရည်နှင့် ကျောင်းသားအင်အား၏ တန်ခိုးအာနိသင်ကို လူကြီးပိုင်း နိုင်ငံရေးသမားများ အသိအ မှတ်ပြုလာကြရသည်။ အစိုးရအနေဖြင့်လည်း သပိတ်မှောက်သူများ၏ မကျေနပ်ချက်များကို လေးနက်စွာ မ စဉ်းစား၍ မဖြစ်တော့ပါ။ နောက်ဆုံး၌ နိုင်လူမင်းထက်ပြုတတ်သော ကျောင်းအုပ်ကြီးမှာ အငြိမ်းစားယူလိုက်ရ ၏။ တက္ကသိုလ်အက်ဥပဒေတွင် ကျောင်းသားများထည့်သွင်းလိုသော ပြင်ဆင်ချက်များကို လေ့လာရန် ကော်မ တီတရပ်ကိုလည်း ဖွဲ့စည်းလိုက်ရပြီး အရေးမပါလှသော တောင်းဆိုချက်များကိုမူ လိုက်လျောလိုက်လေသည်။
လူငယ်အမျိုးသားရေးဝါဒီများ၏ နိုင်ငံရေးဖွံ့ဖြိုးတိုးတက်မှုတွင် အရေးကြီးသည့် မှတ်တိုင်တတိုင်ဖြစ်သော ၁၉၃၆ ခုနှစ်သပိတ်ကြောင့် ကိုအောင်ဆန်းသည်လည်း ကျောင်းသားခေါင်းဆောင်တဦးအဖြစ် လူသိများလာ ပါသည်။ သူ့ဂုဏ်သိက္ခာလည်း အရှိန်မှန်မှန်မြင့်မားလာပြီး ရန်ကုန်တက္ကသိုလ်ကျောင်းသားသမဂ္ဂနှင့် သပိတ် မှောက်ပြီးနောက် တည်ထောင်ခဲ့သော မြန်မာနိုင်ငံလုံးဆိုင်ရာ ကျောင်းသားသမဂ္ဂတို့၏ အမှုဆောင်အဖွဲ့များ တွင်လည်း တဆင့်ထက်တဆင့် ပိုမိုအရေးပါသော အမှုဆောင်နေရာများတွင် တာဝန်ထမ်းဆောင်ရ၏။
၁၉၃၈ ခုနှစ်တွင် သမဂ္ဂနှစ်ရပ်စလုံး၏ ဥက္ကဋ္ဌဖြစ်လာပါသည်။ ထိုအချိန်၌ ကိုအောင်ဆန်း တက္ကသိုလ်မှ ၀ိဇ္စာဘွဲ့ ရပြီး၍ ဥပဒေ၀ိဇ္စာတန်းတွင် တက်ရောက်နေ၏။ ထိုကဲ့သို့ ဥပဒေတန်းဆက်တက်နေခြင်းမှာ တက္ကသိုလ်တွင် ဆက်လက်နေထိုင်လှုပ်ရှားနိုင်ခွင့်ရရှိရန်ဟူသော အကြောင်းလည်း ပါဝင်ပါသည်။ ဖြောင့်မတ်တည်ကြည်ခြင်း၊ ဇွဲလုံ့လကြီးခြင်း၊ အလုပ်လုပ်နိုင်စွမ်းရှိခြင်း စသည်တို့ကြောင့် ကိုအောင်ဆန်းအနေဖြင့် လေးစားခြင်းခံရသော် လည်း အခြားကျောင်းသားခေါင်းဆောင်များကဲ့သို့ ယဉ်ကျေးသိမ်မွေ့၍ ဆက်ဆံရေးပြေပြစ်ခြင်းမရှိသော လူ့ဂွ စာတဦးပင် ဖြစ်ပါသည်။
သုန်သုန်မှုန်မှုန်နေတတ်ခြင်း၊ မသပ်ရပ်ခြင်း၊ စိတ်မပါလျှင် သူတပါး အနေရကြပ်လောက်အောင် တုံဏှိဘာဝေ နေတတ်ခြင်း၊ စိတ်ပါပြန်တော့လည်း သူတပါး မခံနိုင်လောက်အောင် စကားဖောင်ဖွဲ့ခြင်းနှင့် အခြားထောင့်မ ကျိုးသော အမူအကျင့်တို့ကြောင့် ကိုအောင်ဆန်း မကြာခဏ အဝေဖန်ခံရပါသည်။ သူကိုယ်တိုင်လည်း “ရံဖန် ရံခါ လူ့ယဉ်ကျေးများနှင့် အသားမကျခဲ့ချေ၊ မျက်စေ့နောက် မြင်ပြင်းကပ်လာသည်။ ထိုအခါ လူ့ယဉ်ကျေးများ နှင့် ငါ လူရိုင်းဟု ဇာတိခွဲပစ်ချင်သည့် စိတ်များရှိလာသည်” ဟု ရေးသားခဲ့ဖူး၏။ သို့သော် လူရိုင်းများကို အောင် ဆန်းမြင်ပုံမှာ စိတ်ကူးယဉ်ဆန်၏။ ရိုးဖြောင့်တည်ကြည်၊ ကျန်းမာသန်စွမ်းပြီး၊ လွတ်လပ်ချမ်းသာစွာ နေထိုင်သူ များဟု သူက အမွှန်းတင်ထားခြင်းပင်ဖြစ်ပါသည်။
၁၉၃၈ ခုနှစ်တွင် ကိုအောင်ဆန်းသည် ၁၉၃၀ ခုနှစ် ကုလား-ဗမာအဓိကရုဏ်းမှ မြစ်ဖျားခံသော ဒို့ဗမာအစည်း အရုံးထဲသို့ ၀င်ရောက်လှုပ်ရှားနိုင်ရန် တက္ကသိုလ်မှ ထွက်လိုက်ပါသည်။ ထိုအစည်းအရုံးသည် အမျိုးသားရေး စိတ်ဓာတ်ပြင်းပြ၍ နုပျိုတက်ကြွသည့် အခြေခံလက္ခဏာရှိပြီး အစည်းအရုံးခေါင်းဆောင်များသည် သက်ကြီး နိုင်ငံရေးသမားများနှင့်မတူ တမူထူးခြားကြပါသည်။ မျိုးချစ်အရေးတော်ပုံ၌ ဘ၀ကိုမြှုပ်နှံရန် အာသီသပြင်းထန် နေသော ခေတ်သစ်ပညာတတ်လူငယ်များက ထိုသက်ကြီးနိုင်ငံရေးသမားများသည် ရဲသင့်သည်လောက်မရဲ၊ မြန်မာဆန်သင့်သည်လောက်မဆန်၊ အခြေခံမှ ပြောင်းလွဲမှုများလုပ်ရန် ဆန္ဒရှိသင့်သည်လောက်မရှိ၊ ငယ်ရွယ် သင့်သလောက်လည်း မငယ်ရွယ်ဟု ယူဆကြပါသည်။
ဒို့ဗမာအစည်းအရုံးဝင်များကို လူတိုင်းက ကြိက်ကြသည်တော့မဟုတ်ပါ။ အချို့က သူတို့ကို ကလေကချေ ပြ ဿနာရှာနေသော လူမိုက်လူဆိုးလေးများဟူ၍ အထင်သေးပြီး၊ အမည်ရှေ့တွင် ‘သခင်’တပ်၍ ခေါ်ဝေါ်ခြင်းကို ကြီးကျယ်သည်၊ မလုပ်သင့်မလုပ်ထိုက်ဟု ဝေဖန်ကြပါသည်။ ဗြိတိသျှအုပ်ချုပ်ရေးသမားများကို လက်အောက် ခံဖြစ်နေသော ဗမာတို့က ‘သခင်’ ဟု ခေါ်လေ့ခေါ်ထရှိရာ၊ ဗမာများသည် ကျွန်မျိုးမဟုတ် ကိုယ့်ကိုကိုယ် အုပ် စိုးနိုင်သည့် မွေးရာပါအခွင့်အရေးရှိသူများဖြစ်ကြောင်းကို ရှင်းရှင်းလင်းလင်း ရဲရဲတင်းတင်း ဖေါ်ပြသည့်အနေ နှင့် အစည်းအရုံးဝင်များက ‘သခင်’ ဘွဲ့ကို သုံးစွဲခြင်း ဖြစ်ပါသည်။
အတွင်းသဘောထား မတိုက်ဆိုင်မှုများကြောင့် ဒို့ဗမာအစည်းအရုံး နှစ်ခြမ်းကွဲသွားပါသည်။ သခင်အများစုပါ ၀င်သည့် အပိုင်းကို ခေါင်းဆောင်သူမှာ မြန်မာ့စာပေနှင့် နိုင်ငံရေးလောကတွင် အထင်ကရပုဂ္ဂိုလ်ကြီးဖြစ်ပြီး မူလက အစည်းအရုံး၏ နာယကဖြစ်သော ဆရာကြီးသခင်ကိုယ်တော်မှိုင်း ဖြစ်ပါသည်။ ကိုအောင်ဆန်းလည်း သခင်ကိုယ်တော်မှိုင်း ဦးဆောင်သည့် ဒို့ဗမာအစည်းအရုံးဝင်တဦး ဖြစ်လာပါသည်။ ‘မှိုင်းသခင်’ များအနက် ကိုနု၊ ကိုလှဖေနှင့် ကိုသိန်းဖေတို့အပြင် ကျောင်းသားခေါင်းဆောင်များ မဟုတ်ခဲ့သော်လည်း မြန်မာ့နိုင်ငံရေး တွင် ထင်ရှားအရေးပါလာမည့် သခင်သန်းထွန်းနှင့် သခင်စိုးတို့လည်းပါဝင်ပါသည်။ မကြာမီ သခင်အောင်ဆန်း သည် ဒို့ဗမာအစည်းအရုံး အထွေထွေအတွင်းရေးမှူး ဖြစ်လာပြီးနောက် အစည်းအရုံး၏ ကြေညာစာတမ်းကို စီ ရင်ရေးသားခဲ့ပါသည်။
ဆက်လက်ဖတ်ရှုပါရန် …
(ဒေါ်အောင်ဆန်းစုကြည် ရေးသားသည့် “ကြောက်ရွံ့ခြင်းမှ လွတ်ကင်းရေး” စာအုပ်မှ ထုတ်နှုတ်ဖော်ပြပါသည်)
ပြန်ခေါက်ခဲ့ပါ...
